.jpg)
សុវណ្ណាភូមិ ឡាយហ្វ៍ ទទួលបានចំណែកទីផ្សារឈានមុខគេក្នុងតី្រមាសទី៣ កាលពីឆ្នាំមុន។ រូបថត Supplied
ក្រុមហ៊ុនសុវណ្ណាភូមិ ឡាយហ្វ៍ អឹសួរ៉ិនស៍ ភីអិលស៊ី ជាក្រុមហ៊ុនធានារ៉ាប់រងអាយុជីវិតឈានមុខគេមួយ ដែលមានមូលដ្ឋានហិរញ្ញវត្ថុរឹងមាំ និងជាទីទុកចិត្តបានរៀបចំកម្មវិធីជួបជុំបុគ្គលិកស្វាគមន៍ឆ្នាំថ្មី ២០២២ ក្រោមប្រធានបទ “Mission No.1 in 2022”។
ព្រឹត្តិការណ៍ដ៏គួរឲ្យចងចាំនេះ បានធ្វើឡើងនៅសណ្ឋាគារ Dara Airport City Hotel & Spa រាជធានីភ្នំពេញ កាលពីថ្ងៃទី៨ និងទី៩ ខែមករា ឆ្នាំ ២០២២ និងនៅសណ្ឋាគារ Amber Angkor Hotel ខេត្តសៀមរាប នៅថ្ងៃទី១៥ ខែមករា ឆ្នាំ ២០២២ កន្លងទៅនេះ ដែលមានបុគ្គលិកចូលរួមសរុបជាង ៤០០ នាក់មកពីទូទាំងប្រទេស។
លោក Loke Kah Meng អគ្គនាយកប្រតិបត្តិរបស់ក្រុមហ៊ុន សុវណ្ណាភូមិ ឡាយហ្វ៍ បានបង្ហាញពីសមិទ្ធផលដែលសម្រេចបានក្នុងឆ្នាំ ២០២១ និងអាទិភាពការងារសំខាន់ៗសម្រាប់ឆ្នាំថ្មី ២០២២។ ជាមួយគ្នានេះផងដែរ នាយកផ្នែកចែកចាយមកពីគ្រប់សាខាធនាគារដៃគូទាំងអស់របស់ សុវណ្ណាភូមិ ឡាយហ្វ៍ បានចែករំលែកយុទ្ធសាស្រ្ត និងធ្វើការប្ដេជ្ញាចិត្តយ៉ាងមុតមាំ ដើម្បីសម្រេចឲ្យបាននូវគោលដៅឆ្នាំ ២០២២។
មានបុគ្គលិកជាង ៤០០នាក់ មកពីទូទាំងប្រទេសចូលរួមពីធីជួបជុំបុគ្គលិកស្វាគមន៍ឆ្នាំថ្មីនៅរាជធានីភ្នំពញ និងខេត្តសៀមរាប។ រូបថត Supplied
មិនតែប៉ុណ្ណោះ លោក Loke Kah Meng បានមានប្រសាសន៍ថា៖ «ក្នុងចំណោមសមិទ្ធផលសំខាន់ៗជាច្រើន ក្នុងនោះមានសមិទ្ធផលចំនួន ២ ដែលលេចធ្លោរជាងគេគឺ សុវណ្ណាភូមិ ឡាយហ្វ៍ ទទួលបានចំណែកទីផ្សារឈានមុខគេក្នុងត្រីមាសទី ៣ ឆ្នាំ ២០២១ និងទទួលបានប្រាក់ចំណេញលើកដំបូង ក្នុងឆ្នាំ ២០២១។ សមិទ្ធផលសំខាន់ៗផ្សេងទៀតមានដូចជា ការផ្តល់ប្រាក់រង្វាន់លើកទឹកចិត្តជូនអតិថិជនដែលមានបណ្ណសន្យារ៉ាប់រងដែលគិតជាទឹកប្រាក់សរុប ១២៥ លានរៀល ការផលិតវីដេអូលើកដំបូងអំពីក្រុមហ៊ុនធានារ៉ាប់រងអាយុជីវិត សុវណ្ណាភូមិ ឡាយហ្វ៍ និងការឧបត្ថម្ភសម្ភារគាំទ្រដល់ការចូលរួមទប់ស្កាត់ជំងឺកូវីដ១៩ ជូនរដ្ឋបាលរាជធានីភ្នំពេញ ស្រុកខ្សាច់កណ្ដាល និងមន្ទីរពេទ្យកុមារអង្គរ ខេត្តសៀមរាប»។
លោកបានបន្ថែមទៀតថា៖ «យើងបានប្រគល់វិញ្ញាបនបត្រជាង ១៤០ ជូនបុគ្គលិកឆ្នើមប្រចាំឆ្នាំ ដើម្បីជាសក្ខីភាពនៃការខិតខំប្រឹងប្រែង និងការប្តេជ្ញាចិត្តរបស់ពួកគាត់ ដែលក្នុងនោះរួមមានទីប្រឹក្សាធានារ៉ាប់រងអាយុជីវិត និងបុគ្គលិកផ្នែកលក់ធានារ៉ាប់រងអាយុជីវិត ដែលបម្រើការនៅតាមបណ្តាធនាគារដៃគូទូទាំងប្រទេសរបស់ សុវណ្ណាភូមិ ឡាយហ្វ៍»។
លោក Loke Kah Meng ។ រូបថត Supplied
អំពីសុវណ្ណាភូមិ ឡាយហ្វ៍
ក្រុមហ៊ុនធានារ៉ាប់រងអាយុជីវិត សុវណ្ណាភូមិ ឡាយហ្វ៍ អឹសួរ៉ិនស៍ ភីអិលស៊ី គឺជាក្រុមហ៊ុនបុត្រសម្ព័ន្ធរបស់ក្រុមហ៊ុន កាណាឌីយ៉ា អ៊ិនវេសមេន ហូលឌីង ដែលមានទ្រព្យសម្បត្តិសរុបជាង ៧ ពាន់លានដុល្លារអាមេរិក និងជាកេរ្ត៍ដំណែលតាំងពីឆ្នាំ ១៩៩១។ ក្រុមហ៊ុនធានារ៉ាប់រងអាយុជីវិត សុវណ្ណាភូមិ ឡាយហ្វ៍ ជាក្រុមហ៊ុនដែលមានមូលដ្ឋានហិរញ្ញវត្ថុរឹងមាំ និងជាទីទុកចិត្ត ព្រមទាំងទទួលបានពានរង្វាន់ ៤ ឆ្នាំជាប់ៗគ្នា ជាក្រុមហ៊ុនធានារ៉ាប់រងអាយុជីវិត ដែលរីកចម្រើនលឿនជាងគេនៅកម្ពុជា ឆ្នាំ ២០១៨, ២០១៩, ២០២០ និង ២០២១ ដែលផ្តល់ដោយ The Global Banking and Finance Review ដែលជាក្រុមហ៊ុនមានទីស្នាក់ការកណ្តាលនៅទីក្រុង ឡុងដ៍ នៃចក្រភពអង់គ្លេស និងពានរង្វាន់ជាក្រុមហ៊ុនធានារ៉ាប់រងអាយុជីវិត ដែលមានការច្នៃប្រឌិតថ្មីជាងគេនៅកម្ពុជា ក្នុងឆ្នាំ ២០២១ ដែលផ្តល់ដោយ International Business Magazine ដែលជាក្រុមហ៊ុនមានទីស្នាក់ការកណ្តាលនៅសហព័ន្ធអារ៉ាប់រួម៕
សម្រាប់ព័ត៌មានបន្ថែមសូមទាក់ទងពួកយើងតាមរយៈ៖
ទូរស័ព្ទ៖ 1800 21 22 88 (ដោយឥតគិតថ្លៃ)
អ៊ីម៉ែល៖ info@sovannaphumlife.com
www.sovannaphumlife.com
