ភ្នំពេញៈ ជនសង្ស័យចំនួន ៦២ នាក់ (ស្រី ២ នាក់) ត្រូវបានសមត្ថកិច្ចឃាត់ខ្លួនក្នុងប្រតិបត្តិការបង្ក្រាបបទល្មើសគ្រឿងញៀនចំនួន ៣២ ករណីទូទាំងប្រទេស នៅថ្ងៃទី ២៨ ខែមករានេះ។
បើតាមរបាយការណ៍របស់អគ្គស្នងការដ្ឋាននគរបាលជាតិ បានឱ្យដឹងថា ក្នុងចំណោមជនសង្ស័យទាំងចំនួន៦២នាក់នោះ មានករណីជួញដូរចំនួន១៩ករណី ឃាត់ខ្លួនចំនួន ៣១នាក់ និងប្រើប្រាស់ចំនួន១៣ករណី ឃាត់ខ្លួនចំនួន ៣១នាក់។
វត្ថុតាងដែលចាប់បានសរុបក្នុងថ្ងៃទី២៨ ខែមករា រួមមាន មេតំហ្វេតាមីន(Ice) ចំនួន ១០៦៦,៦២ក្រាម និង៥កញ្ចប់តូច និងមេតំហ្វេតាមីន(Wy) ចំនួន ១,១៧ក្រាម។
លទ្ធផលបង្ក្រាបគ្រឿងញៀនទាំងនេះ ត្រូវបានធ្វើឡើង ដោយស្ថាប័នកងកម្លាំងសមត្ថកិច្ច នៃមន្ទីរប្រឆាំងការជួញដូរគ្រឿងញៀន កងកម្លាំងនគរបាលខេត្តបន្ទាយមានជ័យ បាត់ដំបង កំពង់ឆ្នាំង កំពង់ធំ កណ្តាល ក្រចេះ រាជធានីភ្នំពេញ ព្រៃវែង ពោធិ៍សាត់ សៀមរាប ស្វាយរៀង កំពង់ស្ពឺ រួមទាំងកងកម្លាំងកងរាជអាវុធហត្ថខេត្តកំពង់ចាម និងខេត្តសៀមរាប៕