កម្ពុជា រៀបចំពិធីរំឭកខួប ៣០ ឆ្នាំ នៃវរសេនាតូចលេខ ២៤៦ អតីតយោធាក្រុងភ្នំពេញ ដែលបានបំពេញបេសកកម្មជាប្រវត្តិសាស្ត្រ ក្នុងការការពារសុវត្ថិភាពជូនលោកនាយករដ្ឋមន្ត្រី ហ៊ុន សែន និងក្រុមគ្រួសារ។
លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការកងទ័ពជើងគោក នៅព្រឹកថ្ងៃសៅរ៍ ទី ១២ ខែមីនា ឆ្នាំ ២០២២ បានអញ្ជើញជាអធិបតីក្នុងពិធីរំឭកខួបអនុស្សាវរីយ៍គម្រប់ ៣០ ឆ្នាំ ថ្ងៃបំពេញបេសកកម្មជាប្រវត្តិសាស្ត្ររបស់វរសេនាតូចលេខ ២៤៦ អតីតយោធាក្រុងភ្នំពេញ ដែលបានមកធ្វើភារកិច្ចការពារសន្តិសុខសុវត្ថិភាពជូនសម្តេចតេជោ ហ៊ុន សែន នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ព្រមទាំងក្រុមគ្រួសារ។ នេះបើតាមហ្វេសប៊ុករបស់លោក ហ៊ុន ម៉ាណែត៕