The Phnom Penh Post Search

Search form

Logo of Phnom Penh Post newspaper Phnom Penh Post - លោក​ គួច ចំរើន ឱ្យ​មន្ត្រី​ស្រាវជ្រាវ​សាវតារ អ្នកកាន់កាប់​ដី​ខុសច្បាប់




លោក​ គួច ចំរើន ឱ្យ​មន្ត្រី​ស្រាវជ្រាវ​សាវតារ អ្នកកាន់កាប់​ដី​ខុសច្បាប់

Content image - Phnom Penh Post
លោក គួច ចំរើន ក្នុងកិច្ចប្រជុំកាលពីថ្ងៃទី ៣ ធ្នូ។ រូបថត រដ្ឋបាលខេត្ត

លោក​ គួច ចំរើន ឱ្យ​មន្ត្រី​ស្រាវជ្រាវ​សាវតារ អ្នកកាន់កាប់​ដី​ខុសច្បាប់

ព្រះសីហនុៈ លោក គួច ចំរើន អភិបាលខេត្ត​ព្រះសីហនុ​បាន​ធ្វើការ​ណែនាំ​ដល់​គណៈបញ្ជាការ​ឯកភាព​ស្រុក​ត្រូវ​បន្ត​ស្រាវជ្រាវ​សាវតារ​អ្នក​កាន់កាប់​ដី​ខុសច្បាប់ និង​កាយ​ព្រំ​ការពារ​​ដីសម្បទាន​សង្គមកិច្ច​ឱ្យបាន​ច្បាស់លាស់ និង​ត្រូវបង្កើត​ក្រុមការងារ​ចុះ ស្រាវជ្រាវ រុករក​ដី​អតីតយុទ្ធជន ដែល​មាន​ការពាក់ព័ន្ធ​ជាមួយ​អង្គការ​វ៉ាយអេដ​ផងដែរ​។ ការណែនាំ​នេះ​ធ្វើឡើង​ក្នុង​កិច្ចប្រជុំ​បូកសរុប​លទ្ធផល​ការងារ​សមាគម​អតីតយុទ្ធជន​កម្ពុជា ខេត្ត​​ព្រះសីហនុ​កាលពី​ថ្ងៃទី​ ៣ ខែធ្នូ​។

លោក​ថ្លែងថា​៖ «​យើង​ចង់ដឹងថា ដី​អតីតយុទ្ធជន​នៅសល់​ប៉ុន្មាន បន្ទាប់ពី​ការកាត់​ឆ្វៀល និង​ធ្វើ​ផ្លូវ​ល្បឿន​លឿន​? ផ្ទៃដី​ទាក់ទង ដី​របស់​អង្គការ​វ៉ាយអេដ​ប៉ុន្មាន​? ត្រូវ​កំណត់​និយាម​ការឱ្យ​ច្បាស់លាស់ និង​ស្រាវជ្រាវ​ក្រុមគ្រួសារ ដែល​បាន​សាងសង់​ផ្ទះ នៅ​ទីនោះ តើ​អតីតយុទ្ធជន​បាន​ស្នាក់នៅ​ប៉ុន្មាន​? ស្ថានភាព​យ៉ាងដូចម្តេច​? យើង​ត្រូវ​ធ្វើការ​ដោះស្រាយ​ជា​ជំហានៗ​»​។

លោក​ នូវ សំអុល មេបញ្ជាការ​តំបន់​ប្រតិបត្តិការ​សឹករង​ខេត្ត​ព្រះសីហនុ និង​ជា​ប្រធាន​សមាគម អតីតយុទ្ធជន ខេត្ត​បានឱ្យដឹងថា អតីត​យុវជន អ្នក​គ្មាន​ដី គ្មាន​ផ្ទះ​ចំនួន ៤៨ ​គ្រួសារ​។ រស់នៅ​លើ​ដីសាធារណៈ​ចំនួន ១៩ ​គ្រួសារ​។

លោក​ គន់ គីម ទេសរដ្ឋមន្ដ្រី និង​ជា​អគ្គលេខាធិការ​សមាគម​អតីតយុទ្ធជន​កម្ពុជា​ថ្លែងថា ការបែងចែក​ដីសម្បទាន​សង្គមកិច្ច​ជូន​អតីតយុទ្ធជន​មកដល់​ពេល​នេះ មាន​រយៈពេល​ ៨ ​ឆ្នាំ​មកហើយ សម្រាប់​អ្នក​ដែល​បានរស់នៅ​ពិតប្រាកដ​ត្រូវ​ចេញ​បណ្ណ​ជូន​ពួកគាត់​។

លោក​បាន​បញ្ជាក់ថា​៖ «​អ្នករស់នៅ​អចិន្រៃ្តយ៍​ត្រូវ​ចេញ​បណ្ណ​កម្មសិទ្ធិ​ជូន​ពួកគាត់​។ តាម​ធម្មតា​អ្នករស់នៅ ៥ ​ឆ្នាំ​ ត្រូវ​ចេញ​បណ្ណ​កម្មសិទ្ធិ ជូន​គាត់ ហើយ​បណ្ណ​កម្មសិទ្ធិ​នោះ គាត់​មាន​សិទ្ធិ​ចាត់ចែង ប្រើប្រាស់ ឬ​ចែក​ទៅ​កូន​ដោយ​ស្របច្បាប់​។ ចំពោះ​អ្នក​មិន​ស្នាក់នៅ​យើង​ត្រូវ​ពិនិត្យ​ដោះស្រាយ​បន្តទៀត​។ យើង​ក៏ត្រូវ​គិតគូរ​ដល់​មន្ត្រីរាជការ ដែល​ក្រ​ពិតប្រាកដ មិន​ចាំតែ​អតីតយុទ្ធជន​ទេ ប្រជាជន​ក្រ​ពិតប្រាកដ ដែល​មាន​បណ្ណ​ក្រី​ក្រលេខ​ ១ លេខ​ ២ ក៏ត្រូវ​គិតគូរ​ដូច​អតីតយុទ្ធជន​ដែរ​»​។

អ្នកស្រី ជៀប សុធារី អ្នក​សម្របសម្រួល​សមាគម​អាដហុក​ប្រចាំខេត្ត​ព្រះសីហនុ ថ្លែង​នៅ​ថ្ងៃទី​ ៥ ខែធ្នូ​ថា បច្ចុប្បន្ន​វិវាទ​ដីធ្លី​នៅ​តំបន់​ដី​សង្គមកិច្ច​ក៏មាន​បញ្ហា​មួយចំនួន​ដែរ​។ កន្លែង​ដែល​រដ្ឋាភិបាល​ប្រគល់​ដីសម្បទាន​សង្គមកិច្ច​ទៅឱ្យ​អតីតយុទ្ធជន មាន​ការរៀបចំ​សម្រាប់​ការរស់នៅ​បាន​សមរម្យ អ្នក​ដែលមាន​លទ្ធភាព​ក៏បាន​ធ្វើ​ផ្ទះ​ធំ​នៅ អ្នកខ្លះ​បង្កើតជា​ផ្ទះសំណាក់ ភោជនីយដ្ឋាន និង​កន្លែង​លក់ដូរ​ផ្សេងៗ ខ្លះ​ក៏បាន​ចូល​ទៅ​ធ្វើ​ផ្ទះសំបែង​រស់នៅ និង​ដាំដុះ​ផលដំណាំ​ផ្សេង​ទៅតាម​លទ្ធភាព​៕

អត្ថបទគួរចាប់អារម្មណ៍

  • ភ្នំពេញៈ ក្រុមហ៊ុន Longfruiter Anlong Veng Oddor Meanchey Agriculture Park Co., Ltd បាន​បញ្ចេញ​ប្រាក់​វិនិយោគ ៥១ ​លាន​ដុល្លារ​ទៅលើ​ការដាំ​ដំណាំ​ចេក និង​ដំណាំ​ហូប​ផ្លែ​មួយចំនួន​នៅក្នុង​ស្រុក​អន្លង់វែង ខេត្ត​ឧត្តរមានជ័យ ដើម្បី​ជំរុញ​ការនាំចេញ ពិសេស​ទៅ​ទីផ្សារ​ប្រទេស​ចិន​។

  • ភ្នំពេញៈ មូលនិធិ​កម្ពុជា​ប្រឆាំង​កូវីដ​ ១៩ បន្ត​អំពាវនាវ​ដល់​សប្បុរជន​ឱ្យ​ចូលរួម​បរិច្ចាគ​ធនធាន ដើម្បី​រួមចំណែក​ក្នុងការ​ឧបត្ថម្ភ​ទ្រទ្រង់​ដល់​ពលរដ្ឋ​ដែល​កំពុង​ជួប​ការលំបាក និង​ក្រុមគ្រូពេទ្យ​អាវស អំឡុងពេល​ប្រយុទ្ធប្រឆាំង​ជំងឺ​កូវីដ ខណៈ​មូលនិធិ​នេះ​បាន​ជួយ​ដល់​ពលរដ្ឋ​ជាង ១ ​ម៉ឺន​គ្រួសារ តាមរយៈ​ការផ្តល់​ជា​គ្រឿង​បរិភោគ និង​កញ្ចប់​ថ្នាំ​ជាដើម​។

  • ភ្នំពេញៈ ​ជន​ជាប់ឃុំ​នៅតាម​ពន្ធនាគារ និង​មណ្ឌល​អប់រំ​កែប្រែ​រាជធានី​-​ខេត្ដ​ជាង ២ ​ពាន់​នាក់​បាន​ចាក់​វ៉ាក់សាំង​បង្ការ​ជំងឺ​កូវីដ​ ១៩ ​ដូស​ទី​ ៣ និង​កំពុង​បន្ត​ចាក់​ដូស​ជំរុញ​នេះ​បន្ថែមទៀត ខណៈ​ជន​ជាប់ឃុំ​សរុប​ប្រមាណ ៣៨ ០០០ ​នាក់​បាន​ចាក់​ ២​ ដូស​រួចហើយ​។

  • ភ្នំពេញៈ ​សាកលវិទ្យាល័យ និង​គ្រឹះស្ថាន​អប់រំ កម្រិត​ឧត្ដមសិក្សា​សាធារណៈ និង​ឯកជន​ប្រមាណ​ ២០ នៅ​ថ្ងៃទី​ ២៩ ខែមករា ខាងមុខនេះ​នឹង​រៀបចំ «​ពិព័រណ៍​ជំនាញ និង​សាកលវិទ្យាល័យ​» ​តាម​អន​ឡាញ​ដើម្បីឱ្យ​វាគ្មិន​ជំនាញ​ចែករំលែក​ចំណេះដឹង បទពិសោធ ដល់​និស្សិត​លើ​ការជ្រើសរើស​មុខជំនាញ​សិក្សា និង​សាកលវិទ្យាល័យ​សិក្សា​នៅក្នុង​ប្រទេស​កម្ពុជា​។

  • ភ្នំពេញៈ ជប៉ុន​បាន​ផ្ដល់​រថយន្ត​ពន្លត់​អគ្គិភ័យ​ចំនួន​ ៤ ​គ្រឿង​ដល់​អង្គភាព​ការិយាល័យ​នគរបាល​បង្ការ ពន្លត់​អគ្គិភ័យ និង​សង្គ្រោះ​នៃ​ស្នងការដ្ឋាន​នគរបាល​រាជធានី​ភ្នំពេញ ដើម្បី​ចូលរួមចំណែក​ធ្វើឱ្យ​ប្រសើ​ឡើង​នូវ​ប្រសិទ្ធភាព​ការងារ​ឆ្លើយតប និង​ការ​កាត់បន្ថយ​នូវ​ហានិភ័យ​នានា ដែល​បង្កឡើង​ដោយ​គ្រោះ​អគ្គិភ័យ​នៅ​កម្ពុជា ពិសេស​ក្នុង​រាជធានី​ភ្នំពេញ​។

  • ភ្នំពេញៈ ​សាជីវកម្ម​ធានាឥណទាន​កម្ពុជា (CGCC) និង​មជ្ឈមណ្ឌល​បច្ចេកវិទ្យា និង​ព័ត៌មាន​ជីវឧស្ម័ន (BTIC) នៅ​ថ្ងៃទី​ ២៤ ខែមករា បាន​ចុះ​អនុស្សរណៈ​ជាមួយ​គ្នា ដើម្បី​លើកកម្ពស់​បរិយាកាស​អំណោយផល​ដល់​ការវិនិយោគ​លើ​បច្ចេកវិទ្យា​ជីវឧស្ម័ន​ខ្នាត​ធំ​នៅ​កម្ពុជា​ដើម្បី​រួមចំណែក​កាត់​បន្ថយ​ការប្រែប្រួល​អាកាសធាតុ​។ នេះ​បើតាម​សេចក្ដី​ប្រកាស​ព័ត៌មាន​។