ភ្នំពេញៈ ក្រសួងរៀបចំដែនដី នគរូបនីយកម្ម និងសំណង់បានចេញសេចក្តីជូនដំណឹងស្តីពីការជ្រើសរើសទីប្រឹក្សាអន្តរជាតិផ្នែកប្រតិបត្តិការទីប្រឹក្សាអន្តរជាតិផ្នែកដីធ្លី និងទីប្រឹក្សាជាន់ខ្ពស់ថ្នាក់ជាតិផ្នែកកិច្ចការជនជាតិដើមភាគតិច សម្រាប់គម្រោងបែងចែកដី ដើម្បីសង្គមកិច្ច និងការអភិវឌ្ឍសេដ្ឋកិច្ច ដំណាក់កាលទី ៣ (LASED III)។
បើតាមសេចក្ដីជូនដំណឹងនោះ គម្រោង LASED III បានទទួលហិរញ្ញប្បទានពីធនាគារពិភពលោក ដើម្បីគាំទ្រសកម្មភាពទាំងឡាយដែលរួមមាន ការអភិវឌ្ឍប្រព័ន្ធធារាសាស្ត្រខ្នាតតូចចំនួន ៧ ទីតាំងរបស់គម្រោង LASED II និងផ្តល់ការអភិវឌ្ឍលើដីសម្បទានសង្គមកិច្ចចំនួន ១២ ទីតាំង សហគមន៍ជនជាតិដើមភាគតិច ដែលបានចុះបញ្ជីដីសមូហភាពរួចចំនួន ៣៣ សហគមន៍ ការរៀបចំចុះបញ្ជីដីសមូហភាពរបស់សហគមន៍ជនជាតិដើមភាគតិចចំនួន ១៥ សហគមន៍ និងការធ្វើផែនការប្រើប្រាស់ដីនៅក្នុងឃុំចំនួន ៤៥០ ឃុំ។
លោក ឫទ្ធី រតនៈ ជ័យសិទ្ធិ អនុប្រធាននាយកដ្ឋានសម្បទានដីសង្គមកិច្ច និងជានាយកប្រតិបត្តិការគម្រោង LASED III បានប្រាប់ភ្នំពេញប៉ុស្តិ៍នៅថ្ងៃទី ១៩ ខែមករា ឆ្នាំ ២០២២ ថា ការជ្រើសទីប្រឹក្សាអន្តរជាតិផ្នែកប្រតិបត្តិការ ទីប្រឹក្សាអន្តរជាតិផ្នែកដីធ្លី និងទីប្រឹក្សាជាន់ខ្ពស់ថ្នាក់ជាតិផ្នែកកិច្ចការជនជាតិដើមភាគតិច គឺធ្វើឡើងក្នុងគោលបំណងអភិវឌ្ឍន៍គម្រោង ដើម្បីផ្ដល់កម្មសិទ្ធិកាន់កាប់ដីធ្លី ការអភិវឌ្ឍកសិកម្ម សេវាសង្គម និងហេដ្ឋារចនាសម្ព័ន្ធសហគមន៍ និងលើកកម្ពស់ជីវភាពរស់នៅដល់កសិករខ្នាតតូច ដែលស្ថិតនៅក្នុងសហគមន៍ជនជាតិដើមភាគតិចដែលបានចុះបញ្ជីដីសហគមន៍រួច និងដីសម្បទានសង្គមកិច្ចរបស់គម្រោងក៏ដូចជាដើម្បីធ្វើផែនការប្រើប្រាស់ដីនៅក្នុងឃុំនៅក្នុងប្រទេសកម្ពុជា។
លោកថ្លែងថា៖ «អ្នកមានចំណាប់អារម្មណ៍ចង់បម្រើការងារជាទីប្រឹក្សាអន្តរជាតិផ្នែកប្រតិបត្តិការ ទីប្រឹក្សាអន្តរជាតិផ្នែកដីធ្លី និងទីប្រឹក្សាជាន់ខ្ពស់ថ្នាក់ជាតិផ្នែកកិច្ចការជនជាតិដើមភាគតិច សម្រាប់គម្រោង LASED III អាចមកទំនាក់ទំនងដាក់ពាក្យចាប់ពីថ្ងៃប្រកាសជូនដំណឹងនេះតទៅ រហូតដល់ថ្ងៃទី ២ ខែកុម្ភៈ ឆ្នាំ ២០២២»។
បើយោងតាមសេចក្ដីជូនដំណឹងស្តីពី «ការជ្រើសរើសទីប្រឹក្សាអន្តរជាតិផ្នែកប្រតិបត្តិការទីប្រឹក្សាអន្តរជាតិផ្នែកដីធ្លី និងទីប្រឹក្សាជាន់ខ្ពស់ថ្នាក់ជាតិផ្នែកកិច្ចការជនជាតិដើមភាគតិច» អ្នកដែលមានបំណងចង់ដាក់ពាក្យចូលបម្រើការងារជាទីប្រឹក្សាជាន់ខ្ពស់ថ្នាក់ជាតិផ្នែកកិច្ចការជនជាតិដើមភាគតិចត្រូវមានជំនាញ និងគុណវុឌ្ឍិអប្បបរមាយ៉ាងហោចណាស់ត្រឹមបរិញ្ញាបត្រអនុបណ្ឌិតផ្នែកនរវិទ្យាសង្គមវិទ្យា ឬវិទ្យាសាស្ត្រសង្គមពាក់ព័ន្ធផ្សេងទៀតមានបទពិសោធការងារយ៉ាងតិច ១៥ ឆ្នាំក្នុងការអភិវឌ្ឍសង្គម មានការយល់ដឹង និងមានបទពិសោធធ្វើការជាមួយសហគមន៍ជនជាតិដើមភាគតិចក្នុងប្រទេសកម្ពុជា (ឬផ្នែកផ្សេងទៀតនៃតំបន់អាស៊ីអាគ្នេយ៍) ... និងមានចំណេះដឹងច្បាស់លាស់ទាំងការប្រាស្រ័យទាក់ទងដោយពាក្យសម្ដី និងសំណេរជាភាសាខ្មែរ និងអង់គ្លេស ព្រមទាំងមានសមត្ថភាពក្នុងការប្រើប្រាស់ភាសាជនជាតិដើមភាគតិចក្នុងប្រទេសកម្ពុជាយ៉ាងតិចចំនួន ១ ជនជាតិដើមភាគតិច និងមានការយល់ដឹងអំពីច្បាប់ អនុក្រឹត្យ និងលិខិតបទដ្ឋានគតិយុត្តិមួយចំនួននៅកម្ពុជា។
ទីប្រឹក្សាជាន់ខ្ពស់ថ្នាក់ជាតិ ផ្នែកកិច្ចការជនជាតិដើមភាគតិច (IP) មានភារកិច្ចចម្បង ក្នុងការធ្វើកិច្ចសហការជាមួយមន្ត្រីគម្រោងក្នុងការរចនាឧបករណ៍ និងយុទ្ធសាស្ត្រសម្រាប់សកម្មភាព ICLT ស្របតាមការរចនាគម្រោងនៅក្នុង PAD ESMF PIM និង IPPF ត្រួតពិនិត្យដំណើរការគម្រោង និងបង្កើតរបាយការណ៍ប្រចាំខែសម្រាប់នាយកផ្នែកបច្ចេកទេសគម្រោង ដោយផ្អែកលើទម្រង់ត្រួតពិនិត្យ និងរបាយការណ៍ដែលបានកំណត់។ ប្រមូល និងវិភាគព័ត៌មានចាំបាច់ ដើម្បីគាំទ្រដល់ការអនុវត្តគម្រោង រួមទាំងព័ត៌មានចាំបាច់ ដើម្បីគាំទ្រដល់ការអនុវត្តគម្រោង រួមទាំងការវាយតម្លៃបរិស្ថានជាក់លាក់ និងការវាយតម្លៃសង្គមនៃគេហទំព័រ ICLT ទាក់ទងនឹងការជ្រើសរើសទីតាំង ការធ្វើផែនការប្រើប្រាស់ដី និងការអនុវត្តហេដ្ឋារចនាសម្ព័ន្ធ និងសកម្មភាពអភិវឌ្ឍន៍កសិកម្ម។ ត្រួតពិនិត្យការរៀបចំ ប្រតិបត្តិការ និងការរាយការណ៍របស់អង្គការដែលទាក់ទងនឹងយន្តការដោះស្រាយបណ្តឹងសារទុក្ខរបស់គម្រោងដែលពាក់ព័ន្ធដល់សហគមន៍ជនជាតិដើមភាគតិច និងដំណើរការ ICLT អនុវត្តការងារផ្ទាល់ជាមួយប្រធានផ្នែកបច្ចេកទេសគម្រោងនៅពេលចាំបាច់ សម្របសម្រួលការពិគ្រោះយោបល់ជាមួយភាគីពាក់ព័ន្ធសំខាន់ៗរួមទាំងអង្គការជនជាតិដើមភាគតិច ម្ចាស់ជំនួយ និងអង្គការក្រៅរដ្ឋាភិបាលដែលបានគាំទ្រ។
អ្នកមានបំណងចង់ដាក់ពាក្យចូលបម្រើការងារជាទីប្រឹក្សាអន្តរជាតិផ្នែកប្រតិបត្តិការនៃគម្រោង LASED III ត្រូវមានជំនាញ និងគុណវុឌ្ឍិអប្បបរមា យ៉ាងហោចណាស់មានបរិញ្ញាបត្រអនុបណ្ឌិតផ្នែកគ្រប់គ្រងពាណិជ្ជកម្ម អភិវឌ្ឍន៍ជនបទ ការគ្រប់គ្រងគម្រោង គោលនយោបាយ និងការគ្រប់គ្រងដីធ្លី និងមានបទពិសោធយ៉ាងតិច ១០ ឆ្នាំក្នុងការអនុវត្តគម្រោងក្នុងតំបន់ទាក់ទងនឹងការអភិវឌ្ឍជនបទ និងគោលនយោបាយដីធ្លី មានការយល់ដឹងច្រើនអំពីបញ្ហាសិទ្ធិដីធ្លីនៅជនបទ ឬយ៉ាងហោចណាស់មានបទពិសោធ ៥ ឆ្នាំក្នុងមុខតំណែងដែលទទួលខុសត្រូវលើការគ្រប់គ្រងគម្រោង ឬយ៉ាងហោចណាស់ ៣ ឆ្នាំក្នុងការអភិវឌ្ឍ និងអនុវត្តការវាយតម្លៃការត្រួតពិនិត្យ ជាពិសេសលើ MIS។ មានឆន្ទៈ និងសមត្ថភាពក្នុងការធ្វើដំណើរក្នុងស្ថានភាពលំបាក និងស្ថិតក្រោមសម្ពាធការងារ ស្ទាត់ជំនាញក្នុងការសរសេរ និងនិយាយភាសាអង់គ្លេស និងភាសាខ្មែរ និងជំនាញសរសេររបាយការណ៍។ ទីប្រឹក្សាអន្តរជាតិផ្នែកប្រតិបត្តិការមានតួនាទីក្នុងការរៀបចំធ្វើផែនការ និងការគ្រប់គ្រងការអនុវត្តគម្រោងជួយសម្របសម្រួលការអនុវត្តសកម្មភាពបណ្តុះបណ្តាលលើក្របខ័ណ្ឌលទ្ធផល និងសៀវភៅណែនាំការអនុវត្តគម្រោង (PIM) ជួយនាយកគម្រោង និងនាយកផ្នែកក្នុងការត្រួតពិនិត្យ និងវាយតម្លៃវឌ្ឍនភាពក្នុងការអនុវត្ត និងបង្កើតការតាមដានសកម្មភាព គម្រោង និងសហការជាមួយអ្នកឯកទេសប្រតិបត្តិការជាតិជាន់ខ្ពស់ និងអ្នកឯកទេស M&E ជាតិអន្តរជាតិ ដើម្បីបង្កើត MIS នៃ LASED III និងផ្តល់ព័ត៌មានថ្មីៗជាប្រចាំអំពីវឌ្ឍនភាពនៃការអនុវត្ត និងសមិទ្ធផលនៃសូចនាករលទ្ធផលរបស់គម្រោង។ មានការទទួលខុសត្រូវក្នុងការរៀបចំធ្វើបច្ចុប្បន្នភាពគំរូផែនការការងារ និងថវិកាប្រចាំឆ្នាំ (AWPB) សម្រាប់ការធ្វើផែនការ ការតាមដាន ការត្រួតពិនិត្យ និងការវាយតម្លៃកាន់តែប្រសើរ...និងជួយសម្របសម្រួលនៃការអនុវត្តគម្រោងដើម្បីធានាបាននូវសុខដុមរមនាជាមួយនឹងយុទ្ធសាស្ត្រ និងនីតិវិធីរបស់ MLMUPC និង MAFF ជាមួយនឹងបទប្បញ្ញត្តិរបស់ RGC ទាំងមូល។
រីឯអ្នកមានបំណងចង់ដាក់ពាក្យចូលបម្រើការងារជាទីប្រឹក្សាអន្តរជាតិផ្នែកដីធ្លី ត្រូវមានជំនាញ និងគុណវុឌ្ឍិអប្បបរមាយ៉ាងហោចណាស់មានសញ្ញាបត្រអនុបណ្ឌិតផ្នែករដ្ឋបាល និងគ្រប់គ្រងដីធ្លី ឬសញ្ញាបត្រពាក់ព័ន្ធផ្សេងទៀតមានបទពិសោធការងារយ៉ាងតិច ១៥ ឆ្នាំក្នុងការគ្រប់គ្រង និងគ្រប់គ្រងដីធ្លី។ ត្រូវមានបទពិសោធក្នុងការស្ទង់មតិ និងការធ្វើផែនទី រួមទាំងប្រព័ន្ធព័ត៌មានភូមិសាស្ត្រជាមួយនឹងការទទួលបាន និងការប្រើប្រាស់រូបភាពពីលើអាកាស (រួមទាំងយន្តហោះគ្មានមនុស្សបើក) និងផ្កាយរណប និងត្រូវមានទំនាក់ទំនងល្អ ទាំងការនិយាយស្ដី និងសរសេរភាសាខ្មែរ និង អង់គ្លេស ជាពិសេសត្រូវមានសមត្ថភាពក្នុងការប្រើប្រាស់ ទាំងការនិយាយ និងការស្វែងយល់យ៉ាងច្បាស់លាស់នូវភាសាជនជាតិដើមភាគតិចយ៉ាងហោចណាស់ចំនួន ១ ជនជាតិដើមភាគតិចក្នុងប្រទេសកម្ពុជា។ តួនាទីចម្បងរបស់ទីប្រឹក្សាអន្តរជាតិផ្នែកដីធ្លី គឺ ផ្តល់ប្រឹក្សាដល់ការគ្រប់គ្រងគម្រោងលើរាល់សកម្មភាពទាក់ទងនឹងដីធ្លីដែលអនុវត្តតាមរយៈ LASED III Component 1។ ត្រួតពិនិត្យដំណើរការគម្រោង និងធានានូវរបាយការណ៍ប្រចាំខែដែលអាចទុកចិត្តបានសម្រាប់សកម្មភាពទាក់ទងនឹងដី៕