ភ្នំពេញៈ ក្រសួងសុខាភិបាលបានរកឃើញអ្នកឆ្លងវីរុសកូវីដ ១៩ ចំនួន ៤០ នាក់បន្ថែមទៀត ដែលសុទ្ធតែប្រភេទមេរោគបំប្លែងថ្មីអូមីក្រុង ក្នុងនោះ១៥ករណីនាំចូលពីក្រៅប្រទេស ខណៈ ២៥ ករណីឆ្លងនៅក្នុងសហគមន៍។
នៅក្នុងសេចក្តីប្រកាសចុះថ្ងៃទី ២៤ ខែមករានេះ ក្រសួងបញ្ជាក់ថា តួលេខដែលបានរកឃើញនៅក្នុងថ្ងៃទី ២៣ មករា ក៏មានអ្នកជាសះស្បើយមានចំនួន១៩នាក់ផងដែរ ប៉ុន្តែមិនមានអ្នកស្លាប់ថ្មីទេ។
គិតត្រឹមព្រឹកថ្ងៃទី២៤ខែមករានេះ កម្ពុជាបានរកឃើញអ្នកឆ្លងវីរុសកូវីដ១៩សរុបចំនួន១២១ ០៦៦នាក់ អ្នកជាសះស្បើយចំនួន១១៧ ២៣២នាក់ និងអ្នកស្លាប់សរុបមានចំនួន ៣ ០១៥នាក់ ខណៈករណីឆ្លងជំងឺកូវីដប្រភេទអូមីក្រុងចូលក្នុងសហគមន៍បានកើនដល់ចំនួន ២១៤ករណី ៕