.jpg)
ការនាំអ្នកឆ្លងជំងឺកូវីដ១៩ ប្រភេទអូមីក្រុងទៅព្យាបាលកាលពីកន្លងមក ។ រូបថត ហ្វេសប៊ុក
ភ្នំពេញៈ មនុស្សជិត ៤០ នាក់ ត្រូវបានរកឃើញឆ្លងវីរុសកូវីដ ១៩ ដែលជាវីរុសបំប្លែងថ្មីប្រភេទអូមីក្រុងទាំងអស់ និងមានអ្នកជាសះស្បើយជាង ១០ នាក់ ប៉ុន្តែក្នុងរយៈពេល១៦ ថ្ងៃកន្លងមកនេះ កម្ពុជាមិនមានអ្នកស្លាប់ដោយសារជំងឺនេះថ្មីឡើយ។
យោងតាមសេចក្តីប្រកាសរបស់ក្រសួងសុខាភិបាលនៅថ្ងៃទី ២០ ខែ មករា ឆ្នាំ ២០២២ នេះ បានឱ្យដឹងថា ក្រសួងបានរកឃើញអ្នកឆ្លងវីរុសកូវីដ ១៩ ប្រភេទអូមីក្រុងបន្ថែមចំនួន ៣៧ នាក់ និងមានអ្នកជាសះស្បើយចំនួន ១៦ នាក់។ ការរកឃើញនេះមានករណីឆ្លងសហគមន៍ចំនួន ១៩ នាក់ និងអ្នកដំណើរពីបរទេស ចំនួន ១៨ នាក់។
គិតត្រឹមព្រឹកថ្ងៃទី ២០ ខែ មករា ឆ្នាំ ២០២២ កម្ពុជាមានអ្នកឆ្លងវីរុសកូវីដ ១៩ សរុបចំនួន ១២០ ៩១៤ នាក់ អ្នកជាសះស្បើយសរុបចំនួន ១១៧ ១៦២ នាក់ និងអ្នកស្លាប់មានចំនួន ៣ ០១៥នាក់៕
