កោះកុងៈ ខេត្តកោះកុងត្រៀមដាក់ឱ្យដំណើរការមណ្ឌលព្យាបាលជំងឺកូវីដ១៩ កម្រិតធ្ងន់ដែលមាន ៤០ គ្រែ ដែលមានទីតាំងស្ថិតនៅអតីតអគារសាលាខេត្តចាស់នៅចុងឆ្នាំ ២០២១ នេះ។
គេហទំព័ររដ្ឋបាលខេត្តកោះកុង បានឱ្យដឹងថា នៅថ្ងៃទី៤ ធ្នូ មន្ត្រីសុខាភិបាល និងក្រុមគ្រូពេទ្យព្យាបាលជំងឺកូវីដ១៩ នៃខេត្តនេះ បានចុះរៀបចំគ្រែ និងសម្អាតមណ្ឌលព្យាបាលជំងឺកូវីដ១៩ កម្រិតធ្ងន់នេះ។
គេហទំព័រនេះបញ្ជាក់ថា៖ «មណ្ឌលព្យាបាលនេះមានចំនួន ៤០គ្រែ នឹងត្រៀមដាក់ឱ្យដំណើរការនៅពេលឆាប់ៗនាចុងឆ្នាំ ២០២១ នេះ»៕