The Phnom Penh Post Search

Search form

Logo of Phnom Penh Post newspaper Phnom Penh Post - តំណាង​កម្ពុជា​ប្រចាំ​ទីក្រុង​ហ្សឺណែវ ​ច្រានចោល​ការបារម្ភ​របស់​មន្ត្រី​សិទ្ធិមនុស្ស ​UN ​ករណី​ឃាតកម្ម​លើ​សកម្ម​ជន​នៃ​អតីត​បក្ស​ប្រឆាំង




តំណាង​កម្ពុជា​ប្រចាំ​ទីក្រុង​ហ្សឺណែវ ​ច្រានចោល​ការបារម្ភ​របស់​មន្ត្រី​សិទ្ធិមនុស្ស ​UN ​ករណី​ឃាតកម្ម​លើ​សកម្ម​ជន​នៃ​អតីត​បក្ស​ប្រឆាំង

Content image - Phnom Penh Post
លោក អាន សុខខឿន តំណាងកម្ពុជាប្រចាំទីក្រុងហ្សឺណែវ ប្រទេសស្វីស។ រូបថត សហការី

តំណាង​កម្ពុជា​ប្រចាំ​ទីក្រុង​ហ្សឺណែវ ​ច្រានចោល​ការបារម្ភ​របស់​មន្ត្រី​សិទ្ធិមនុស្ស ​UN ​ករណី​ឃាតកម្ម​លើ​សកម្ម​ជន​នៃ​អតីត​បក្ស​ប្រឆាំង

ភ្នំពេញៈ តំណាង​កម្ពុជា​ប្រចាំ​ទីក្រុង​ហ្សឺណែវ ​ប្រទេស​ស្វីស ​ច្រានចោល​ការលើកឡើង​របស់​មន្ត្រី​សិទ្ធិ​មនុស្ស​របស់​អង្គការ​សហប្រជា​ជាតិ ​(UN) ​អំពី​ការព្រួយបារម្ភ​ពី​ភាពមិន​ស៊ីចង្វាក់​គ្នា​ទៅលើ​ភ័ស្តុតាង​ដែល​ផ្តល់​ដោយ​អាជ្ញាធរ​កម្ពុជា ​ពាក់ព័ន្ធ​នឹង​ករណី​ឃាតកម្ម​លើ​សកម្មជន​អតីត​គណបក្ស​ប្រឆាំង​ ១ រូប ​កាលពី​ខែវិច្ចិកា ​ហើយ​ដែល​មន្ត្រី​សិទ្ធិមនុស្ស​រូបនេះ ​អំពាវនាវ​ឱ្យ​មាន​ការស៊ើប​អង្កេត​ឯករាជ្យ។

លោក ​ស៊ិន ខុន ​សកម្មជន​នៃ​អតីត​គណបក្ស​សង្រ្គោះជាតិ​ត្រូវបាន​ជនសង្ស័យ​កាប់​នឹង​កាំបិត​ផ្គាក់ ​កាលពី​រំលង​អធ្រាត្រ​ឈាន​ចូល​ថ្ងៃ​ទី ២១ ​ខែវិច្ឆិកា ​បណ្តាលឱ្យ​ស្លាប់​នៅនឹង​កន្លែង​កើតហេតុ ​ស្ថិតក្នុង​សង្កាត់​ជ្រោយចង្វារ ​ខណ្ឌជ្រោយ​ចង្វារ​ រាជធានី​ភ្នំពេញ។ នេះ​បើ​យោង​តាម​កងរាជ​អាវុធហត្ថ​រាជធានី​ភ្នំពេញ​ដែលបាន​ឱ្យដឹង​តាម​ហ្វេសប៊ុក ​កាលពី​ថ្ងៃ​ទី ២៣​ ខែវិច្ឆិកា។

កងរាជ​អាវុធហត្ថ​រាជធានី​ភ្នំពេញ​បញ្ជាក់ថា ​មិន​ដល់ ​៤៨ ម៉ោង​ផង ​ជនសង្ស័យ​ត្រូវបាន​ឃាត់ខ្លួន ​និង​បាន​អះអាងថា​ ឃាតកម្ម​នេះ​មិនជាប់​ពាក់ព័ន្ធ​នឹង​រឿង​នយោបាយ​នោះ​ទេ ​ប៉ុន្តែ​ដោយសារ​ជនសង្ស័យ​ឧស្សាហ៍​មាន​ទំនាស់​ពាក្យ​សម្តី​ជាមួយ​ជន​រងគ្រោះ។

លោក​ Rupert Colville ​អ្នកនាំពាក្យ​ការិយាល័យ​ឧត្តម​ស្នងការ​អង្គការ​សហប្រជាជាតិ ​ទទួល​បន្ទុក​សិទ្ធិ​មនុស្ស​ (OHCHR) ​លើក​ឡើង​ក្នុង​សេចក្តី​ថ្លែងការណ៍​កាលពី​ថ្ងៃទី ៣ ​ខែធ្នូថា​៖ «យើង​កត់សម្គាល់​ថា​ ជនសង្ស័យ​ម្នាក់​ត្រូវបាន​ចាប់​ខ្លួន ​ប៉ុន្តែ​មាន​ការព្រួយបារម្ភ​ពី​ភាពមិន​ស៊ីចង្វាក់​គ្នា ​រវាង​ភ័ស្តុតាង ​ដែល​ផ្តល់​ដោយ​អាជ្ញាធរ ​និង​ព័ត៌មាន​ដែល​ទទួលបាន​ដោយ​ការិយាល័យ​របស់​យើង។ យើង​អំពាវនាវឱ្យ​មាន​ការស៊ើប​អង្កេត​ឯករាជ្យ ​និង​មិនលម្អៀង​លើ​ឧក្រិដ្ឋកម្ម​នេះ»។

ស្ថាន​បេសកកម្ម​អចិន្ត្រៃយ៍​កម្ពុជា​នៅ​ទីក្រុង​ហ្សឺណែវ ​បញ្ជាក់​ក្នុង​សេចក្តី​ថ្លែងការណ៍​ដែល​ផ្សព្វផ្សាយ​កាលពី​ថ្ងៃទី ៦ ​ខែធ្នូថា​ អាជ្ញាធរ​កម្ពុជា ​ពុំដែល​ព្រងើយ​កន្តើយ ​ចំពោះ​សេចក្តី​រាយការណ៍ ​អំពី​ឧក្រិដ្ឋកម្ម​ណាមួយ​នោះ​ទេ។ ការស៊ើប​អង្កេត​យ៉ាង​ហ្មត់ចត់​ដោយ​ផ្ទៀងផ្ទាត់​ជាមួយ​ភ័ស្តុតាង​និង​សាក្សី ​បានឈាន​ទៅដល់​ការចាប់ខ្លួន​ជនសង្ស័យ ​ដែល​ក្រោយមក​បានឆ្លើយ​សារភាព​ពី​ការប្រព្រឹត្ត​បទល្មើស។

សេចក្តី​ថ្លែងការណ៍​បន្តថា ​ប្រសិនបើ ​OHCHR ​មាន​ភ័ស្តុតាង​ដោះ​បន្ទុក​រឹងមាំ ​OHCHR ​ត្រូវបាន​ស្វាគមន៍​ឱ្យបញ្ជូន​ភ័ស្តុតាង​ទាំង​នោះ​ទៅកាន់​អាជ្ញាធរ​កម្ពុជា​ដែល​មាន​សមត្ថកិច្ច ​ដើម្បី​ផ្ទៀងផ្ទាត់ ​ដោយ​អនុលោម​តាម​វិធាន​ដែល​មាន​ចែង។ កិច្ចសហ​ប្រតិបត្តិការ​ពិតប្រាកដ ​ដែល​គ្មាន​របៀបវារៈ​លាក់​កំបាំង​ត្រូវបាន​រំពឹងទុក​ថា ​នឹង​ទទួលបាន​ពី​ទីភ្នាក់ងារ​ទាំងអស់ ​របស់​អង្គការ​សហប្រជាជាតិ ​ ដែល​មាន​តួនាទី​ជួយ​គាំទ្រ ​មិនមែន​ជ្រៀតជ្រែក​ចូល​កិច្ចការ​ផ្ទៃក្នុង​របស់​រដ្ឋ​សមាជិក​នោះ​ទេ។

សេចក្តី​ថ្លែងការណ៍​បញ្ជាក់ថា​៖ «ស្ថាន​បេសកកម្ម​អចិន្ត្រៃយ៍​នៃ​ព្រះរាជាណា​ចក្រ​កម្ពុជា​នៅ​ទីក្រុង​ហ្សឺណែវ ​ច្រានចោល​ទាំង​ស្រុង​ចំពោះ​ការអត្ថាធិប្បាយ​បង្ក​ការភាន់​ច្រឡំ​មាន​លក្ខណៈ​នយោបាយូបនីកម្ម ​ជ្រើសរើស​តែមួយ​ជ្រុង ​និង​បុរេវិនិច្ឆ័យ ​របស់​លោក ​Rupert Colville ​ទាក់ទិន​ការស៊ើប​អង្កេត​លើ​ជនសង្ស័យ​ពាក់ព័ន្ធ​នឹង​ឧក្រិដ្ឋកម្ម»។

សេចក្តី​ថ្លែងការណ៍​បានឱ្យ​ដឹងថា ​OHCHR ​ចាំបាច់​ត្រូវ​បំពេញ​អាណត្តិ​របស់​ខ្លួន​ដោយ​អនុលោម​តាម​សេចក្ដី​សម្រេច​ ដែល​បានបង្កើត​ស្ថាប័ន​នេះ​ឡើង ​និង​បាន​កំណត់​ឱ្យ​ការិយាល័យ​សិទ្ធិមនុស្ស​នេះ ​អនុវត្ត​មុខងារ ​របស់​ខ្លួន​ក្នុង​វិសាលភាព​នៃ​ធម្មនុញ្ញ​អង្គការ​សហប្រជាជាតិ ​និង​មាន​កាតព្វកិច្ច​គោរព​អធិបតេយ្យភាព​និង​ដែន​យុត្តាធិការ​ក្នុង​ស្រុក​របស់​រដ្ឋ​នីមួយៗ៕

អត្ថបទគួរចាប់អារម្មណ៍

  • ភ្នំពេញៈ ក្រុមហ៊ុន Longfruiter Anlong Veng Oddor Meanchey Agriculture Park Co., Ltd បាន​បញ្ចេញ​ប្រាក់​វិនិយោគ ៥១ ​លាន​ដុល្លារ​ទៅលើ​ការដាំ​ដំណាំ​ចេក និង​ដំណាំ​ហូប​ផ្លែ​មួយចំនួន​នៅក្នុង​ស្រុក​អន្លង់វែង ខេត្ត​ឧត្តរមានជ័យ ដើម្បី​ជំរុញ​ការនាំចេញ ពិសេស​ទៅ​ទីផ្សារ​ប្រទេស​ចិន​។

  • ភ្នំពេញៈ មូលនិធិ​កម្ពុជា​ប្រឆាំង​កូវីដ​ ១៩ បន្ត​អំពាវនាវ​ដល់​សប្បុរជន​ឱ្យ​ចូលរួម​បរិច្ចាគ​ធនធាន ដើម្បី​រួមចំណែក​ក្នុងការ​ឧបត្ថម្ភ​ទ្រទ្រង់​ដល់​ពលរដ្ឋ​ដែល​កំពុង​ជួប​ការលំបាក និង​ក្រុមគ្រូពេទ្យ​អាវស អំឡុងពេល​ប្រយុទ្ធប្រឆាំង​ជំងឺ​កូវីដ ខណៈ​មូលនិធិ​នេះ​បាន​ជួយ​ដល់​ពលរដ្ឋ​ជាង ១ ​ម៉ឺន​គ្រួសារ តាមរយៈ​ការផ្តល់​ជា​គ្រឿង​បរិភោគ និង​កញ្ចប់​ថ្នាំ​ជាដើម​។

  • ភ្នំពេញៈ ​ជន​ជាប់ឃុំ​នៅតាម​ពន្ធនាគារ និង​មណ្ឌល​អប់រំ​កែប្រែ​រាជធានី​-​ខេត្ដ​ជាង ២ ​ពាន់​នាក់​បាន​ចាក់​វ៉ាក់សាំង​បង្ការ​ជំងឺ​កូវីដ​ ១៩ ​ដូស​ទី​ ៣ និង​កំពុង​បន្ត​ចាក់​ដូស​ជំរុញ​នេះ​បន្ថែមទៀត ខណៈ​ជន​ជាប់ឃុំ​សរុប​ប្រមាណ ៣៨ ០០០ ​នាក់​បាន​ចាក់​ ២​ ដូស​រួចហើយ​។

  • ភ្នំពេញៈ ​សាកលវិទ្យាល័យ និង​គ្រឹះស្ថាន​អប់រំ កម្រិត​ឧត្ដមសិក្សា​សាធារណៈ និង​ឯកជន​ប្រមាណ​ ២០ នៅ​ថ្ងៃទី​ ២៩ ខែមករា ខាងមុខនេះ​នឹង​រៀបចំ «​ពិព័រណ៍​ជំនាញ និង​សាកលវិទ្យាល័យ​» ​តាម​អន​ឡាញ​ដើម្បីឱ្យ​វាគ្មិន​ជំនាញ​ចែករំលែក​ចំណេះដឹង បទពិសោធ ដល់​និស្សិត​លើ​ការជ្រើសរើស​មុខជំនាញ​សិក្សា និង​សាកលវិទ្យាល័យ​សិក្សា​នៅក្នុង​ប្រទេស​កម្ពុជា​។

  • ភ្នំពេញៈ ជប៉ុន​បាន​ផ្ដល់​រថយន្ត​ពន្លត់​អគ្គិភ័យ​ចំនួន​ ៤ ​គ្រឿង​ដល់​អង្គភាព​ការិយាល័យ​នគរបាល​បង្ការ ពន្លត់​អគ្គិភ័យ និង​សង្គ្រោះ​នៃ​ស្នងការដ្ឋាន​នគរបាល​រាជធានី​ភ្នំពេញ ដើម្បី​ចូលរួមចំណែក​ធ្វើឱ្យ​ប្រសើ​ឡើង​នូវ​ប្រសិទ្ធភាព​ការងារ​ឆ្លើយតប និង​ការ​កាត់បន្ថយ​នូវ​ហានិភ័យ​នានា ដែល​បង្កឡើង​ដោយ​គ្រោះ​អគ្គិភ័យ​នៅ​កម្ពុជា ពិសេស​ក្នុង​រាជធានី​ភ្នំពេញ​។

  • ភ្នំពេញៈ ​សាជីវកម្ម​ធានាឥណទាន​កម្ពុជា (CGCC) និង​មជ្ឈមណ្ឌល​បច្ចេកវិទ្យា និង​ព័ត៌មាន​ជីវឧស្ម័ន (BTIC) នៅ​ថ្ងៃទី​ ២៤ ខែមករា បាន​ចុះ​អនុស្សរណៈ​ជាមួយ​គ្នា ដើម្បី​លើកកម្ពស់​បរិយាកាស​អំណោយផល​ដល់​ការវិនិយោគ​លើ​បច្ចេកវិទ្យា​ជីវឧស្ម័ន​ខ្នាត​ធំ​នៅ​កម្ពុជា​ដើម្បី​រួមចំណែក​កាត់​បន្ថយ​ការប្រែប្រួល​អាកាសធាតុ​។ នេះ​បើតាម​សេចក្ដី​ប្រកាស​ព័ត៌មាន​។