.jpg)
ពិធីបើកសម្ពោធពិព័រណ៍ក្រោមប្រធានបទ «ភ្នំពេញទីក្រុងមានជីជាតិ» ត្រូវបានរៀបចំធ្វើឡើងនាព្រឹកថ្ងៃទី ២០ ខែមករា ឆ្នាំ ២០២២ ឪ ដោយផ្តោតលើកម្រងរូបថតនៃស្ថាបត្យករ និងទេសភាពករវ័យក្មេង ២០១៨ ដែលពិធីនេះធ្វើឡើងក្រោមកិច្ចសហការរវាងវិទ្យាស្ថានបារាំងនៃកម្ពុជា និងសាកលវិទ្យាល័យភូមិន្ទវិចិត្រសិល្បៈ។
លោក ហេង សុផាឌី សាកលវិទ្យាធិការនៃសាកលវិទ្យាល័យភូមិន្ទវិចិត្រសិល្បៈ បានអញ្ចើញជាអធិបតីក្នុងពិធីបើកសម្ពោធពិព័រណ៍នេះផងដែរ។ ពិព័រណ៍នេះប្រព្រឹត្តទៅពីថ្ងៃទី ២០ ខែមករា ដល់ថ្ងៃទី ១៩ ខែកុម្ភៈ ឆ្នាំ ២០២២ នៅក្នុងបរិវេណសាកលវិទ្យាល័យភូមិន្ទវិចិត្រសិល្បៈពីម៉ោង ៨ ព្រឹក ដល់ម៉ោង ៥ រសៀល។
ផ្ទាំងប៉ាណូចំនួន ២២ ត្រូវបានដាក់តាំងបង្ហាញពីស្នាដៃរបស់ស្ថាបត្យករ និងអ្នកជំនាញរៀបចំទេសភាពវ័យក្មេង។ លោក ហេង សុផាឌី បានលើកឡើងថា៖ «គោលបំណងនៃពិព័រណ៍នេះ គឺដើម្បីផ្សព្វផ្សាយពីបញ្ហាស្ថាបត្យកម្ម និងទេសភាព និងចង្អុលបង្ហាញពីសារៈសំខាន់នៃគោលវិធីផ្អែកលើទេសភាពពហុមាត្រដ្ឋាន»។
ពិព័រណ៍នេះគឺជាផ្នែកមួយនៃពិព័រណ៍ ភ្នំពេញទីក្រុងមានជីជាតិ ស្ថាបត្យកម្ម និងអភិវឌ្ឍន៍ដោយចីរភាព ដែលមានពិព័រណ៍ចំនួន ២ ទៀតកំពុងតាំងបង្ហាញស្របពេលជាមួយគ្នានៅសារមន្ទីរជាតិ «ពានរង្វាន់សាកលវិទ្យាល័យភូមិន្ទវិចិត្រសិល្បៈវិទ្យាស្ថានបារាំងនៃកម្ពុជា (URBA-IFC)» និងនៅវិទ្យាស្ថានបារាំងនៃកម្ពុជាផ្ទាល់ «ធ្វើឱ្យពិភពលោករីករាយឡើងវិញ ស្ថាបត្យកម្ម ទីក្រុងអន្ដរភាព»៕
