ភ្នំពេញៈ មនុស្សចំនួន ២២ នាក់ទៀត ត្រូវបានក្រសួងសុខាភិបាលរកឃើញពួកគេមានឆ្លងវីរុសកូវីដ១៩ បំប្លែងថ្មីប្រភេទអូមីក្រុងទាំងអស់ និង មានអ្នកជាសះស្បើយចំនួន ២០ នាក់ ប៉ុន្តែមិនមានអ្នកស្លាប់ដោយសារជំងឺកូវីដ១៩ទេ ក្នុងរយៈពេល ២២ ថ្ងៃកន្លងមកនេះ។
សេចក្តីប្រកាសរបស់ក្រសួងសុខាភិបាលនាព្រឹកថ្ងៃទី២៦ ខែមករា ឆ្នាំ២០២២នេះ បានឱ្យដឹងថា ករណី រកឃើញអ្នកឆ្លងវីរុសកូវីដ១៩អូមីក្រុងនេះ មានករណីឆ្លងក្នុងសហគមន៍ ចំនួន១៧នាក់ និងអ្នកដំណើរមកពីបរទេស ចំនួន ៥នាក់។
គិតត្រឹមព្រឹក ថ្ងៃទី២៦ ខែមករា ឆ្នាំ២០២២ កម្ពុជាមានអ្នកឆ្លងវីរុសកូវីដ១៩ សរុបចំនួន ១២១ ១១៦នាក់ អ្នកជាសះស្បើយសរុបចំនួន១១៧ ២៦៧នាក់ និងអ្នកស្លាប់មានចំនួន៣ ០១៥នាក់៕