The Phnom Penh Post Search

Search form




Logo of Phnom Penh Post newspaper Phnom Penh Post - តុលាការ​កំពុង​សាកសួរ​ជនសង្ស័យ ​៤ ​នាក់ ​ពាក់ព័ន្ធ​ការជួញដូរ​គ្រឿងញៀន​ជិត​ ៦៥​ គីឡូ​

តុលាការ​កំពុង​សាកសួរ​ជនសង្ស័យ ​៤ ​នាក់ ​ពាក់ព័ន្ធ​ការជួញដូរ​គ្រឿងញៀន​ជិត​ ៦៥​ គីឡូ​

Content image - Phnom Penh Post
ជនសង្ស័យ ​៤ ​នាក់ ​ពាក់ព័ន្ធ​ការជួញដូរ​គ្រឿងញៀន​ជិត​ ៦៥​ គីឡូ​។ រូបថត ប៉ូលិស

តុលាការ​កំពុង​សាកសួរ​ជនសង្ស័យ ​៤ ​នាក់ ​ពាក់ព័ន្ធ​ការជួញដូរ​គ្រឿងញៀន​ជិត​ ៦៥​ គីឡូ​

​ភ្នំពេញៈ សាលាដំបូង​រាជ​ធានី​ភ្នំពេញ​ កំពុង​សាកសួរជន​សង្ស័យ​ចំនួន ៤ ​នាក់ ដែលមាន​ជនជាតិខ្មែរ​ម្នាក់ និង​ជនជាតិ ថៃ​ចំនួន ៣ ពាក់ព័ន្ធ​នឹង​ការ​​ជួញដូរ​គ្រឿងញៀន​ជិត ៦៥ គីឡូក្រាម និង​ប្រើប្រាស់​អាវុធ ៣​ ដើម​ដោយ​ខុសច្បាប់​។​

​លោក ផ្ល​ង់ សុផល អ្នកនាំពាក្យ​អយ្យការ​អម​សាលាដំបូង​រាជធានី​ភ្នំពេញ​ប្រាប់ ​ភ្នំពេញ ​ប៉ុស្តិ៍ ​នៅ​ថ្ងៃទី ​៧ ​មីនា​ថា តំណាង​អយ្យ​​ការនឹង​បន្ត​នីតិវិធី ក្នុងការ​ស្តាប់​ចម្លើយ​ជនសង្ស័យ​ទាំង​ទាំង ៤​នាក់​ ដោយមាន​ការបកប្រែ​ភាសា​ផងដែរ​។

លោក​បន្តថា៖ «ដូច្នេះ​ខ្ញុំ​នឹង​ជូន​ព័ត៌មាន​នៅពេលដែល​តំណាង​អយ្យការ​មាន​ចំណាត់​​ការ​ចុងក្រោយ​»​។

​លោក អ៊ិ​ន សុង នាយករង​មន្ទីរ​ប្រឆាំង​គ្រឿងញៀន នៃ​អគ្គ​ស្នងការដ្ឋាន​នគរបាល​ជាតិ​ថ្លែង​នៅ​ថ្ងៃទី ​៧ ​មីនា​ថា ក្រោយ​សមត្ថ​​កិច្ច​ជំនាញ​មន្ទីរ​ប្រឆាំង​គ្រឿង​​ញៀន​ចាប់ខ្លួន​ជនសង្ស័យ ៤​ នាក់ រឹបអូស​គ្រឿងញៀន​ជិត ៦៥ គីឡូក្រាម និង​អាវុធ ៣ ​ដើម រួចមក​ត្រូវបាន​បញ្ជូនទៅ​សាលាដំបូង​រាជធានី​ភ្នំពេញ​នៅ​ថ្ងៃទី ​៧ ខែកុម្ភៈ​។ ជនសង្ស័យ​ ៤​ នាក់ សុទ្ធតែ​ភេទ​ប្រុស រួមមាន​ ១ ទិន ទី អាយុ ៣១ ​ឆ្នាំ ជនជាតិខ្មែរ​ (​មាន​ដីកាចាប់ខ្លួន​)​ មាន​គ្រឿង​ញៀន​ជាង ​៦០ ​គីឡូ ដែល​ចាប់បាន​។ ២ ដាវ ឌី​ឌឹ​ន ​(DAV DE DAN) អាយុ ​២២ ​ឆ្នាំ ជនជាតិថៃ​។ ៣ វ៉ាន់​ឆៃ លឿង​ផូ​ត (VANCHAI LOEUNG PKUOUCH) អាយុ​ ៣៣​ ឆ្នាំ ជនជាតិថៃ និង​ទី​៤ មង្គល សុខ​ហម (MONG SOKHORM) អាយុ​ ៤១ ​ឆ្នាំ ជនជាតិ​ថៃ​។​

​តាម​របាយការណ៍​រប​ស់​មន្ទីរ​ប្រឆាំង​គ្រឿងញៀនបានឱ្យដឹងថា កាលពី​ថ្ងៃទី ​៣ ខែ មីនា ឆ្នាំ ​២០២២ វេលា​ម៉ោង ១៣:១០ នាទី កម្លាំង​ជំនាញ​នៃ​មន្ទីរ​ប្រឆាំង​គ្រឿងញៀន​ (​ក​១១) ព្រមទាំង មានការ​សម្របសម្រួល​ពី​លោក​ សាយ ណូ​រ៉ា ព្រះរាជអាជ្ញារងនៃ​អយ្យការ​អម​សាលាដំបូង​រាជ​ធានី​ភ្នំពេញ បានធ្វើការ​ស៊ើប​អង្កេត​ស្រាវជ្រាវ បង្ក្រាប​បទល្មើស​គ្រឿងញៀន ២ ​គោលដៅ​ផ្សេងគ្នា​។

របាយការណ៍​នេះ​បន្តថា គោលដៅ​ទី​១ នៅ​ចំណុចស្ថានីយ​ប្រេង​ឥន្ទ​ន​:​តេ​លា ផ្លូវ​បេតុង ស្ថិតក្នុង ភូមិ​ជម្ពូ​វ័ន​សង្កាត់​ចោមចៅ​ ៣ ​ខណ្ឌ​ពោធិ៍​សែន​ជ័យ រាជធានី​ភ្នំពេញ ចាប់បាន​ជនសង្ស័យ ម្នាក់​ឈ្មោះ ទិន ទី រឹបអូស​រថយន្ត ​១ ​គ្រឿង និង​គ្រឿងញៀន​ប្រមាណ​ជាង​ ៦០ ​គីឡូក្រាម​។ គោលដៅ​ទី​២ នៅវេលា​ម៉ោង​ ១៤:៣០ ​នាទី ថ្ងែ ខែ ឆ្នាំ​ដដែល សមត្ថកិច្ច​បាន​ទៅ​ឃាត់​រថយន្ត ​០២ គ្រឿង​ជន​​សង្ស័យ ​០៣ ​នាក់ និងអាវុធ ​៣ ​ដើម​ (វែង​ ១ ​ដើម ខ្លី ​២ ​ដើម) នៅ​ចំណុច បូរី​ពិភពថ្មី ផ្លូវ ​១៥ B សង្កាត់​កំបូល ខណ្ឌ​កំបូល រាជ​ធានី​ភ្នំពេញ​៕​

អត្ថបទគួរចាប់អារម្មណ៍