.jpg)
ប្រជាពលរដ្ឋលេងល្បែងកម្សាន្តក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ នៅវត្តជ្រោយអម្ពិល ខណ្ឌច្បារអំពៅ កាលពីឆ្នាំ២០១៦។ រូបថត Post staff
ភ្នំពេញៈ លោកនាយករដ្ឋមន្រ្ដី ហ៊ុន សែន ប្រកាសប្តូរផ្តាច់ប្រារព្ធពិធីចូលឆ្នាំថ្មីប្រពៃណីជាតិខ្មែរឱ្យបាននៅឆ្នាំ ២០២២ នេះ ក្រោយពីកម្ពុជាបានខកខានប្រារព្ធពិធីបុណ្យចូលឆ្នាំថ្មី ប្រពៃណីជាតិខ្មែរចំនួន ២ ឆ្នាំ កន្លងមកនេះ ហើយលោកនាយករដ្ឋមន្រ្ដីក៏បន្តអំពាវនាវដល់ជនរួមជាតិឱ្យបន្តចូលរួមប្រយុទ្ធប្រឆាំងជំងឺកូវីដ ១៩។
លោកនាយករដ្ឋមន្រ្ដី ហ៊ុន សែន បានបញ្ជាក់បែបនេះ ខណៈលោកអញ្ជើញជាអធិបតី ក្នុងពិធីសម្ពោធដាក់ឱ្យប្រើប្រាស់ជាផ្លូវការកំណាត់ផ្លូវជាតិលេខ ៧ នៅចំណុចរង្វង់មូលខ្លាស្ទុះ ក្រុងក្រចេះ ទៅភូមិរមាត ឃុំអូរគ្រៀង ស្រុកសំបូរ ខេត្តក្រចេះ ប្រវែងប្រមាណ ៩៣.៥៦ គីឡូម៉ែត្រ ដែលសាងសង់ក្រោមជំនួយឥតសំណងរបស់រដ្ឋាភិបាលចិន ក្នុងទឹកប្រាក់ប្រមាណជាង ៣៣ លានដុល្លារអាមេរិក។
