ភ្នំពេញៈ កម្ពុជាបន្តរកឃើញមនុស្សចំនួន ៤ នាក់ថ្មីទៀត បានស្លាប់ដោយសារជំងឺកូវីដ ១៩ ក្នុងនោះមាន ៣ នាក់ មិនបានចាក់វ៉ាក់សាំងកូវីដ ១៩ ខណៈរកឃើញអ្នកឆ្លងថ្មីបន្ថែមទៀតជាង ២០ នាក់ និងជាសះស្បើយជាង ២០ នាក់ផងដែរ។
យោងតាមសេចក្តីប្រកាសរបស់ក្រសួងសុខាភិបាលនៅព្រឹកថ្ងៃទី ៥ ខែ ធ្នូ ឆ្នាំ ២០២១ នេះ បានឱ្យដឹងថា ក្រសួងបានរកឃើញមនុស្សចំនួន ២៤ (PCR) នាក់ទៀត មានវិជ្ជមានកូវីដ ១៩ និងមានអ្នកជាសះស្បើយចំនួន ២១ នាក់។ ករណីរកឃើញនេះមានករណីឆ្លងក្នុងសហគមន៍ចំនួន ២២ នាក់ និងអ្នកដំណើរពីបរទេសចំនួន ២ នាក់។
គិតត្រឹមព្រឹកថ្ងៃទី ៥ ខែ ធ្នូ ឆ្នាំ ២០២១ នេះ កម្ពុជាមានអ្នកឆ្លងវីរុសកូវីដ ១៩ សរុបចំនួន ១២០ ២៥៦ នាក់ អ្នកជាសះស្បើយសរុបចំនួន ១១៦ ៦០៩ នាក់ និងអ្នកស្លាប់បានកើនឡើងរហូតដល់ ២ ៩៦០ នាក់៕