.jpg)
បន្ទាយមានជ័យៈ កម្លាំងសមត្ថកិច្ចនគរបាលក្រុងប៉ោយប៉ែត បានឃាត់ខ្លួនជនសង្ស័យ ៤នាក់ មកសាកសួរដើម្បីកសាងសំណុំរឿងបញ្ជូនទៅតុលាការ ក្រោយពលរដ្ឋ២នាក់បានប្តឹងថា ពួកខ្លួនត្រូវបានក្រុមចោរឆក់ទូរស័ព្ទ និងប្រើហិង្សាលើខ្លួន នៅចំណុចផ្លូវបំបែក កែងកន្លែងលក់ជ្រូកខ្វៃ កាលពីយប់ថ្ងៃទី៣ ខែកុម្ភ: ឆ្នាំ២០២២។
សមត្ថកិច្ចនគរបាលក្រុងប៉ោយប៉ែតបានឱ្យដឹងថា ក្រោយទទួលពាក្យប្តឹងបានចុះស្រាវជ្រាវ និងបានឃាត់ខ្លួនជនសង្ស័យប្រុសស្រី ៤នាក់ ដែលជនសង្ស័យទាំងនោះ រួមមាន ឈ្មោះ នី ផានិត ភេទប្រុស អាយុ ១៨ឆ្នាំ ឈ្មោះ ធន់ ពិសិដ្ឋ ភេទប្រុស អាយុ ១៧ឆ្នាំ ឈ្មោះ ប៉ែន សុខលាភ ភេទប្រុស អាយុ ១៧ឆ្នាំ ជនដៃដល់ និង ឈ្មោះ លឹម ទីយ៉ា ភេទស្រី អាយុ ១៨ឆ្នាំ ជាប្រពន្ធរបស់ឈ្មោះ នី ផានិត។
សមត្ថកិច្ចបញ្ជាក់ថា ពលរដ្ឋរងគ្រោះ២នាក់ដែលបានប្តឹងសមត្ថកិច្ច ទី១-ឈ្មោះ ឡាយ គីមប៊ួយ ភេទស្រី អាយុ ២២ឆ្នាំ មុខរបរបុគ្គលិកកាស៊ីណូ រស់នៅភូមិសាមគ្គីមានជ័យ និងទី២-ឈ្មោះ ចន សុហឿន ភេទប្រុស អាយុ ២២ឆ្នាំ រស់នៅភូមិផ្សារកណ្តាល។ អ្នកទាំង២បានប្តឹងថា ពួកខ្លួនត្រូវបានក្រុមចោរឆក់ទូរស័ព្ទ និងប្រើហិង្សាលើខ្លួន នៅចំណុចផ្លូវបំបែក កែងកន្លែងលក់ជ្រូកខ្វៃ កាលពីយប់ថ្ងៃទី៣ ខែកុម្ភ: ឆ្នាំ២០២២ វេលាម៉ោងជាង ៨យប់៕
