The Phnom Penh Post Search

Search form




Logo of Phnom Penh Post newspaper Phnom Penh Post - កម្ពុជា-ថៃ នឹង​សាងសង់​ច្រក​ព្រំដែន​អន្តរជាតិ​ថ្មី​មួយ​ទៀត ដើម្បី​បង្កើន​កិច្ច​សហប្រតិបត្តិការ​ពាណិជ្ជកម្ម និង​ជំរុញ​ដល់​វិស័យ​ទេសចរណ៍

កម្ពុជា-ថៃ នឹង​សាងសង់​ច្រក​ព្រំដែន​អន្តរជាតិ​ថ្មី​មួយ​ទៀត ដើម្បី​បង្កើន​កិច្ច​សហប្រតិបត្តិការ​ពាណិជ្ជកម្ម និង​ជំរុញ​ដល់​វិស័យ​ទេសចរណ៍

Content image - Phnom Penh Post
កិច្ចប្រជុំ​ក្រុម​ការងារ​បច្ចេកទេស​​ក្រសួង​សាធារណការ ​ ពិនិត្យ​គម្រោង​សាងសង់ច្រកព្រំដែន​អន្តរជាតិ​ថ្មដា ដើម្បី​បើកច្រក ព្រំដែន​អន្តរជាតិ​រវាង កម្ពុជា-ថៃ​ កាល​ពី​ថ្ងៃ​ទី ១០ ខែកុម្ភៈ​។ រូបថត ក្រសួង​សាធារណការ

កម្ពុជា-ថៃ នឹង​សាងសង់​ច្រក​ព្រំដែន​អន្តរជាតិ​ថ្មី​មួយ​ទៀត ដើម្បី​បង្កើន​កិច្ច​សហប្រតិបត្តិការ​ពាណិជ្ជកម្ម និង​ជំរុញ​ដល់​វិស័យ​ទេសចរណ៍

កម្ពុជា-ថៃ នឹង​សាងសង់​ច្រក​ព្រំដែន​អន្តរជាតិ កម្ពុជា-ថៃ ថ្មី​មួយ​ទៀត​នៅ​ឯ​ខេត្តពោធិ៍សាត់ ដើម្បី​បង្កើន​កិច្ច​សហប្រតិបត្តិការ​ពាណិជ្ជកម្ម និង​ជំរុញ​ដល់​វិស័យ​ទេសចរណ៍​នៃ​ប្រទេស​ទាំង ២ បន្ថែម​មួយ​កម្រិត​ទៀត។

ថ្លែង​នៅ​ក្នុង​កិច្ច​ប្រជុំ​ក្រុម​ការងារ​បច្ចេកទេស​ក្រសួង​ពិនិត្យ​គម្រោង​សាងសង់​ច្រក​ព្រំដែន​អន្តរជាតិ ថ្មដា ខេត្ត​ពោធិ៍សាត់ កាល​ពី​ថ្ងៃ​ទី ១០ ខែកុម្ភៈ​នេះ រដ្ឋមន្ត្រី​ក្រសួង​សាធារណការ និង​ដឹក​ជញ្ជូន លោក ស៊ុន ចាន់ថុល បាន​មាន​ប្រសាសន៍​ថា គម្រោង​សាងសង់​ច្រកព្រំ​ដែន​អន្តរជាតិ​ថ្មដា ដើម្បី​បើក​ច្រក​ព្រំដែន​អន្តរជាតិ​រវាង​ កម្ពុជា-ថៃ សំដៅ​បង្កើន​កិច្ច​សហប្រតិបត្តិការ​ពាណិជ្ជកម្ម និង​ទេសចរណ៍​រវាង​ប្រទេស​ទាំង២។

ក្រសួង​សាធារណការ បាន​ឱ្យ​ដឹង​ថា រាជរដ្ឋាភិបាល​គ្រោង​នឹង​បើក​ច្រក​នេះ​តាម​រយៈការ​សាងសង់​ហេដ្ឋារចនា​សម្ព័ន្ធ​នានា​រួម​មាន អគារ​អន្តោប្រវេសន៍ អគារគយ និង​រដ្ឋាករ​សម្រាប់​ត្រួត​ពិនិត្យ​រួម ចំណត​សម្រាប់​ផ្ទេរ​ទំនិញ​ឆ្លង​កាត់ ‌‌ឃ្លាំង​ទីលាន​កុងតឺន័រ និង​អគារ​រដ្ឋបាល និងសំណង់​អគារ​អន្តេវាសិកដ្ឋាន ដើម្បី​បើក​ឱកាស​ឱ្យ​បាន​ទូលំទូលាយ​ដល់​កិច្ច​សហប្រតិបត្តិការ​អន្តរជាតិ ការ​វិនិយោគ ការ​ធ្វើ​ពាណិជ្ជកម្ម​ឆ្លងកាត់​ព្រំដែន។

គម្រោង ក៏​នឹង​បង្កើត​ការងារ​ធ្វើ និង​ការ​ទាក់ទាញ​ភ្ញៀវ​ទេសចរ​សំដៅ​លើក​កម្ពស់​សេដ្ឋកិច្ច​គ្រួសារ និង​សង្គមជាតិ​នៃ​ប្រជាជាតិ​ទាំង​​ ២ ផងដែរ ខណៈ​ច្រក​ព្រំដែន​នេះ​មាន​ទីតាំង​ស្ថិត​នៅ​ក្នុង​ឃុំ​ថ្មដា ស្រុក​វាលវែង ខេត្ត​ពោធិ៍សាត់​ជាប់​ព្រំដែន​ជាមួយ​ខេត្ត​ត្រាត ប្រទេសថៃ៕

អត្ថបទគួរចាប់អារម្មណ៍