The Phnom Penh Post Search

Search form




Logo of Phnom Penh Post newspaper Phnom Penh Post - រដ្ឋមន្ត្រីក្រសួង​អប់រំ ស្នើ​សាលារៀន​រដ្ឋ និង​ឯកជន​ជំរុញ​សិស្ស និង​និស្សិត ទៅ​ចាក់​វ៉ាក់សាំង​កូវីដ ១៩ ដូស​ទី ៣

រដ្ឋមន្ត្រីក្រសួង​អប់រំ ស្នើ​សាលារៀន​រដ្ឋ និង​ឯកជន​ជំរុញ​សិស្ស និង​និស្សិត ទៅ​ចាក់​វ៉ាក់សាំង​កូវីដ ១៩ ដូស​ទី ៣

Content image - Phnom Penh Post
យុវជនអាយុចន្លោះពី ១២ ដល់ ១៨ឆ្នាំ ទៅទទួលការចាក់វ៉ាក់សាំងដូសជំរុញនៅមន្ទីរពេទ្យបង្អែកផ្សារដើមថ្កូវ ក្នុងខណ្ឌចំការមន កាលពីថ្ងៃទី ៤ ខែមករា។ ហ៊ាន រង្សី

រដ្ឋមន្ត្រីក្រសួង​អប់រំ ស្នើ​សាលារៀន​រដ្ឋ និង​ឯកជន​ជំរុញ​សិស្ស និង​និស្សិត ទៅ​ចាក់​វ៉ាក់សាំង​កូវីដ ១៩ ដូស​ទី ៣

ភ្នំពេញៈ រដ្ឋមន្ត្រីក្រសួង​អប់រំ យុវជន​និង​កីឡា លោក​ហង់​ជួន ណារ៉ុន​ស្នើ​សាលារៀន​រដ្ឋ និង​ឯកជន​ជំរុញ​សិស្ស និង​និស្សិត​អាយុ​ចាប់ពី ១២ ឆ្នាំ​ឡើងទៅ ទទួល​ការចាក់​វ៉ាក់សាំង​កូវីដ ១៩ ដូស​ទី ៣ ឬ​ដូស​ជំរុញ ឱ្យបាន​គ្រប់ៗ​គ្នា ដើម្បី​ទប់ស្កាត់​ការឆ្លង​ជំងឺ​កូវីដ ១៩ ខណៈ​មាន​ការរីក​រាលដាល​នៃ​មេរោគ​បំប្លែង​ខ្លួន​ថ្មី​ប្រភេទ​អូមីក្រុង​(Omicron)។

ក្នុង​លិខិត​ផ្សព្វផ្សាយ​នា​ថ្ងៃទី ៧ មករា លោក​ហង់​ជួន ណារ៉ុន​ស្នើ​គ្រឹះស្ថាន​ឧត្តមសិក្សា គ្រឹះស្ថាន បណ្តុះបណ្តាល​គ្រូ និង​មន្ទីរអប់រំ​រាជធានី ខេត្ត​ធ្វើការ​ផ្សព្វផ្សាយ​ឱ្យបាន​ទូលំទូលាយ ដល់​សិស្ស និង​និស្សិត​ទាំងអស់​ដែលមាន​អាយុ​ចាប់ពី ១២ ឆ្នាំ​ឡើង​ឱ្យទៅ​ទទួល​វ៉ាក់សាំង​បង្ការ​ជំងឺ​កូវីដ ១៩ ដូសទី ៣ ឬ​ដូស​ជំរុញ ចាប់ពី​ថ្ងៃទី ៣ មករា ដើម្បី​ចូលរួម​ទប់ស្កាត់​ការឆ្លង​រីក​រាលដាល​ជំងឺ​កូវីដ ១៩ ពិសេស​វីរុស​បំប្លែង​ខ្លួន​ថ្មី​ប្រភេទ​ដែលតា និង​វីរុស​បំប្លែង​ខ្លួន​ថ្មី​ប្រភេទ​អូមីក្រុង ដែល​កំពុង​ចរាចរ​យ៉ាងសកម្ម​នៅលើ​សកលលោក។

លោក​រដ្ឋមន្ត្រី​បញ្ជាក់ថា​៖ «សូមឯកឧត្តម លោកជំទាវ លោក លោកស្រី ផ្សព្វផ្សាយ​ឱ្យ បាន​ទូលំទូលាយ​ដល់​សិស្ស និស្សិត គ្រប់​គ្រឹះស្ថាន​ឧត្តមសិក្សា គ្រឹះស្ថាន​បណ្តុះបណ្តាល​គ្រូ និង​គ្រឹះស្ថានសិក្សា​ចំណេះ​ទូទៅ​សាធារណៈ និង​ឯកជន ដើម្បី​ទៅ​ទទួល​វ៉ាក់សាំង​បង្ការ ជំងឺ​កូវីដ ១៩ ដូស​ទី ៣ ឬ​ដូស​ជំរុញ​ឱ្យបាន​គ្រប់ៗ​គ្នា»៕

អត្ថបទគួរចាប់អារម្មណ៍