តាកែវៈ ករណីអគ្គិភ័យដែលបានឆាបឆេះរោងចក្រមួយកន្លែងស្ថិតនៅភូមិស្រង៉ែ ឃុំឧត្តមសូរិយា ស្រុកត្រាំកក់ ខេត្តតាកែវបានរលត់ហើយរហូតមកដល់ម៉ោងប្រមាណជា ៣ រសៀលថ្ងៃសុក្រទី ២១ ខែកមករានេះ ក្រោយពីសមត្ថកិច្ចប្រើឡានទឹក ១៦ គ្រឿង អស់ទឹកជិត ៤០ ឡាន។ នេះយោងតាមលោក សួស រតនា អធិករងស្រុកត្រាំកក់។
លោក រតនា បានបញ្ជាក់ថា ឧប្បត្តិហេតុភ្លើងឆេះនេះមិនបានបណ្តាលឱ្យមានអ្នករបួស ឬ បាត់បង់ជីវិតនោះទេ។ សមត្ថកិច្ចបានកំពុងតែធ្វើការស្រាវជ្រាវរកមូលហេតុដែលឆេះ និងវាយតម្លៃការខាតបង់។
ឧប្បត្តិហេតុភ្លើងឆេះបានកើតឡើងប្រហែលជាម៉ោង ១១ កន្លះព្រឹកថ្ងៃសុក្រទី ២១ មករានេះ៕