The Phnom Penh Post Search

Search form




Logo of Phnom Penh Post newspaper Phnom Penh Post - ការសាងសង់​ប្រព័ន្ធ​ស្រោចស្រព និង​ការពារ​ទឹកជំនន់​ព្រែក​ត្នោត​សម្រេចបាន​ប្រមាណ​ ២២ ​ភាគរយ​ហើយ

ការសាងសង់​ប្រព័ន្ធ​ស្រោចស្រព និង​ការពារ​ទឹកជំនន់​ព្រែក​ត្នោត​សម្រេចបាន​ប្រមាណ​ ២២ ​ភាគរយ​ហើយ

Content image - Phnom Penh Post
ការងារ​អនុវត្ត​គម្រោង​សាងសង់​ប្រព័ន្ធ​ស្រោចស្រព និង​ការពារ​ទឹកជំនន់​ព្រែក​ត្នោត ស្ថិត​នៅ​រាជធានី​ភ្នំពេញ ខេត្តកណ្តាល ខេត្តតាកែវ និង​ខេត្តកំពង់ស្ពឺ ។

ការសាងសង់​ប្រព័ន្ធ​ស្រោចស្រព និង​ការពារ​ទឹកជំនន់​ព្រែក​ត្នោត​សម្រេចបាន​ប្រមាណ​ ២២ ​ភាគរយ​ហើយ

ភ្នំពេញៈ ការងារ​អនុវត្ត​គម្រោង​សាងសង់​ប្រព័ន្ធ​ស្រោចស្រព និង​ការពារ​ទឹកជំនន់​ព្រែក​ត្នោត ស្ថិត​នៅ​រាជធានី​ភ្នំពេញ ខេត្តកណ្តាល ខេត្តតាកែវ និង​ខេត្តកំពង់ស្ពឺ ដែល​ទទួល​ជំនួយ​ហិរញ្ញប្បទាន​ពី​សាធារណរដ្ឋ​ប្រជាមានិត​ចិន​សម្រេចបាន​ប្រមាណ ​២២ ភាគរយ​លើ​ផែនការ​កំណត់ ក្រោយពី​បានចាប់ផ្តើម​នៅ​ថ្ងៃទី​ ០១ ខែធ្នូ ឆ្នាំ​ ២០២១​។ នេះ​បើ​យោងតាម​ក្រសួង​ធនធានទឹក និង​ឧតុនិយម​កាលពី​ម្សិលមិញ​។

រដ្ឋមន្ត្រី​ក្រសួង​ធនធានទឹក និង​ឧតុនិយម លោក​ លឹម គានហោ ដែល​អមដំណើរ​ដោយ​លោក​ ជួន ប៊ិតថុល អនុរដ្ឋលេខាធិការ លោក​ ម៉ៅ ហាក់ ដែលជា​ប្រធាន​មុខព្រួញ រាជធានី​ភ្នំពេញ​រួម​នឹង​មន្ត្រី​បច្ចេកទេស​ និង​តំណាង​ក្រុមហ៊ុន GDFC បាន​ចុះ​ពិនិត្យ​វឌ្ឍនភាព​ការងារ​អនុវត្ត​គម្រោង​សាងសង់​ប្រព័ន្ធ​ស្រោចស្រព និង​ការពារ​ទឹកជំនន់​ព្រែកត្នោត ស្ថិតនៅ​រាជធានី​ភ្នំពេញ ខេត្តកណ្តាល ខេត្តតាកែវ និង​ខេត្តកំពង់ស្ពឺ ដែល​ទទួល​ជំនួយ​ហិរញ្ញប្បទាន​ពី​សាធារណរដ្ឋ​ប្រជាមានិត​ចិន​កាលពី​ថ្ងៃ​ពុធ​ទី​ ១៩ ​ខែមករា​ឆ្នាំ ​២០២២​ នេះ​។

ក្នុងឱកាស​ចុះ​ពិនិត្យ​ជាក់ស្តែង​នេះ លោក​រដ្ឋមន្ត្រី​បាន​កោតសរសើរ និង​វាយតម្លៃ​ខ្ពស់​ចំពោះ​កិច្ចខិតខំ​ប្រឹងប្រែង និង​លទ្ធផល​ការងារ​ដែល​សម្រេច​តាម​ផែនការ​គ្រោងទុក ក្រោម​កិច្ចសហការ​ល្អប្រសើរ​រវាង​ក្រុមការងារ​អនុវត្ត​គម្រោង មន្ទីរ និង​អាជ្ញាធរ​មូលដ្ឋាន​ពាក់ព័ន្ធ​។

លោក​រដ្ឋមន្ត្រី​បាន​ណែនាំ​បន្ថែម​នូវ​បច្ចេកទេស​អនុវត្ត​ការងារ ដើម្បី​ធានា​គុណភាព​សំណង់​ខាងលើ ប្រើប្រាស់​ឱ្យបាន​យូរអង្វែង​សម្រាប់​ពេលបច្ចុប្បន្ន និង​អនាគត​។

ក្រសួង​បាន​បញ្ជាក់ថា​៖ «​គោលបំណង​របស់​គម្រោង​ប្រព័ន្ធ​ស្រោចស្រព និង​ការពារ​ទឹកជំនន់​ព្រែក​ត្នោត គឺ​កាត់បន្ថយ​គ្រោះមហន្តរាយ​ទឹកជំនន់​យាយី​តាម​សណ្ត​ស្ទឹង​ព្រែក​ត្នោត​ជាពិសេស​ខាងលិច​រាជធានី​ភ្នំពេញ និង​ខេត្តកណ្តាល ព្រមទាំង​បង្កើន​ផ្ទៃដី​ដាំដុះ ដែលមាន​លទ្ធភាព​ជួយ​ការពារ និង​កាត់បន្ថយ​គ្រោះទឹកជំនន់​លើ​ទំហំ​ផ្ទៃដី​ប្រមាណ ២៤៥ ​គីឡូម៉ែត្រ​ក្រឡា ហើយ​មានលទ្ធភាព​ស្រោចស្រព​ដីស្រែប្រាំង​ ១០ ១៥០ ​ហិកតា និង​ស្រូវវស្សា ១៧ ៧៣០​ ហិកតា​» ។

ប្រព័ន្ធ​ស្រោចស្រព និង​ការពារ​ទឹកជំនន់​ព្រែក​ត្នោត​ស្ថិតនៅ​រាជធានី​ភ្នំពេញ ខេត្តកណ្តាល ខេត្តតាកែវ និង​ខេត្តកំពង់ស្ពឺ​នេះ​ត្រូវបាន​ដឹកនាំ​ផ្ទាល់​ដោយ​លោក​រដ្ឋមន្ត្រី ក្នុង​ការរៀបចំ​ផែនការ និង​សហការ​ជាមួយ​ដៃគូ​អភិវឌ្ឍន៍ ព្រមទាំង​ប្រទេស​ជា​មិត្ត ដើម្បី​ឆាប់​អនុវត្ត​គម្រោង​ដ៏មាន​អត្ថប្រយោជន៍​នេះ​ក្នុង​ការបន្ថយ​ផលប៉ះពាល់ និង​បញ្ជៀស​គ្រោះមហន្តរាយ​នានា​តែងតែ​យាយី​ដល់​ភាគ​ខាងលិច​រាជធានី​ភ្នំពេញ​ដែល​កំពុងមាន​ការអភិវឌ្ឍ​យ៉ាង​ឆាប់រហ័ស​៕

អត្ថបទគួរចាប់អារម្មណ៍

  • កោះកុងៈ កូនអណ្តើក​ហ្លួង​ចំនួន ៣០ ​ក្បាល​បាន​ញាស់​ចេញពី​សម្បុក​នៅលើ​ឆ្នេរ​ខ្សាច់​សិប្បនិម្មិត​ក្នុង​មជ្ឈមណ្ឌល​អភិរក្ស​សត្វ​ល្មូន​ខេត្តកោះកុង កាលពី​សប្តាហ៍​កន្លងទៅ ហើយ​នេះ​គឺជា​លើក​ទី​ ២ ​ហើយ ដែល​អណ្តើក​ហ្លួង​ចិញ្ចឹម​ក្នុង​មជ្ឈមណ្ឌល​នេះ​បាន​ពង​កូន​។ នេះ​បើតាម​អង្គការ​សមាគម​អភិរក្ស​សត្វព្រៃ​នៅ​កម្ពុជា (WCS)​។

  • ភ្នំពេញៈ ការបញ្ចូល​មីក្រូ​សារជាតិ​ក្នុង​អង្ករ គឺជា​ជំហាន​ចម្បង​មួយ​ក្នុងការ​ដោះស្រាយ​បញ្ហា​អាហារូបត្ថម្ភ​ក្នុង​ប្រទេស​កម្ពុជា ដែល​ប្រជាជន​ភាគច្រើន​ទទួលទាន​បាយ ក្នុង​បរិមាណ​ច្រើន​ជា​រៀងរាល់ថ្ងៃ​។ នេះ​បើតាម​មន្ត្រី​ក្រុមប្រឹក្សា​ស្តារ​អភិវឌ្ឍន៍​វិស័យ​កសិកម្ម និង​ជនបទ​។

  • ភ្នំពេញ: ក្នុង​ចំណោម​ភោជនីយដ្ឋាន​ពោរពេញ​ដោយ​សិល្បៈ​ចម្អិន​ម្ហូបអាហារ ការ​គិតគូរ​ពី​និរន្តរភាព​បរិស្ថាន​ភព​ផែន​ដី និង​បង្កប់​រឿង​រ៉ាវ​ប្រពៃណី​វប្បធម៌​ដ៏​អស្ចារ្យ​នៅ​អេស្ប៉ាញ ប៉េរូ​សហរដ្ឋអាមេរិក​ ថៃ ដាណឺម៉ាក​ នូវែលសេឡង់ ចិន ជប៉ុន អ៊ីតាលី និង​ម៉ិកស៊ិក អាហារ​នៅ​​ផ្ទះ​ប្រពៃណី​បុរាណ​មួយ​​​តាម​ដង​ទន្លេ​មេគង្គ

  • ភ្នំពេញៈ ទាំង​អ្នកនយោបាយ អ្នកវិភាគ និង​ស្ថាប័ន​គណៈកម្មាធិការ​ជាតិ​រៀបចំ​ការបោះឆ្នោត​បានចាត់ទុក​ដំណើរការ​ឃោសនា​រក​សំឡេងឆ្នោត ក្នុង​រយៈពេល ៣ ​ថ្ងៃ​របស់​គណបក្ស​នយោបាយ ដែល​បាន​ចុះបញ្ជី​បេក្ខជន​ចូលរួម​បោះឆ្នោត​ជ្រើសរើស​ក្រុមប្រឹក្សាឃុំ សង្កាត់​អាណត្តិ​ទី​ ៥ ដែល​នឹង​ប្រព្រឹត្តទៅ​នៅ​ថ្ងៃទី​ ៥ ខែមិថុនា ថា មាន​ភាពចាស់ទុំ​ផ្នែក​នយោបាយ និង​មិនមាន​អំពើហិង្សា​ណាមួយ​កើតឡើង​នោះ

  • ភ្នំពេញៈ សាលាឧទ្ធរណ៍​ភ្នំពេញ​នៅ​ថ្ងៃទី​ ២៣ ​ឧសភា បានប្រកាស​សាលដីកា​កំបាំង​មុខមន្ត្រី​សមាគម​ការពារ​សិទ្ធិមនុស្ស​អាដហុក​ ៤ ​រូប និង​អតីត​មន្ត្រី​ ១ ​រូប​ទៀត​សម្រេច​តម្កល់​សាលក្រម​របស់​សាលាដំបូង​រាជធានី​ភ្នំពេញ​ដដែល បន្ទាប់ពី​បាន​កាត់ក្តី​ឱ្យ​ពួកគេ​ជាប់ពន្ធនាគារ​ក្នុង​ម្នាក់​ ៥ ​ឆ្នាំ តែ​ឱ្យ​អនុវត្ត​ទោស ​១៤ ​ខែ​ពាក់ព័ន្ធ​បទចោទ​សូកប៉ាន់​សាក្សី និង​សមគំនិត​សូកប៉ាន់​សាក្សី​ដល់​ នាង ខុម ចាន់តារាទី ហៅ​ ស្រីមុំ​។

  • បន្ទាយមានជ័យៈ ក្នុង​មួយ​ថ្ងៃៗ​មាន​ប្រជាពលរដ្ឋ​នៅតាម​ព្រំដែន ជាពិសេស​ពលករ​ខ្មែរ​ពី ​៤០០ ទៅ​ ៥០០​ នាក់​បាន​ទៅ​ស្នើសុំ​ធ្វើ​បណ្ណ​ឆ្លងដែន ដើម្បី​បាន​ចូលទៅ​ធ្វើការ ឬ​លក់ដូរ​ស្របច្បាប់ នៅក្នុង​ប្រទេស​ថៃ បន្ទាប់ពី​ភាគី​ទាំង​ ២​ បាន​ឯកភាព​គ្នា​បើក​ច្រកព្រំដែន​ឡើងវិញ កាលពី​ថ្ងៃទី​ ១ ខែឧសភា ក្នុង​កម្រិត​ថ្នាក់​តំបន់​។