The Phnom Penh Post Search

Search form




Logo of Phnom Penh Post newspaper Phnom Penh Post - អភិបាល​ខេត្តតាកែវ​នាំយក​អំណោយ​មនុស្សធម៌​កាកបាទ​ក្រហមកម្ពុជា​ទៅ​ចែកជូន​ស្ដ្រី​ទើប​សម្រាលកូន​ចំនួន ៤០ ​នាក់ ដែល​កំពុង​សម្រាក​នៅ​មន្ទីរពេទ្យបង្អែក​ខេត្ត

អភិបាល​ខេត្តតាកែវ​នាំយក​អំណោយ​មនុស្សធម៌​កាកបាទ​ក្រហមកម្ពុជា​ទៅ​ចែកជូន​ស្ដ្រី​ទើប​សម្រាលកូន​ចំនួន ៤០ ​នាក់ ដែល​កំពុង​សម្រាក​នៅ​មន្ទីរពេទ្យបង្អែក​ខេត្ត

Content image - Phnom Penh Post
អភិបាល​ខេត្តតាកែវ​នាំយក​អំណោយ​មនុស្សធម៌​កាកបាទ​ក្រហម​កម្ពុជា​ទៅ​ចែកជូន ស្ដ្រី​ទើប​សម្រាលកូន​ចំនួន ៤០ ​នាក់ ដែល​កំពុង​សម្រាក​នៅ​មន្ទីរពេទ្យបង្អែក​ខេត្ត និង​មន្ទីរពេទ្យបង្អែក​អង្គរកា នៅ​ថ្ងៃទី​ ២៦ ខែកុម្ភៈ​នេះ។ រដ្ឋបាលខេត្តតាកែវ

អភិបាល​ខេត្តតាកែវ​នាំយក​អំណោយ​មនុស្សធម៌​កាកបាទ​ក្រហមកម្ពុជា​ទៅ​ចែកជូន​ស្ដ្រី​ទើប​សម្រាលកូន​ចំនួន ៤០ ​នាក់ ដែល​កំពុង​សម្រាក​នៅ​មន្ទីរពេទ្យបង្អែក​ខេត្ត

តាកែវៈ អភិបាល​ខេត្តតាកែវ​នាំយក​អំណោយ​មនុស្សធម៌​កាកបាទ​ក្រហម​កម្ពុជា​ទៅ​ចែកជូន ស្ដ្រី​ទើប​សម្រាលកូន​ចំនួន ៤០ ​នាក់ ដែល​កំពុង​សម្រាក​នៅ​មន្ទីរពេទ្យបង្អែក​ខេត្ត និង​មន្ទីរពេទ្យបង្អែក​អង្គរកា នៅ​ថ្ងៃទី​ ២៦ ខែកុម្ភៈ​នេះ​ ដើម្បី​អបអរសាទរ​ទិវា​ជាតិ សុខភាព​មាតា ទារក និង​កុមារ ២១ កុម្ភៈ​។

លោក អ៊ូច ភា អភិបាលខេត្ត និង​ជា​ប្រធាន​គណៈកម្មាធិការ​សាខា​កាកបាទ​ក្រហមកម្ពុជា​ខេត្តតាកែវ រួម​ដំណើរ​ដោយ​លោក លោកស្រី សមាជិក សមាជិកា នាយក​ប្រតិបត្តិ​សាខា និង អភិបាលក្រុង​ដូនកែវ រួម​ជាមួយ​មន្ត្រី​ពាក់ព័ន្ធ​បាន​អញ្ជើញ​ចុះសួរសុខទុក្ខ និង​នាំយក​ឃីត ព្រមទាំង​ថវិកា​កាកបាទ​ក្រហមកម្ពុជា​មួយ​ចំនួន​ផ្ដល់​ជូន​ស្ដ្រី​ទើប​សម្រាលកូន​ចំនួន ៤០ ​នាក់ ដែល​កំពុង​សម្រាក​នៅ​មន្ទីរពេទ្យបង្អែក​ខេត្ត និង​មន្ទីរពេទ្យបង្អែក​អង្គរកា​។

លោក​អភិបាលខេត្ត​បានឱ្យ​ដឹងថា ការផ្តល់ជូន​នេះ​ដើម្បី​ចូលរួម​អបអរសាទរ​ទិវា​ជាតិ សុខភាព​មាតា ទារក និង​កុមារ ២១ កុម្ភៈ ឆ្នាំ​ ២០២២ ក្រោម​ប្រធានបទ «​ពង្រឹង​ការផ្តល់សេវា​សុខភាព​បន្ត​ពូជ សុខភាព​មាតា ទារក និង​កុមារ និង​ការផ្តល់​វ៉ាក់សាំង​បង្ការ​ជំងឺ​កូវីដ​ ១៩ ជូន​ស្ត្រី​មាន​ផ្ទៃពោះ និង​មាតា​កំពុង​បំបៅកូន​ដោយ​ទឹកដោះ​ម្តាយ​»​។

លោក អ៊ូច ភា ប្រធាន​គណៈកម្មាធិការ​សាខា កាកបាទ​ក្រហម​កម្ពុជា​ខេត្តតាកែវ​បាន​ពាំនាំ​នូវ​ការផ្តាំផ្ញើ​សួរសុខទុក្ខ និង​ក្តី​នឹករឭក​ពី​សំណាក់ លោកស្រី ប៊ុន រ៉ានី ហ៊ុនសែន ប្រធាន​កាកបាទ​ក្រហម​កម្ពុជា ឥស្សរជន​ឆ្នើម​ថ្នាក់ជាតិ​នៃ​ផែនការ សកម្មភាព​រួម​អគ្គលេខាធិការ​អង្គការ​សហប្រជាជាតិ ដើម្បី​សុខភាព​ស្ត្រី និង​កុមារ និង​ជា​ឥស្សរជន​ឆ្នើម​ថ្នាក់ជាតិ​នៃ​វេទិកាភាព​ជា​អ្នកដឹកនាំ​តំបន់​អាស៊ី​-​ប៉ាស៊ីហ្វិក ឆ្លើយតប​មេរោគ​អេដស៍ ជំងឺអេដស៍ និង​ការ​អភិវឌ្ឍ​នៅ​កម្ពុជា មក​ជម្រាបជូន​បងប្អូន​ស្ត្រី​។ លោក​ក៏បាន​ណែនាំ​ឱ្យ​បងប្អូន​រៀន​រស់នៅ​តាម​គន្លង​ថ្មី ៣​ កុំ ៣ ​ការពារ ក្នុង​បរិបទ​នៃ​ជំងឺ​កូវីដ​ ១៩ ផងដែរ​។

លោក​បញ្ជាក់ដែរថា៖ «​អំណោយ​មនុស្សធម៌​ដែល​បាន​យកមក​ផ្ដល់ជូន​ដល់​ស្ត្រី​ទើប​សម្រាលកូន​រួមមាន​៖ សារុង​ ១ ទឹកដោះគោ ២ ​កំប៉ុង ស្ករស ១ ​គីឡូក្រាម សាប៊ូ ១ ​កញ្ចប់ ម្សៅ​កូនក្មេង​ ១ ​កំប៉ុង ខោអាវ​ទារក ១​ សម្រាប់ និង​ថវិកា​ចំនួន​ ២ ​ម៉ឺន​រៀល​ផងដែរ​»៕

អត្ថបទគួរចាប់អារម្មណ៍