The Phnom Penh Post Search

Search form

Logo of Phnom Penh Post newspaper Phnom Penh Post - លោក ហង់ជួន ​ណារ៉ុន៖​ យុវជន​ត្រូវមាន​ជំនាញ​សតវត្សរ៍ ២១​ ដើម្បី​ជោគ​ជ័យ​ក្នុងអាជីព




លោក ហង់ជួន ​ណារ៉ុន៖​ យុវជន​ត្រូវមាន​ជំនាញ​សតវត្សរ៍ ២១​ ដើម្បី​ជោគ​ជ័យ​ក្នុងអាជីព

Content image - Phnom Penh Post
លោក ហង់ជួន ណារ៉ុន ពេលផ្ដល់បាឋកថា កាលពីថ្ងៃទី៥ ធ្នូ ។ រូបថត ក្រសួងអប់រំ

លោក ហង់ជួន ​ណារ៉ុន៖​ យុវជន​ត្រូវមាន​ជំនាញ​សតវត្សរ៍ ២១​ ដើម្បី​ជោគ​ជ័យ​ក្នុងអាជីព

ភ្នំពេញៈ​ រដ្ឋមន្រ្តី​ក្រសួង​អប់រំ​យុវជន និង​កីឡា លោក​ ហង់ជួន ​ណារ៉ុន ថ្លែង​ថា យុវ​ជន​ ត្រូវ​មាន​ជំនាញ​សត​វត្សរ៍​ទី​២១ ​ដើម្បី​ជោគ​​ជ័យ​ក្នុង​អាជីព​របស់​ខ្លួន​ ក៏ប៉ុន្តែ​ដើម្បី​ទទួល​បាន​ជំនាញ​ទាំង​នេះ ក្រសួង​អប់រំ​ សាលារៀន គ្រឹះ​ស្ថាន​ឧត្ដម​សិក្សាត្រូវ​ផ្លាស់​​ប្ដូរវិធី​សាស្រ្ដ​បង្រៀន​ហើយ​យុវជន​ត្រូវ​ចូល​អនុវត្ដ​កម្ម​វិធី​សិក្សា​ និងសកម្ម​ភាព​​សង្គម​ផ្សេង​ៗ​ទៀត​។​

ការ​លើកឡើ​ង​របស់​លោក ​ហង់ជួន ណារ៉ុន បែប​នេះ​នៅពេ​ល​លោក​ថ្លែង​បាឋក​ថា​ក្រោមប្រធានបទ«យុវ​ជន​ត្រូវ​មាន​ជំនាញ​សត​វត្សរ៍​ទី​២១​ដើម្បី​ជោគ​ជ័យ​ក្នុង​អាជីព»ក្នុង​ពេល​បិទកម្មវិធី​បោះជំរំ​យុវជន​ជា​សាកល​លើក​ទី៧​ក្រោម​ប្រធា​នបទ«យុវជន​ក្នុង​បរិ​បទ​ឌីជីថល» កាល​ពីថ្ងៃទី​៥ ​ខែធ្នូ ឆ្នាំ​២០២១ តាម​រយៈ​ទំព័រ​ហ្វេស​ប៊ុក​​ ក្រសួង​អប់រំ​។​

​​លោក​បាន​ថ្លែង​ថា បច្ចេក​វិទ្យា​ដើរលឿន ហើយ​បើ​តាម​ការ​វិភាគ​របស់​វេទិកា​សេដ្ឋ​កិច្ច​ពិភព​លោក ​ក្នុង​រយៈ​ពេល​១០​-២០ ឆ្នាំ​​ខាងមុ​ខ បច្ចេក​វិទ្យា​នឹងដើរ​លឿន​យ៉ាង​ខ្លាំង ​ហើយ​ជំនាញ​មួយ​ចំនួន​ដែល​មនុស្ស​​កំពុង​ប្រើ​ប្រាស់​នាពេល​បច្ចុប្បន្ន ​ដោយ​សារ​​តែការ​ធ្វើ​ស្វ័យ​ប្រវត្ដិ​ភាវូបនីយ​កម្ម ​មុខ​វិជ្ជាមួយ​ចំនួន​ គឺទីផ្សារ​ការងារ​លែង​ត្រូវ​ការ ហើយ​ជំនាញ​ថ្មីៗនឹង​លេច​ឡើង​ដែល​ទាម​ទារ​ឱ្យ​យុវជន​ត្រូវ​តែចេះ​ចាប់​យក​និង​រៀន​នូវ​ជំនាញថ្មី​ដើម្បី​ទទួល​បាន​ការងារ​។​​

លោក​បញ្ជាក់​ថា​៖«គេវាយតម្លៃថា​ ជំនាញ​ប្រមាណ​ជា ​៣០-៤០ភាគរយ​ ដែល​កំពុង​មាន​នាពេល​បច្ចុប្បន្ន នឹង​ត្រូវ​បាត់​បង់ ហើយ​ជំនាញ​ថ្មីៗនឹង​កើត​ឡើង​យ៉ាង​ឆាប់​រហ័ស​»។

លោក​បាន​រំឭក​ថា កាលពី​១០ឆ្នាំមុន​ មិនមាន​ការ​ប្រើ​ប្រាស់​បណ្ដាញ​សង្គម​ហ្វេស​ប៊ុក ឬអ៊ីន​ស្ដា​ក្រាមទេ ​ហើយ៣០ឆ្នាំមុន​ក៏​ ​គ្មាន​ការ​ប្រើ​ប្រាស់​អ៊ីមែលដែរ​។ ដូច្នេះ​ ១០ឆ្នាំ​ទៅខាង​មុខទៀត​ ​បច្ចេក​វិទ្យា​ផ្សេង​ៗទៀត​នឹង​កើត​ឡើង។ ​​ដូច្នេះ​ភារកិច្ច​របស់​ក្រសួង​អប់រំ និង​សាលា​រៀន ក៏ដូចជា​ គ្រឹះស្ថាន​ឧត្ដម​សិក្សា គឺ​ត្រូវ​បណ្ដុះ​បណ្ដាល​យុវជន​យ៉ាង​ណា​ដើម្បី​ឱ្យយុវ​ជន​នៅ​តែអាច​​មាន​វិជ្ជា​សម្ប​ទា បំណិន​សម្បទា សម​ស្រប​​។

លោក​បង្ហាញ​ថា ទី១ យុវជន​ត្រូវមាន​ចំណេះដឹ​ង​រឹង​មាំ​ ត្រូវ​មាន​មូលដ្ឋាន​គ្រឹះរឹងមាំ​ គឺមានន័យ​ថា យុវជន​ត្រូវ​មាន​ចំណេះ​ដឹង​ទូទៅ​មាំមួន។ប្រសិន​បើ​យុវជន​នៅសិក្សា​កម្រិត​មធ្យម​សិក្សាគឺត្រូ​វមាន​ចំណេះដឹង​ផ្នែកវិទ្យា​សាស្រ្ដ និង​វិទ្យា​សាស្រ្ដ​សង្គម​ គឺត្រូ​វយល់​ឱ្យបាន​ច្បាស់។រីឯ​នៅកម្រិត​ឧត្ដម​សិក្សា​ក៏ត្រូវ​មាន​ជំនាញ​ទូទៅ​រឹង​មាំនិង​ត្រូវ​ចេះនូវមុខវិ​ទ្យាឯកទេស​​ឱ្យ​បាន​ច្បាស់លា​ស់​ផង​ដែរ​​។​

បើតាម​លោក​ ហង់ជួន ណារ៉ុន បំណិ​ន​ សត​វត្សរ៍​ទី​២១ គឺផ្ដោត​ទៅលើ​បំណិន​ចំនួន​១២ គឺ​ ១-បំណិន​ត្រិះរិះ​ពិចារណា ២- បំណិន​នវានុ​វត្ដន៍ និង​ដោះស្រាយ​បញ្ហា ៣-បំណិន​សហការ​ ៤-បំណិន​ជាអ្នក​ដឹកនាំនិង​ប្រាស័យ​ទាក់​ទង ៥-​បំណិន​អក្ខរ​កម្ម​​ព័ត៌មាន ​៦-បំណិន​អក្ខរកម្ម​ប្រព័ន្ធ​ផ្សព្វ​ផ្សាយ ៧-បំណិន​អក្ខរកម្ម​បច្ចេក​វិទ្យា ៨-បំណិន​នៃភាព​ទន់​ភ្លន់ ៩-ភាព​ជា​អ្នក​ដឹក​នាំ​ ១០-ត្រូវមាន​ការ​ចេះផ្គួ​ច​ផ្ដើម​​គំនិត ១១-ត្រូវ​មាន​ផលិត​ភាព​និង១២-​បំណិន​សង្គម​​។

ចំពោះថា​តើ​បំណិន​ទាំង​អស់នេះ​​យុវជន​អាច​ទទួលបា​ន​យ៉ាងដូ​ចម្ដេច? លោកបាន​ពន្យល់ថា​ ដើម្បីទទួល​បាន​បំណិន​ទាំង​១២​នេះ សាលារៀន ក៏ដូច​ជាគ្រឹះ​ស្ថាន​ឧត្ដម​សិក្សា ត្រូវ​ផ្លាស់​ប្ដូរ​វិធីសាស្រ្ដរៀ​ន និង​​បង្រៀន ហើយ​យុវជ​ន​ត្រូវ​ចូលរួ​មទាំងក្នុ​ង​ការ​អនុ​វត្ដក​ម្មវិធី​សិក្សា​​ក្នុង​សាលា​រៀននិង​ចូលរួម​នៅក្នុង​សកម្ម​ភាព​ផ្សេង​ៗដូចជាកា​រចូលរួម​សកម្មភាព​បោះជំរំ​ជាសកល​​ ការ​ប្រកួត​ប្រជែង ការ​តស៊ូ​មតិ និង​​សកម្ម​ភាព​សង្គម​ផ្សេង​ៗទៀត​។

លោក​បញ្ជាក់​ថា​៖«ដូច្នេះ​​ការ​បណ្ដុះ​បណ្ដាល​​បំណិន​សតវត្សរ៍​ទី២១នេះគឺ​ទាម​ទារ​ឱ្យលោកគ្រូ អ្នក​គ្រូ គណៈ​គ្រប់​គ្រង​សាលា និង​ក្រសួង​​អប់រំ ត្រូវ​រៀបចំ​ការរៀន និង​ការ​បង្រៀន​បែបថ្មី​ ដោយ​បង្កើត​ជា​សាលា​រៀន​ជំនាន់ថ្មី​បង្កើត​ជា​វិធីសាស្រ្ដ​បង្រៀន​​ថ្មី​ ដើ​ម្បី​បង្រៀ​ន​សិស្ស។ មិនមែន​បង្រៀនសិស្ស​ដោយគ្រាន់តែ​ឱ្យទន្ទេ​ញ​ចាំមាត់នោះ​ទេ ប៉ុន្ដែ​គឺ​បង្រៀនសិ​ស្ស​ឱ្យ​ចេះ​គិតនិង​​ចេះ​ធ្វើ​ការ​សិក្សា​ស្រាវជ្រា​វ»​​។

យុវតី​ ឃិន ស្រីល័ក្ខ តំណាង​យុវជន​នៅសាក​លវិទ្យាល័យ​ក្រចេះ បាន​បង្ហាញ​បទពិសោធ​ដែលនា​ង​បាន​ចូលរួ​មកម្ម​វិធី​បោះ​ជំរំ​យុវជន​ជា​សា​កល​លើក​ទី៧​ ក្រោមប្រ​ធាន​បទ«យុវជន​ក្នុង​បរិ​បទ​ឌីជីថល»​រយៈពេល​៥ថ្ងៃ ចាប់ពីថ្ងៃទី​១​ដល់​ថ្ងៃទី៥ ខែធ្នូថា​នាង​បាន​ទទួល​បាន​ចំណេះ​ដឹងនិ​ង​បទពិ​សោធ ​ដែលនា​ងមិនធ្លាប់​បានទ​ទួលពីមុ​នមក​នៅ​សាលា​រៀន​។

​​យុវតីរូ​បនេះ​ថា​៖«ការ​ចូលរួម​សកម្មភាព​សង្គម​មួយនេះ​មិនមែន​ត្រឹមតែ​ជាការ​ចូលរួម​ហាត់​ពត់​លត់​ដំ​កាយ​សម្ប​ទា​និង​ផ្លូវ​ចិត្ដ​របស់​យុវជន​ប៉ុណ្ណោះ​ទេ ប៉ុន្ដែ​វាបាន​ចូលរួ​មផ្ដល់​ចំណេះដឹង​ជាច្រើន​ដោយផ្សារភ្ជា​ប់​ជាមួយ​សកម្មភាព​ជាក់ស្ដែង​​នៅក្នុង​​សង្គម​​បច្ចុប្បន្ន​ក្នុង​នោះមាន​ដូច​ជា ការ​បង្កើត​នូវ​គំនិត​ថ្មីៗក្នុងកា​រចូល​រួម​ដោះស្រាយ​បញ្ហា​ក្នុង​សហគមន៍​​ជាដើម​»៕

អត្ថបទគួរចាប់អារម្មណ៍

  • ភ្នំពេញៈ ក្រុមហ៊ុន Longfruiter Anlong Veng Oddor Meanchey Agriculture Park Co., Ltd បាន​បញ្ចេញ​ប្រាក់​វិនិយោគ ៥១ ​លាន​ដុល្លារ​ទៅលើ​ការដាំ​ដំណាំ​ចេក និង​ដំណាំ​ហូប​ផ្លែ​មួយចំនួន​នៅក្នុង​ស្រុក​អន្លង់វែង ខេត្ត​ឧត្តរមានជ័យ ដើម្បី​ជំរុញ​ការនាំចេញ ពិសេស​ទៅ​ទីផ្សារ​ប្រទេស​ចិន​។

  • ភ្នំពេញៈ មូលនិធិ​កម្ពុជា​ប្រឆាំង​កូវីដ​ ១៩ បន្ត​អំពាវនាវ​ដល់​សប្បុរជន​ឱ្យ​ចូលរួម​បរិច្ចាគ​ធនធាន ដើម្បី​រួមចំណែក​ក្នុងការ​ឧបត្ថម្ភ​ទ្រទ្រង់​ដល់​ពលរដ្ឋ​ដែល​កំពុង​ជួប​ការលំបាក និង​ក្រុមគ្រូពេទ្យ​អាវស អំឡុងពេល​ប្រយុទ្ធប្រឆាំង​ជំងឺ​កូវីដ ខណៈ​មូលនិធិ​នេះ​បាន​ជួយ​ដល់​ពលរដ្ឋ​ជាង ១ ​ម៉ឺន​គ្រួសារ តាមរយៈ​ការផ្តល់​ជា​គ្រឿង​បរិភោគ និង​កញ្ចប់​ថ្នាំ​ជាដើម​។

  • ភ្នំពេញៈ ​ជន​ជាប់ឃុំ​នៅតាម​ពន្ធនាគារ និង​មណ្ឌល​អប់រំ​កែប្រែ​រាជធានី​-​ខេត្ដ​ជាង ២ ​ពាន់​នាក់​បាន​ចាក់​វ៉ាក់សាំង​បង្ការ​ជំងឺ​កូវីដ​ ១៩ ​ដូស​ទី​ ៣ និង​កំពុង​បន្ត​ចាក់​ដូស​ជំរុញ​នេះ​បន្ថែមទៀត ខណៈ​ជន​ជាប់ឃុំ​សរុប​ប្រមាណ ៣៨ ០០០ ​នាក់​បាន​ចាក់​ ២​ ដូស​រួចហើយ​។

  • ភ្នំពេញៈ ​សាកលវិទ្យាល័យ និង​គ្រឹះស្ថាន​អប់រំ កម្រិត​ឧត្ដមសិក្សា​សាធារណៈ និង​ឯកជន​ប្រមាណ​ ២០ នៅ​ថ្ងៃទី​ ២៩ ខែមករា ខាងមុខនេះ​នឹង​រៀបចំ «​ពិព័រណ៍​ជំនាញ និង​សាកលវិទ្យាល័យ​» ​តាម​អន​ឡាញ​ដើម្បីឱ្យ​វាគ្មិន​ជំនាញ​ចែករំលែក​ចំណេះដឹង បទពិសោធ ដល់​និស្សិត​លើ​ការជ្រើសរើស​មុខជំនាញ​សិក្សា និង​សាកលវិទ្យាល័យ​សិក្សា​នៅក្នុង​ប្រទេស​កម្ពុជា​។

  • ភ្នំពេញៈ ជប៉ុន​បាន​ផ្ដល់​រថយន្ត​ពន្លត់​អគ្គិភ័យ​ចំនួន​ ៤ ​គ្រឿង​ដល់​អង្គភាព​ការិយាល័យ​នគរបាល​បង្ការ ពន្លត់​អគ្គិភ័យ និង​សង្គ្រោះ​នៃ​ស្នងការដ្ឋាន​នគរបាល​រាជធានី​ភ្នំពេញ ដើម្បី​ចូលរួមចំណែក​ធ្វើឱ្យ​ប្រសើ​ឡើង​នូវ​ប្រសិទ្ធភាព​ការងារ​ឆ្លើយតប និង​ការ​កាត់បន្ថយ​នូវ​ហានិភ័យ​នានា ដែល​បង្កឡើង​ដោយ​គ្រោះ​អគ្គិភ័យ​នៅ​កម្ពុជា ពិសេស​ក្នុង​រាជធានី​ភ្នំពេញ​។

  • ភ្នំពេញៈ ​សាជីវកម្ម​ធានាឥណទាន​កម្ពុជា (CGCC) និង​មជ្ឈមណ្ឌល​បច្ចេកវិទ្យា និង​ព័ត៌មាន​ជីវឧស្ម័ន (BTIC) នៅ​ថ្ងៃទី​ ២៤ ខែមករា បាន​ចុះ​អនុស្សរណៈ​ជាមួយ​គ្នា ដើម្បី​លើកកម្ពស់​បរិយាកាស​អំណោយផល​ដល់​ការវិនិយោគ​លើ​បច្ចេកវិទ្យា​ជីវឧស្ម័ន​ខ្នាត​ធំ​នៅ​កម្ពុជា​ដើម្បី​រួមចំណែក​កាត់​បន្ថយ​ការប្រែប្រួល​អាកាសធាតុ​។ នេះ​បើតាម​សេចក្ដី​ប្រកាស​ព័ត៌មាន​។