The Phnom Penh Post Search

Search form




Logo of Phnom Penh Post newspaper Phnom Penh Post - រដ្ឋបាល​រាជធានី​ភ្នំពេញ​នឹង​ផាកពិន័យ​ចំពោះ​អ្នក​ទុកដាក់​សំរាម​សំណល់​រឹង​មិនបាន​ត្រឹមត្រូវ​ចាប់ពី​ខែក្រោយ

រដ្ឋបាល​រាជធានី​ភ្នំពេញ​នឹង​ផាកពិន័យ​ចំពោះ​អ្នក​ទុកដាក់​សំរាម​សំណល់​រឹង​មិនបាន​ត្រឹមត្រូវ​ចាប់ពី​ខែក្រោយ

Content image - Phnom Penh Post
កម្មករ​ប្រមូល​សំរាម​ដាក់​ឡាន​។ ហេង ជីវ័ន

រដ្ឋបាល​រាជធានី​ភ្នំពេញ​នឹង​ផាកពិន័យ​ចំពោះ​អ្នក​ទុកដាក់​សំរាម​សំណល់​រឹង​មិនបាន​ត្រឹមត្រូវ​ចាប់ពី​ខែក្រោយ

ភ្នំពេញៈ រដ្ឋបាល​រាជធានី​ភ្នំពេញ​នឹង​ផាកពិន័យ​ចំពោះ​អ្នក​ដែល​ទុកដាក់​សំរាម សំណល់​រឹង មិនបាន​បែងចែក​ឱ្យបាន​ត្រឹមត្រូវ និង​ការបញ្ចេញ​សំរាម​ខុស​ម៉ោង កំណត់​ចាប់ពី​ខែកុម្ភៈ ឆ្នាំ​ ២០២២ ​នេះ​។ នេះ​បើតាម​លោក ហួត ហៃ អភិបាលរង​នៃ​គណៈអភិបាល​រាជធានី​ភ្នំពេញ​។

លោក ហួត ហៃ បានបញ្ជាក់​បែបនេះ​ក្នុងពេល​ធ្វើជា​អធិបតី​ក្នុង​កិច្ចប្រជុំ​ផ្សព្វផ្សាយ​ស្តីពី​ការគ្រប់គ្រង​សំរាម សំណល់​រឹង​ទីប្រជុំជន និង​ពង្រឹង​ការអនុវត្ត​ភារកិច្ច​របស់​ភ្នាក់ងារ​អនាម័យ​នៅតាម​សង្កាត់​នានា​ក្នុង​រាជធានី​ភ្នំពេញ កាលពី​ល្ងាច​ថ្ងៃទី​ ១៤ ខែមករា​នេះ​នៅ​សាលា​រាជធានី​ភ្នំពេញ​មុននឹង​ឈាន​ទៅដល់​ការ​អនុវត្ដ​ច្បាប់​។

លោក​បាន​ថ្លែងថា​៖ «​ចាប់ពី​ខែកុម្ភៈ​ឆ្នាំ ​២០២២ ​នេះ​តទៅ អាជ្ញាធរ​រាជធានី​ភ្នំពេញ​នឹង​ចាប់ផ្ដើម​អនុវត្ត​ទៅតាម​ច្បាប់ និង​លិខិតបទដ្ឋាន​គតិយុត្ដិ​ជា​ធរមាន ព្រមទាំង​ប្ដឹងទៅ​តុលាការ​តាម​កំហុស​ជាក់ស្ដែង ចំពោះ​អ្នក​ដែល​ទុកដាក់​សំណល់​រឹង ដោយ​មិនបាន​បែងចែក​ឱ្យបាន​ត្រឹមត្រូវ​រវាង​សំរាម​សើម និង​សំរាម​ស្ងួត និង​ការបញ្ចេញ​សំរាម​ខុស​ម៉ោង ខុសពេល​កំណត់​»​។

លោក ហួត ហៃ បាន​លើកឡើង​ថា ការជួប​ជុំគ្នា​នាពេលនេះ​ក៏មាន​គោលបំណង​ដើម្បី​ផ្សព្វផ្សាយ អំពី​ការ​ទុកដាក់​សំរាម សំណល់​រឹង នៅ​រាជធានី​ភ្នំពេញ​ឱ្យបាន​កាន់តែ​ល្អប្រសើរ​ជាង​មុន និង​ឈានទៅដល់​ការដាក់​ផាកពិន័យ​ទៅតាម​ច្បាប់​៕

អត្ថបទគួរចាប់អារម្មណ៍

  • កោះកុងៈ កូនអណ្តើក​ហ្លួង​ចំនួន ៣០ ​ក្បាល​បាន​ញាស់​ចេញពី​សម្បុក​នៅលើ​ឆ្នេរ​ខ្សាច់​សិប្បនិម្មិត​ក្នុង​មជ្ឈមណ្ឌល​អភិរក្ស​សត្វ​ល្មូន​ខេត្តកោះកុង កាលពី​សប្តាហ៍​កន្លងទៅ ហើយ​នេះ​គឺជា​លើក​ទី​ ២ ​ហើយ ដែល​អណ្តើក​ហ្លួង​ចិញ្ចឹម​ក្នុង​មជ្ឈមណ្ឌល​នេះ​បាន​ពង​កូន​។ នេះ​បើតាម​អង្គការ​សមាគម​អភិរក្ស​សត្វព្រៃ​នៅ​កម្ពុជា (WCS)​។

  • ភ្នំពេញៈ ការបញ្ចូល​មីក្រូ​សារជាតិ​ក្នុង​អង្ករ គឺជា​ជំហាន​ចម្បង​មួយ​ក្នុងការ​ដោះស្រាយ​បញ្ហា​អាហារូបត្ថម្ភ​ក្នុង​ប្រទេស​កម្ពុជា ដែល​ប្រជាជន​ភាគច្រើន​ទទួលទាន​បាយ ក្នុង​បរិមាណ​ច្រើន​ជា​រៀងរាល់ថ្ងៃ​។ នេះ​បើតាម​មន្ត្រី​ក្រុមប្រឹក្សា​ស្តារ​អភិវឌ្ឍន៍​វិស័យ​កសិកម្ម និង​ជនបទ​។

  • ភ្នំពេញ: ក្នុង​ចំណោម​ភោជនីយដ្ឋាន​ពោរពេញ​ដោយ​សិល្បៈ​ចម្អិន​ម្ហូបអាហារ ការ​គិតគូរ​ពី​និរន្តរភាព​បរិស្ថាន​ភព​ផែន​ដី និង​បង្កប់​រឿង​រ៉ាវ​ប្រពៃណី​វប្បធម៌​ដ៏​អស្ចារ្យ​នៅ​អេស្ប៉ាញ ប៉េរូ​សហរដ្ឋអាមេរិក​ ថៃ ដាណឺម៉ាក​ នូវែលសេឡង់ ចិន ជប៉ុន អ៊ីតាលី និង​ម៉ិកស៊ិក អាហារ​នៅ​​ផ្ទះ​ប្រពៃណី​បុរាណ​មួយ​​​តាម​ដង​ទន្លេ​មេគង្គ

  • ភ្នំពេញៈ ទាំង​អ្នកនយោបាយ អ្នកវិភាគ និង​ស្ថាប័ន​គណៈកម្មាធិការ​ជាតិ​រៀបចំ​ការបោះឆ្នោត​បានចាត់ទុក​ដំណើរការ​ឃោសនា​រក​សំឡេងឆ្នោត ក្នុង​រយៈពេល ៣ ​ថ្ងៃ​របស់​គណបក្ស​នយោបាយ ដែល​បាន​ចុះបញ្ជី​បេក្ខជន​ចូលរួម​បោះឆ្នោត​ជ្រើសរើស​ក្រុមប្រឹក្សាឃុំ សង្កាត់​អាណត្តិ​ទី​ ៥ ដែល​នឹង​ប្រព្រឹត្តទៅ​នៅ​ថ្ងៃទី​ ៥ ខែមិថុនា ថា មាន​ភាពចាស់ទុំ​ផ្នែក​នយោបាយ និង​មិនមាន​អំពើហិង្សា​ណាមួយ​កើតឡើង​នោះ

  • ភ្នំពេញៈ សាលាឧទ្ធរណ៍​ភ្នំពេញ​នៅ​ថ្ងៃទី​ ២៣ ​ឧសភា បានប្រកាស​សាលដីកា​កំបាំង​មុខមន្ត្រី​សមាគម​ការពារ​សិទ្ធិមនុស្ស​អាដហុក​ ៤ ​រូប និង​អតីត​មន្ត្រី​ ១ ​រូប​ទៀត​សម្រេច​តម្កល់​សាលក្រម​របស់​សាលាដំបូង​រាជធានី​ភ្នំពេញ​ដដែល បន្ទាប់ពី​បាន​កាត់ក្តី​ឱ្យ​ពួកគេ​ជាប់ពន្ធនាគារ​ក្នុង​ម្នាក់​ ៥ ​ឆ្នាំ តែ​ឱ្យ​អនុវត្ត​ទោស ​១៤ ​ខែ​ពាក់ព័ន្ធ​បទចោទ​សូកប៉ាន់​សាក្សី និង​សមគំនិត​សូកប៉ាន់​សាក្សី​ដល់​ នាង ខុម ចាន់តារាទី ហៅ​ ស្រីមុំ​។

  • បន្ទាយមានជ័យៈ ក្នុង​មួយ​ថ្ងៃៗ​មាន​ប្រជាពលរដ្ឋ​នៅតាម​ព្រំដែន ជាពិសេស​ពលករ​ខ្មែរ​ពី ​៤០០ ទៅ​ ៥០០​ នាក់​បាន​ទៅ​ស្នើសុំ​ធ្វើ​បណ្ណ​ឆ្លងដែន ដើម្បី​បាន​ចូលទៅ​ធ្វើការ ឬ​លក់ដូរ​ស្របច្បាប់ នៅក្នុង​ប្រទេស​ថៃ បន្ទាប់ពី​ភាគី​ទាំង​ ២​ បាន​ឯកភាព​គ្នា​បើក​ច្រកព្រំដែន​ឡើងវិញ កាលពី​ថ្ងៃទី​ ១ ខែឧសភា ក្នុង​កម្រិត​ថ្នាក់​តំបន់​។