The Phnom Penh Post Search

Search form




Logo of Phnom Penh Post newspaper Phnom Penh Post - លោក ស ខេង ជំរុញ​ឱ្យ​អាជ្ញាធរ​ខេត្ត​បាត់ដំបង​គ្រប់​លំដាប់​ថ្នាក់ ដោះស្រាយ​ទំនាស់​ដីធ្លី​ប្រកប​ដោយ​តម្លាភាព និង​យុត្តិធម៌

លោក ស ខេង ជំរុញ​ឱ្យ​អាជ្ញាធរ​ខេត្ត​បាត់ដំបង​គ្រប់​លំដាប់​ថ្នាក់ ដោះស្រាយ​ទំនាស់​ដីធ្លី​ប្រកប​ដោយ​តម្លាភាព និង​យុត្តិធម៌

Content image - Phnom Penh Post
លោក​ឧបនាយក​រដ្ឋ​មន្ត្រី ស ខេង រដ្ឋមន្ត្រី​ក្រសួង​មហាផ្ទៃ។ ហ្វេសប៊ុក

លោក ស ខេង ជំរុញ​ឱ្យ​អាជ្ញាធរ​ខេត្ត​បាត់ដំបង​គ្រប់​លំដាប់​ថ្នាក់ ដោះស្រាយ​ទំនាស់​ដីធ្លី​ប្រកប​ដោយ​តម្លាភាព និង​យុត្តិធម៌

បាត់ដំបងៈ លោក ស ខេង ជំរុញ​ឱ្យ​អាជ្ញាធរ​ខេត្ត​បាត់ដំបង​គ្រប់​លំដាប់​ថ្នាក់ ដោះស្រាយ​ទំនាស់​ដីធ្លី​ប្រកប​ដោយ​តម្លាភាព និង​យុត្តិធម៌ ព្រម​ទាំង​បម្រើ​សេវា​សាធារណៈ​ជូន​ប្រជាពលរដ្ឋ​បាន​ល្អ​ប្រសើរ ពិសេស​ក្រុមប្រឹក្សា​ឃុំសង្កាត់ ស្មៀន​ឃុំ​សង្កាត់ ប៉ុស្តិ៍​រដ្ឋបាល​ឃុំ​សង្កាត់ និងមេភូមិ។

លោក​ឧបនាយក​រដ្ឋ​មន្ត្រី ស ខេង រដ្ឋមន្ត្រី​ក្រសួង​មហាផ្ទៃ ក៏​បាន​ជំរុញ​ឱ្យ​ថ្នាក់​ដឹកនាំ និង​សមាជិក​សមាជិការ​គណបក្ស​ដែល​ស្ថិត​ក្នុង​មុខតំណែង​សាធារណៈ​ផ្សេងៗ​នៅ​តាម​មូលដ្ឋាន​ខេត្ត​បាត់ដំបង ឱ្យ​បន្ត​ខិតខំ​បំពេញ​ភារកិច្ច​បម្រើ​ប្រជាពលរដ្ឋ​ឱ្យ​បាន​ល្អ រួម​គ្នា​ដោះស្រាយ​ភាព​អសកម្ម​ទាំងឡាយ​ដែល​ប៉ះពាល់​ដល់​ប្រយោជន៍​ជាតិ និងប្រជាជន។

ក្នុងនោះរាប់​ទាំង​ការ​ដោះស្រាយ​បញ្ហា​រំលោភ​ដីព្រៃ​លិចទឹក​ជាប់​បឹង​ទន្លេសាប ចាប់​ពី​ស្រុក​មោងឬស្សី ស្រុក​សង្កែ ស្រុក​ឯកភ្នំ និង​ស្រុក​ថ្មគោល។ លោក ស ខេង បាន​ណែនាំ​ឱ្យ​ផ្ដល់​ព័ត៌មាន​ជូន​លោក​អំពី​បញ្ហា​នេះ ដើម្បី​ចូលរួម​ចំណែក​ជំរុញ​ការ​ដោះស្រាយ​ទៅ​តាម​យន្តការ​ដែលអាច​ធ្វើ​ទៅ​បាន។

រដ្ឋមន្ត្រីក្រសួង​មហាផ្ទៃ បាន​ជំរុញ​បែប​នេះ ក្នុង​សន្និបាត​បូក​សរុប​សកម្មភាព​ការងារ​ប្រចាំ​ឆ្នាំ ២០២១ និង​លទ្ធផល​អនុវត្ត​ផែនការ​រួម​ឆ្ពោះ​ទៅ​កាន់​ការ​បោះឆ្នោត​ជ្រើសរើស​ក្រុម​ប្រឹក្សា​ឃុំ សង្កាត់ អាណត្តិទី​៥ ឆ្នាំ ២០២២ និង​លើក​ទិសដៅ​អនុវត្ត​ឆ្នាំ ២០២២ របស់​គណៈកម្មាធិការគណបក្ស​ប្រជាជន​កម្ពុជា ខេត្ត​បាត់ដំបង នៅ​ថ្ងៃ​ទី​១៩ ខែ​កុម្ភៈ​នេះ។

ជាមួយគ្នា​នោះ លោក ស ខេង ក៏​បាន​ជំរុញ​ឱ្យ​ខិតខំ​បម្រើ​សេវា​សាធារណៈ​ជូន​ប្រជាពលរដ្ឋ​បាន​ល្អ​ប្រសើរ ពិសេស​ក្រុម​ប្រឹក្សា​ឃុំ​សង្កាត់ ស្មៀន​ឃុំ​សង្កាត់ ប៉ុស្តិ៍​រដ្ឋបាល​ឃុំសង្កាត់ និង​មេភូមិ។ បន្ថែម​លើ​នោះ លោក​ក៏​បាន​ផ្ដល់​អនុសាសន៍​ជំរុញ​ការ​ដោះស្រាយ​ទំនាស់​ដីធ្លីប្រកប​ដោយ​តម្លាភាព និង​យុត្តិធម៌៕

អត្ថបទគួរចាប់អារម្មណ៍