.jpg)
ការយកសពអ្នកស្លាប់ដោយសារកូវីដនៅខេត្តកោះកុងទៅបូជាកន្លងមក ។ រូបថត មន្ទីរពេទ្យខេត្តកោះកុង
ភ្នំពេញៈក្រសួងសុខាភិបាលបានប្រកាសពីការរកឃើញអ្នកឆ្លងកូវីដ១៩ចំនួន ៥ នាក់ទៀត ក្នុងនោះ មាន ២ ករណីនាំចូលប្រភេទអូមីក្រុង រីឯអ្នកជាសះស្បើយមាន ១១ នាក់ និងស្លាប់មានម្នាក់។
យោងតាមសេចក្ដីប្រកាសព័ត៌មានរបស់ក្រសួងសុខាភិបាលនៅថ្ងៃទី២៨ ខែធ្នូ ឆ្នាំ២០២១នេះ បានបញ្ជាក់ថាក្រសួងបន្តរកឃើញអ្នកឆ្លងកូវីដ១៩ ថ្មីចំនួន៥នាក់ ដែលជាលទ្ធផលបញ្ជាក់ដោយ PCR ក្នុងនោះ ២ករណីនាំចូលប្រភេទអូមីក្រុង។ ចំណែកអ្នកជំងឺចំនួន ១១ នាក់ បានជាសះស្បើយ និងអ្នកស្លាប់ថ្មីចំនួន១នាក់ ដែលអត់បានចាក់វ៉ាក់សាំង។
បើតាមក្រសួងសុខាភិបាល គិតត្រឹមថ្ងៃទី២៨ ធ្នូនេះ កម្ពុជាបានរកឃើញករណីឆ្លងកូវីដ១៩ សរុបចំនួន ១២០ ៤៦៩នាក់ ករណីជាសះស្បើយសរុបចំនួន១១៦ ៨៨៥នាក់ និងករណីស្លាប់សរុបមានចំនួន៣០១០ នាក់៕
