.jpg)
ក្រុមការងារសហគមន៍នៃអាជ្ញាធរជាតិអប្សរាបានចុះពិនិត្យ និងដោះស្រាយសំណើសុំជួសជុលផ្ទះរបស់ប្រជាពលរដ្ឋក្នុងឧទ្យានអង្គរ។
ក្រុមការងារសហគមន៍នៃអាជ្ញាធរជាតិអប្សរាបានចុះពិនិត្យ និងដោះស្រាយសំណើសុំជួសជុលផ្ទះរបស់ប្រជាពលរដ្ឋក្នុងឧទ្យានអង្គរចំនួន ០៣ គោលដៅ ដែលមានការចូលរួមសហការជាមួយអាជ្ញាធរមូលដ្ឋាននាថ្ងៃទី ២១ ខែមករា ឆ្នាំ ២០២២ នេះ។
យោងតាមអាជ្ញាធរជាតិអប្សរាបានឱ្យដឹងថា ក្រុមការងារសហគមន៍នៃអាជ្ញាធរជាតិអប្សរាបានចុះពិនិត្យ និងដោះស្រាយសំណើរបស់ប្រជាពលរដ្ឋក្នុងគោលដៅចំនួន ៣ គឺស្រុកអង្គរធំ ស្រុកពួក និងក្រុងសៀមរាប ខេត្តសៀមរាប។
ក្រុមការងារប្រចាំស្រុកអង្គរធំបានពិនិត្យ និងដោះស្រាយស្ថិតក្នុងឃុំលាងដៃ ក្រោយពីពិនិត្យទីតាំង និងឯកសារជាក់ស្តែងក្រុមការងារបានណែនាំចំនួន ០២ សំណើ ចំណែកក្រុមការងារប្រចាំស្រុកពួកក៏បានពិនិត្យ និងដោះស្រាយស្ថិតនៅក្នុងឃុំខ្នាត ហើយបានអនុញ្ញាតចំនួន ០២ សំណើ។ រីឯក្រុមការងារប្រចាំក្រុងសៀមរាបបានពិនិត្យ និងដោះស្រាយស្ថិតក្នុងសង្កាត់នគរធំ និងបានអនុញ្ញាតចំនួន ០៥ សំណើ។
អាជ្ញាធរជាតិអប្សរាបានបញ្ជាក់ថា៖ «សម្រាប់ថ្ងៃទី ២១ ខែមករា នេះ ក្រុមការងារសហគមន៍នៃអាជ្ញាធរជាតិអប្សរាចំនួន ០៣ គោលដៅបានចុះពិនិត្យ និងដោះស្រាយសំណើសុំជួសជុលផ្ទះរបស់ប្រជាពលរដ្ឋក្នុងឧទ្យានអង្គរបានចំនួន ០៩ សំណើ»។
ប្រភពដដែលលើកឡើងដែរថា រាល់ការស្នើសុំច្បាប់ជួសជុល គឺពុំមានការបង់ប្រាក់ទេ៕
