The Phnom Penh Post Search

Search form

Logo of Phnom Penh Post newspaper Phnom Penh Post - ន.ទ.ក ​ណែនាំ​ដល់​ក្រុមហ៊ុន ខេ​ម​ជ្ជី ឱ្យបិទ​ខ្ទប់​ជាបន្ទាន់​ នូវ​គេហទំព័រ និង​យូ​អ​អិ​ល ចំនួន ៩ ដែល​បាន​បង្ហោះ​រូបភាព​និង​វីដេអូ​អាសអាភាស​កុមារ




ន.ទ.ក ​ណែនាំ​ដល់​ក្រុមហ៊ុន ខេ​ម​ជ្ជី ឱ្យបិទ​ខ្ទប់​ជាបន្ទាន់​ នូវ​គេហទំព័រ និង​យូ​អ​អិ​ល ចំនួន ៩ ដែល​បាន​បង្ហោះ​រូបភាព​និង​វីដេអូ​អាសអាភាស​កុមារ

Content image - Phnom Penh Post
យុវជន​ម្នាក់​ កំពុង​បើក​រក​មើល គេហទំព័រ និង យូអអិល ដែល​និយ័តករ ទូរគមនាគមន៍កម្ពុជា ឱ្យបិទខ្ទប់។ ហុង មិនា

ន.ទ.ក ​ណែនាំ​ដល់​ក្រុមហ៊ុន ខេ​ម​ជ្ជី ឱ្យបិទ​ខ្ទប់​ជាបន្ទាន់​ នូវ​គេហទំព័រ និង​យូ​អ​អិ​ល ចំនួន ៩ ដែល​បាន​បង្ហោះ​រូបភាព​និង​វីដេអូ​អាសអាភាស​កុមារ

ភ្នំពេញៈ និយ័ត​ករ ទូរគមនាគមន៍​កម្ពុ​ជា (ន.ទ.ក) បាន​ណែនាំ​ដល់​ក្រុមហ៊ុន ខេ​ម​ជ្ជី អេស អេ​ម អែល​ធី​ឌី (CAM GSM CO.,LTD) ឱ្យបិទ​ខ្ទប់​ជាបន្ទាន់​ នូវ​គេហទំព័រ និង យូ​អ​អិ​ល (Websites and URLs) ចំនួន ៩ ដែល​បាន​បង្ហោះ​រូបភាព ​និង​វីដេអូ​អាសអាភាស​កុមារ​ ដើម្បី​ចូលរួម​សកម្មភាព​បង្ការ ទប់ស្កាត់​ និង​ឆ្លើយតប​ការ​កេង​ប្រ​វ័​ញ​ផ្លូវភេទ​លើ​កុមារ ​តាម​ប្រព័ន្ធ​អន​ឡាញ។ នេះ​បើ​យោងតាម​លិខិត​ ចុះ​ថ្ងៃទី ០៣ ធ្នូ​ ឆ្នាំ ២០២១ ដែល​ភ្នំពេញ​ប៉ុស្តិ៍​ទើប​ទទួលបាន។

នៅក្នុង​លិខិត​នោះ លោក ថោង ចិន្តា ប្រធាន​និយ័ត​ករ ទូរគមនាគមន៍ កម្ពុជាបាន​តម្រូវ​ឱ្យ​ក្រុម ​CAM GSM CO.,LTD ​ចាត់វិធានការ​បិទ​ Websites និង URLs ទាំងនេះ ឱ្យបាន​ពេញលេញ​ជាបន្ទាន់ ហើយត្រូវ​រាយ​ការ​ណ៍ជា​ផ្លូវការ​មក ន.ទ.ក​ វិញ ក្នុង​រយៈពេល ៧ ថ្ងៃ ក្រោយ​កាលបរិច្ឆេទ​នៃ​លិខិត​នេះ។

តាមរយៈ​លិខិត​ដដែល​នេះ លោក ថោង ចិន្តា បាន​ព្រមាន​ថា៖«ករណី​មិន​អនុវត្តតាម​ការណែនាំ​នេះ ន.ទ.ក នឹង​អនុវត្ត​នីតិវិធី​លុប​អាជ្ញា​បណ្ណ​ប្រតិបត្តិការ ដែល​ក្រុមហ៊ុន​ទទួលបាន​នឹង​បង្ក​ករាល់​សំណើ​នានា​របស់​ក្រុមហ៊ុន ព្រមទាំង​ចាត់វិធាន​ការ​ជាក់លាក់​ ទៅតាម​ស្ថានភាព ជាក់​ស្តែង ដោយ​​អនុលោម​តាម​ត្រា៦៩ និង​មាត្រា៧៨ នៃ​ច្បាប់​ស្តីពី​ទូរគមនាគមន៍»។

ជុំវិញ​ករណីនេះ តំណាង​ក្រុមហ៊ុន​ CAM GSM CO.,LTD ដែល​ស្នើសុំ​មិន​បញ្ចេញ​ឈ្មោះ បាន​ប្រាប់​ភ្នំពេញ​ប៉ុស្តិ៍​នា​ល្ងាច​ថ្ងៃទី០៨ ធ្នូ​ថា នៅពេលនេះ ក្រុមហ៊ុន​ បាន​ឱ្យ​ក្រុមការងារ​ជំនាញ​ ធ្វើ​កិច្ចការ​នេះ ដែល​មកទល់ពេលនេះ បាន​បិទ​ខ្ទប់ Websites និង URLs មួយចំនួន​​រួច​ហើយ។

តំណាង​ក្រុមហ៊ុន​ CAM GSM CO.,LTD រូបនោះ បាន​បញ្ជាក់ថា៖«ក្រុមការងារ​យើង​ កំពុង​ធ្វើ​កិច្ចការ​នេះ តាម​ការណែនាំ​របស់​និយ័​តករ ទូរគមនាគមន៍​កម្ពុ​ជា ក្នុង​ការបិទ​ខ្ទប់ Websites និង URLs ទាំង៩នោះ ហើយ​នៅពេលនេះ​ កិច្ចការ​នេះ ជិត​បានសម្រេច​ហើយ»។

យ៉ាងណាក៏ដោយ​ លោក​មិនបាន​ប្រាប់​ឱ្យ​ដឹងថា​ ក្នុងចំណោម Websites និង URLs ទាំង៩ រួមមាន Xvideos.com,dood.ws/d/inesprenk164, quip.com/Pd1VA8TUEEWS, baraag.net, theporndude.com, 8kun.top, xnxx.com, xnxx2.pro និង porn-images-xxx.com ដែលនិ​យ័​តករ ទូរគមនាគមន៍​កម្ពុ​ជា រួមជាមួយ ក្រុម​ប្រឹក្សា​ជាតិ​កម្ពុជា​ដើម្បី​កុមារ បាន​ពិនិត្យឃើញ​មានការ​បង្ហោះ​រូបភាព ​និង​វីដេអូ​អាសអាភាស​កុមារ​នោះ ខាង​ក្រុមហ៊ុន​បាន​បិទ​ខ្ទប់​រួចរាល់​បាន​ប៉ុន្មាន ហើយ​មានឈ្មោះ​អ្វីខ្លះ​នោះ​​ទេ ដោយ​​លោក​គ្រាន់​តែ​​បញ្ជាក់ថា ក្រុមហ៊ុន​នឹង​ព្យាយាម​ធ្វើ​វា​ឱ្យបាន​ឆាប់​បំផុត៕

វីដេអូ៖

អត្ថបទគួរចាប់អារម្មណ៍

  • ភ្នំពេញៈ ក្រុមហ៊ុន Longfruiter Anlong Veng Oddor Meanchey Agriculture Park Co., Ltd បាន​បញ្ចេញ​ប្រាក់​វិនិយោគ ៥១ ​លាន​ដុល្លារ​ទៅលើ​ការដាំ​ដំណាំ​ចេក និង​ដំណាំ​ហូប​ផ្លែ​មួយចំនួន​នៅក្នុង​ស្រុក​អន្លង់វែង ខេត្ត​ឧត្តរមានជ័យ ដើម្បី​ជំរុញ​ការនាំចេញ ពិសេស​ទៅ​ទីផ្សារ​ប្រទេស​ចិន​។

  • ភ្នំពេញៈ មូលនិធិ​កម្ពុជា​ប្រឆាំង​កូវីដ​ ១៩ បន្ត​អំពាវនាវ​ដល់​សប្បុរជន​ឱ្យ​ចូលរួម​បរិច្ចាគ​ធនធាន ដើម្បី​រួមចំណែក​ក្នុងការ​ឧបត្ថម្ភ​ទ្រទ្រង់​ដល់​ពលរដ្ឋ​ដែល​កំពុង​ជួប​ការលំបាក និង​ក្រុមគ្រូពេទ្យ​អាវស អំឡុងពេល​ប្រយុទ្ធប្រឆាំង​ជំងឺ​កូវីដ ខណៈ​មូលនិធិ​នេះ​បាន​ជួយ​ដល់​ពលរដ្ឋ​ជាង ១ ​ម៉ឺន​គ្រួសារ តាមរយៈ​ការផ្តល់​ជា​គ្រឿង​បរិភោគ និង​កញ្ចប់​ថ្នាំ​ជាដើម​។

  • ភ្នំពេញៈ ​ជន​ជាប់ឃុំ​នៅតាម​ពន្ធនាគារ និង​មណ្ឌល​អប់រំ​កែប្រែ​រាជធានី​-​ខេត្ដ​ជាង ២ ​ពាន់​នាក់​បាន​ចាក់​វ៉ាក់សាំង​បង្ការ​ជំងឺ​កូវីដ​ ១៩ ​ដូស​ទី​ ៣ និង​កំពុង​បន្ត​ចាក់​ដូស​ជំរុញ​នេះ​បន្ថែមទៀត ខណៈ​ជន​ជាប់ឃុំ​សរុប​ប្រមាណ ៣៨ ០០០ ​នាក់​បាន​ចាក់​ ២​ ដូស​រួចហើយ​។

  • ភ្នំពេញៈ ​សាកលវិទ្យាល័យ និង​គ្រឹះស្ថាន​អប់រំ កម្រិត​ឧត្ដមសិក្សា​សាធារណៈ និង​ឯកជន​ប្រមាណ​ ២០ នៅ​ថ្ងៃទី​ ២៩ ខែមករា ខាងមុខនេះ​នឹង​រៀបចំ «​ពិព័រណ៍​ជំនាញ និង​សាកលវិទ្យាល័យ​» ​តាម​អន​ឡាញ​ដើម្បីឱ្យ​វាគ្មិន​ជំនាញ​ចែករំលែក​ចំណេះដឹង បទពិសោធ ដល់​និស្សិត​លើ​ការជ្រើសរើស​មុខជំនាញ​សិក្សា និង​សាកលវិទ្យាល័យ​សិក្សា​នៅក្នុង​ប្រទេស​កម្ពុជា​។

  • ភ្នំពេញៈ ជប៉ុន​បាន​ផ្ដល់​រថយន្ត​ពន្លត់​អគ្គិភ័យ​ចំនួន​ ៤ ​គ្រឿង​ដល់​អង្គភាព​ការិយាល័យ​នគរបាល​បង្ការ ពន្លត់​អគ្គិភ័យ និង​សង្គ្រោះ​នៃ​ស្នងការដ្ឋាន​នគរបាល​រាជធានី​ភ្នំពេញ ដើម្បី​ចូលរួមចំណែក​ធ្វើឱ្យ​ប្រសើ​ឡើង​នូវ​ប្រសិទ្ធភាព​ការងារ​ឆ្លើយតប និង​ការ​កាត់បន្ថយ​នូវ​ហានិភ័យ​នានា ដែល​បង្កឡើង​ដោយ​គ្រោះ​អគ្គិភ័យ​នៅ​កម្ពុជា ពិសេស​ក្នុង​រាជធានី​ភ្នំពេញ​។

  • ភ្នំពេញៈ ​សាជីវកម្ម​ធានាឥណទាន​កម្ពុជា (CGCC) និង​មជ្ឈមណ្ឌល​បច្ចេកវិទ្យា និង​ព័ត៌មាន​ជីវឧស្ម័ន (BTIC) នៅ​ថ្ងៃទី​ ២៤ ខែមករា បាន​ចុះ​អនុស្សរណៈ​ជាមួយ​គ្នា ដើម្បី​លើកកម្ពស់​បរិយាកាស​អំណោយផល​ដល់​ការវិនិយោគ​លើ​បច្ចេកវិទ្យា​ជីវឧស្ម័ន​ខ្នាត​ធំ​នៅ​កម្ពុជា​ដើម្បី​រួមចំណែក​កាត់​បន្ថយ​ការប្រែប្រួល​អាកាសធាតុ​។ នេះ​បើតាម​សេចក្ដី​ប្រកាស​ព័ត៌មាន​។