ភ្នំពេញៈ ក្រសួងសុខាភិបាលប្រកាសរកឃើញអ្នកឆ្លងវីរុសកូវីដ ១៩ បន្ថែមទៀត ចំនួន ៣០ នាក់ ដែលជាប្រភេទវីរុស បំប្លែងថ្មីអូមីក្រុងទាំងអស់ និងមានអ្នកជាសះស្បើយបន្ថែមចំនួន ១៧ នាក់ផងដែរ ហើយក៏មិនមានអ្នកស្លាប់ដោយសារជំងឺកូវីដនេះនោះទេ ក្នុងរយៈពេល ១៥ ថ្ងៃកន្លងមកនេះ។
សេចក្តីប្រកាសរបស់ក្រសួងសុខាភិបាលនៅថ្ងៃទី ១៩ ខែ មករា ឆ្នាំ ២០២២ បានបញ្ជាក់ថា ការរកឃើញនេះមានករណីឆ្លងក្នុងសហគមន៍ ចំនួន ២៣ នាក់ និងអ្នកដំណើរមកពីបរទេសចំនួន ៧ នាក់។
គិតត្រឹមព្រឹកថ្ងៃទី ១៩ ខែ មករា ឆ្នាំ ២០២២ កម្ពុជាមានអ្នកឆ្លងវីរុសកូវីដ ១៩ សរុបទូទាំងប្រទេសចំនួន ១២០ ៨៧៧ នាក់ អ្នកជាសះស្បើយ សរុបចំនួន ១១៧ ១៤៦ នាក់ និងអ្នកស្លាប់មានចំនួន ៣ ០១៥ នាក់៕