ភ្នំពេញៈមនុស្សជាង ២០ នាក់បន្ថែមទៀត ត្រូវបានរកឃើញមានឆ្លងវីរុសកូវីដ ១៩ បំប្លែងថ្មីប្រភេទអូមីក្រុង និងមានអ្នកជាសះស្បើយជាង ១០ នាក់ ប៉ុន្តែមិនមានអ្នកស្លាប់ដោយសារជំងឺនេះឡើយក្នុងរយៈពេល ១៤ ថ្ងៃកន្លងមកនេះ។
យោងតាមសេចក្តីប្រកាសរបស់ក្រសួងសុខាភិបាលនៅថ្ងៃទី ១៨ ខែមករា ឆ្នាំ ២០២២ នេះ បានឱ្យដឹងថា មនុស្សចំនួន២២នាក់ត្រូវបានរកឃើញឆ្លងវីរុសកូវីដ ១៩ ប្រភេទអូមីក្រុងទាំងអស់ និងមានអ្នកជាសះស្បើយចំនួន ១១ នាក់។ ការរកឃើញឆ្លងនេះ មានករណីឆ្លងសហគមន៍ចំនួន ៥ នាក់ និងអ្នកដំណើរពីបរទេស ចំនួន ១៧ នាក់។
គិតត្រឹមព្រឹកថ្ងៃទី ១៨ ខែ មករា ឆ្នាំ ២០២២ កម្ពុជាមានអ្នកឆ្លងវីរុសកូវីដ ១៩ សរុបចំនួន ១២០ ៨៤៧ នាក់ អ្នកជាសះស្បើយសរុបចំនួន ១១៧ ១២៩ នាក់ និងអ្នកស្លាប់មានចំនួន ៣ ០១៥នាក់៕