បាត់ដំបងៈ កម្លាំងនគរបាលខេត្តបាត់ដំបង សហការជាមួយកម្លាំងយោធានៅច្រកព្រំដែនក្នុងស្រុកសំពៅលូន នៅយប់ថ្ងៃទី១៣មករា បានទទួលពលករខ្មែរ ដែលវិលត្រឡប់ពីប្រទេសថៃ ចូលមកប្រទេសកម្ពុជាវិញ ត្រង់ភូមិសាស្ត្រ ភូមិពោធិ៍ជ្រៃ ឃុំសិរីមានជ័យ ស្រុកសំពៅលូន សរុបចំនួន១០នាក់ ស្រី០៦នាក់ ក្មេងស្រី០១នាក់។
បើតាមអគ្គស្នងការដ្ឋាននគរបាលជាតិ ក្រោយពីទទួលពលករទាំងនោះ កម្លាំងនគរបាល បានកត់ឈ្មោះ ចុះកំណត់ហេតុ និងសុំឱ្យពលករទាំងនោះ សហការជាមួយកម្លាំងសមត្ថកិច្ច ដើម្បីពិនិត្យសម្ភារហាមឃាត់ និងបានអប់រំណែនាំ រួចបានប្រគល់ឱ្យទៅក្រុមគ្រូពេទ្យ នៃមន្ទីរពេទ្យបង្អែកស្រុកសំពៅលូន ធ្វើតេស្តពិនិត្យសុខភាពនៅនឹងប៉ុស្តិ៍ច្រកព្រំដែននោះតែម្តង។
ជាលទ្ធផល អវិជ្ជមានទាំងអស់រួចទើបអនុញ្ញាតឱ្យពលករទាំងនោះ ត្រឡប់ទៅមូលដ្ឋានរៀងៗខ្លួនចំនួន ០៦នាក់ ស្រី០៣នាក់ ក្មេងស្រី០១នាក់ (ចំពោះអ្នកមានប័ណ្ណចាក់វ៉ាក់សាំងត្រឹមត្រូវ) ចំណែកអ្នកមានប័ណ្ណចាក់វ៉ាក់សាំងតែស្កេនអត់ចេញចំនួន០៤នាក់ ស្រី០៣នាក់ ត្រូវបានបញ្ជូនទៅកាន់មណ្ឌលចត្តាឡីស័ក រោងចក្រម្សៅមី ស្ថិតក្នុងភូមិអូរល្វា ឃុំជ្រៃសីមា ស្រុកសំពៅលូន ខេត្តបាត់ដំបង៕