The Phnom Penh Post Search

Search form

Logo of Phnom Penh Post newspaper Phnom Penh Post - កម្ពុជា​កំពុង​ពិនិត្យ​លទ្ធភាព​បើក​ច្រក​ព្រំដែន​អន្តរជាតិ ថ្មដា នៃ​ខេត្ត​ពោធិ៍សាត់ ជាប់​ព្រំដែន​ថៃ ដើម្បី​បង្កើន​កិច្ច​សហប្រតិបត្តិ​ការ​ពាណិជ្ជកម្ម និង​ទេសចរណ៍​រវាង​ប្រទេស​ទាំង ២




កម្ពុជា​កំពុង​ពិនិត្យ​លទ្ធភាព​បើក​ច្រក​ព្រំដែន​អន្តរជាតិ ថ្មដា នៃ​ខេត្ត​ពោធិ៍សាត់ ជាប់​ព្រំដែន​ថៃ ដើម្បី​បង្កើន​កិច្ច​សហប្រតិបត្តិ​ការ​ពាណិជ្ជកម្ម និង​ទេសចរណ៍​រវាង​ប្រទេស​ទាំង ២

Content image - Phnom Penh Post
លោក ស៊ុន ចាន់ថុល រដ្ឋមន្ត្រី​ក្រសួង​សាធារណការ និង​ដឹក​ជញ្ជូន បាន​ដឹក​នាំ​ក្រុម​ការងារ បច្ចេកទេស​ក្រសួង​ចុះ​សិក្សា​ពិនិត្យ​លទ្ធភាព​ដើម្បី​បើក​ច្រក​ព្រំដែន​ ថ្មដា ដោយ​មាន​ការ​ចូលរួម​ពីថ្នាក់​ដឹកនាំ ក្រសួង មន្ត្រី​ជំនាញ​បច្ចេកទេស និង​ភាគី​ពាក់ព័ន្ធ​ផងដែរនៅ​ថ្ងៃទី​៤ ខែ​ធ្នូ ឆ្នាំ ២០២១ ។ រូបថត ហ្វេសប៊ុក

កម្ពុជា​កំពុង​ពិនិត្យ​លទ្ធភាព​បើក​ច្រក​ព្រំដែន​អន្តរជាតិ ថ្មដា នៃ​ខេត្ត​ពោធិ៍សាត់ ជាប់​ព្រំដែន​ថៃ ដើម្បី​បង្កើន​កិច្ច​សហប្រតិបត្តិ​ការ​ពាណិជ្ជកម្ម និង​ទេសចរណ៍​រវាង​ប្រទេស​ទាំង ២

ពោធិ៍សាត់ៈ កម្ពុជា​កំពុង​ពិនិត្យ​លទ្ធភាព​បើក​ច្រក​ព្រំដែន​អន្តរជាតិ ថ្មដា នៃ​ខេត្តពោធិ៍សាត់ ជាប់​ព្រំដែន​ ប្រទេស​ថៃ ដើម្បី​បង្កើន​កិច្ច​សហប្រតិបត្តិការ​ពាណិជ្ជកម្ម និង​ទេសចរណ៍​រវាង​ប្រទេស​ទាំង ២។

ហ្វេសប៊ុក​ក្រសួង​សាធារណការ​បញ្ជាក់​ថា៖ «នៅ​ថ្ងៃទី​៤ ខែ​ធ្នូ ឆ្នាំ ២០២១ ឯកឧត្តម​ទេស​រដ្ឋមន្ត្រី ស៊ុន ចាន់ថុល រដ្ឋមន្ត្រី​ក្រសួង​សាធារណការ និង​ដឹក​ជញ្ជូន បាន​ដឹក​នាំ​ក្រុម​ការងារ បច្ចេកទេស​ក្រសួង​ចុះ​សិក្សា​ពិនិត្យ​លទ្ធភាព​ដើម្បី​បើក​ច្រក​ព្រំដែន​ ថ្មដា ដោយ​មាន​ការ​ចូលរួម​ពីថ្នាក់​ដឹកនាំ ក្រសួង មន្ត្រី​ជំនាញ​បច្ចេកទេស និង​ភាគី​ពាក់ព័ន្ធ​ផងដែរ»។

ច្រកព្រំដែន​អន្តរជាតិ​​ថ្មដា​នេះ​មាន​ទីតាំង​ស្ថិត​នៅ​ក្នុង​ឃុំ​ថ្មដា ស្រុក​វាលវែង ខេត្ត ពោធិ៍សាត់ ជាប់​ព្រំដែន​ជាមួយ​ខេត្ត​ត្រាត ប្រទេស​ថៃ។

ហ្វេសប៊ុក​ដដែល​បន្ត​ថា៖ «ការ​ចុះ​សិក្សា​និង​ពិនិត្យ​នេះ ធ្វើឡើង​ក្នុង​គោល​បំណង​បើក​ច្រកព្រំដែន​អន្តរជាតិ​រវាង​កម្ពុជា-ថៃ ដើម្បី បង្កើនកិច្ចសហប្រតិបត្តិការ​ពាណិជ្ជកម្ម និង​ទេសចរណ៍​រវាង​ប្រទេស​ទាំង ២»។

ប្រភពដ​ដែល​បន្ត​ថា ការ​ត្រៀម​បើក​ច្រក​ព្រំដែន​អន្តរជាតិ​ថ្មដា​នេះក៏​មាន​គោល​បំណង​ដើម្បី​ឆ្លើយតប​ទៅ​នឹង​បំណង​ប្រាថ្នា​របស់​ប្រជាពលរដ្ឋនៅ​តាម​បណ្តា​ខេត្ត​ភាគ​ខាង​លិច​ប្រទេស និង​អ្នក​វិនិយោគ​ដែល​កំពុង ទន្ទឹង​រង់ចាំ និង​ចង់​ឃើញ​ការ​ប្រែ​ក្លាយ​ច្រក​នេះ​ទៅ​ជា​ច្រក​អន្តរជាតិ​ឱ្យបាន​ឆាប់។

ច្រកនេះ​គ្រោង​នឹង​សាងសង់​អគារ​អន្តោរ​ប្រវេសន៍ អគារ​គយ​និង​រដ្ឋាករ​សម្រាប់​ត្រួត​ពិនិត្យ​រួម ចំណត​សម្រាប់​ផ្ទេរ​ទំនិញ​ឆ្លង​កាត់ ‌‌ឃ្លាំង ទីលាន​កុង​ទីន័រ និង​អគារ​រដ្ឋបាល និង​សំណង់​អគារ​អន្តេវាសិកដ្ឋាន។

ការ​សាងសង់​ហេដ្ឋា​រចនា​សម្ព័ន្ធ​ទាំងនេះ គឺ​ដើម្បី​បើក​ឱកាស​ឱ្យ​បាន​ទូលំទូលាយ​ដល់​កិច្ច​សហប្រតិបត្តិការ​អន្តរជាតិ ការ​វិនិយោគ ការ​ធ្វើពាណិជ្ជកម្ម​ឆ្លង​កាត់​ដែន ការ​បង្កើត​ការងារ​ធ្វើ និង​ការ​ទាក់ទាញ​ភ្ញៀវ​ទេសចរ​ដើម្បី​លើក​កម្ពស់ សេដ្ឋកិច្ច​គ្រួសារ និង​សង្គមជាតិ​នៃ​ប្រជាជាតិទាំង ២ ផងដែរ៕

អត្ថបទគួរចាប់អារម្មណ៍

  • ភ្នំពេញៈ ក្រុមហ៊ុន Longfruiter Anlong Veng Oddor Meanchey Agriculture Park Co., Ltd បាន​បញ្ចេញ​ប្រាក់​វិនិយោគ ៥១ ​លាន​ដុល្លារ​ទៅលើ​ការដាំ​ដំណាំ​ចេក និង​ដំណាំ​ហូប​ផ្លែ​មួយចំនួន​នៅក្នុង​ស្រុក​អន្លង់វែង ខេត្ត​ឧត្តរមានជ័យ ដើម្បី​ជំរុញ​ការនាំចេញ ពិសេស​ទៅ​ទីផ្សារ​ប្រទេស​ចិន​។

  • ភ្នំពេញៈ មូលនិធិ​កម្ពុជា​ប្រឆាំង​កូវីដ​ ១៩ បន្ត​អំពាវនាវ​ដល់​សប្បុរជន​ឱ្យ​ចូលរួម​បរិច្ចាគ​ធនធាន ដើម្បី​រួមចំណែក​ក្នុងការ​ឧបត្ថម្ភ​ទ្រទ្រង់​ដល់​ពលរដ្ឋ​ដែល​កំពុង​ជួប​ការលំបាក និង​ក្រុមគ្រូពេទ្យ​អាវស អំឡុងពេល​ប្រយុទ្ធប្រឆាំង​ជំងឺ​កូវីដ ខណៈ​មូលនិធិ​នេះ​បាន​ជួយ​ដល់​ពលរដ្ឋ​ជាង ១ ​ម៉ឺន​គ្រួសារ តាមរយៈ​ការផ្តល់​ជា​គ្រឿង​បរិភោគ និង​កញ្ចប់​ថ្នាំ​ជាដើម​។

  • ភ្នំពេញៈ ​ជន​ជាប់ឃុំ​នៅតាម​ពន្ធនាគារ និង​មណ្ឌល​អប់រំ​កែប្រែ​រាជធានី​-​ខេត្ដ​ជាង ២ ​ពាន់​នាក់​បាន​ចាក់​វ៉ាក់សាំង​បង្ការ​ជំងឺ​កូវីដ​ ១៩ ​ដូស​ទី​ ៣ និង​កំពុង​បន្ត​ចាក់​ដូស​ជំរុញ​នេះ​បន្ថែមទៀត ខណៈ​ជន​ជាប់ឃុំ​សរុប​ប្រមាណ ៣៨ ០០០ ​នាក់​បាន​ចាក់​ ២​ ដូស​រួចហើយ​។

  • ភ្នំពេញៈ ​សាកលវិទ្យាល័យ និង​គ្រឹះស្ថាន​អប់រំ កម្រិត​ឧត្ដមសិក្សា​សាធារណៈ និង​ឯកជន​ប្រមាណ​ ២០ នៅ​ថ្ងៃទី​ ២៩ ខែមករា ខាងមុខនេះ​នឹង​រៀបចំ «​ពិព័រណ៍​ជំនាញ និង​សាកលវិទ្យាល័យ​» ​តាម​អន​ឡាញ​ដើម្បីឱ្យ​វាគ្មិន​ជំនាញ​ចែករំលែក​ចំណេះដឹង បទពិសោធ ដល់​និស្សិត​លើ​ការជ្រើសរើស​មុខជំនាញ​សិក្សា និង​សាកលវិទ្យាល័យ​សិក្សា​នៅក្នុង​ប្រទេស​កម្ពុជា​។

  • ភ្នំពេញៈ ជប៉ុន​បាន​ផ្ដល់​រថយន្ត​ពន្លត់​អគ្គិភ័យ​ចំនួន​ ៤ ​គ្រឿង​ដល់​អង្គភាព​ការិយាល័យ​នគរបាល​បង្ការ ពន្លត់​អគ្គិភ័យ និង​សង្គ្រោះ​នៃ​ស្នងការដ្ឋាន​នគរបាល​រាជធានី​ភ្នំពេញ ដើម្បី​ចូលរួមចំណែក​ធ្វើឱ្យ​ប្រសើ​ឡើង​នូវ​ប្រសិទ្ធភាព​ការងារ​ឆ្លើយតប និង​ការ​កាត់បន្ថយ​នូវ​ហានិភ័យ​នានា ដែល​បង្កឡើង​ដោយ​គ្រោះ​អគ្គិភ័យ​នៅ​កម្ពុជា ពិសេស​ក្នុង​រាជធានី​ភ្នំពេញ​។

  • ភ្នំពេញៈ ​សាជីវកម្ម​ធានាឥណទាន​កម្ពុជា (CGCC) និង​មជ្ឈមណ្ឌល​បច្ចេកវិទ្យា និង​ព័ត៌មាន​ជីវឧស្ម័ន (BTIC) នៅ​ថ្ងៃទី​ ២៤ ខែមករា បាន​ចុះ​អនុស្សរណៈ​ជាមួយ​គ្នា ដើម្បី​លើកកម្ពស់​បរិយាកាស​អំណោយផល​ដល់​ការវិនិយោគ​លើ​បច្ចេកវិទ្យា​ជីវឧស្ម័ន​ខ្នាត​ធំ​នៅ​កម្ពុជា​ដើម្បី​រួមចំណែក​កាត់​បន្ថយ​ការប្រែប្រួល​អាកាសធាតុ​។ នេះ​បើតាម​សេចក្ដី​ប្រកាស​ព័ត៌មាន​។