.jpg)
ក្រសួងបន្តរកឃើញអ្នកឆ្លងជំងឺកូវីដប្រភេទអូមីក្រុងចំនួន ២៨ នាក់ថែមទៀត តែគ្មានអ្នកស្លាប់ថ្មីទេ។
ភ្នំពេញៈមនុស្សចំនួន ២៨ នាក់បន្ថែមទៀត ត្រូវបានក្រសួងសុខាភិបាលប្រកាសរកឃើញឆ្លងវីរុសកូវីដ១៩ បំប្លែងថ្មីប្រភេទ អូមីក្រុង ទាំងអស់ និង មានអ្នកជាសះស្បើយចំនួន ១៥ នាក់ ប៉ុន្តែមិនមានអ្នកស្លាប់ដោយសារជំងឺនេះទេ ក្នុងរយៈពេល ២១ ថ្ងៃកន្លងមកនេះ។
យោងតាមក្រសួងសុខាភិបាលបានឱ្យដឹងថា ការរកឃើញនេះមានករណីឆ្លងសហគមន៍ ១០ នាក់ និងអ្នកដំណើរពីបរទេសចំនួន ១៨ នាក់។
គិតត្រឹមព្រឹកថ្ងៃទី២៥ ខែមករា ឆ្នាំ២០២២ កម្ពុជាមានអ្នកឆ្លងវីរុសកូវីដ១៩ សរុបទូទាំងប្រទេសចំនួន ១២១ ០៩៤ នាក់ អ្នកជាសះស្បើយសរុប ចំនួន ១១៧ ២៤៧នាក់ និងអ្នកស្លាប់មានចំនួន ៣ ០១៥ នាក់៕
