.jpg)
ក្រុមគ្រូពេទ្យមកទទួលអ្នកជំងឺប្រភេទអូមីក្រុងនៅសង្កាត់ទួលទំពូងទី១ នាពេលកន្លងទៅ។ រូបថត ហ្វេសប៊ុក
ភ្នំពេញៈ មនុស្សជិត ៣០ នាក់បន្ថែមទៀត ត្រូវបានរកឃើញឆ្លងវីរុសកូវីដ ១៩ បំប្លែងថ្មីប្រភេទអូមីក្រុង និងមានអ្នកជាសះស្បើយជាង ១០ នាក់ ប៉ុន្តែមិនមានអ្នកស្លាប់ដោយសារជំងឺនេះទេ ក្នុងរយៈពេលជាង ១០ ថ្ងៃកន្លងមកនេះ។
សេចក្តីប្រកាសរបស់ក្រសួងសុខាភិបាល នៅថ្ងៃទី ១៧ ខែ មករា ឆ្នាំ ២០២២ ឱ្យដឹងថា ក្រសួងបានរកឃើញអ្នកឆ្លងវីរុសកូវីដ ១៩ ថ្មី ចំនួន ២៩ នាក់ ដែលសុទ្ធតែជាវីរុសប្រភេទអូមីក្រុង និងមានអ្នកជាសះស្បើយចំនួន ១៦ នាក់។ ការរកឃើញនេះ មានករណីឆ្លងក្នុងសហគមន៍ ចំនួន ១១ នាក់ និងអ្នកដំណើរមកពីបរទេស ចំនួន ១៨ នាក់។
គិតត្រឹមព្រឹកថ្ងៃទី ១៧ ខែ មករា ឆ្នាំ ២០២២ កម្ពុជាមានអ្នកឆ្លងវីរុសកូវីដ ១៩ សរុបចំនួន ១២០ ៨២៥ នាក់ អ្នកជាសះស្បើយចំនួន ១១៧ ១១៨ នាក់ និងអ្នកស្លាប់មានចំនួន ៣ ០១៥ នាក់៕
