.jpg)
ក្រសួងសុខាភិបាលប្រកាសហាមឃាត់ ចែកចាយ ឫលក់ស្រៃ្ពបាញ់ច្រមុះ ដែលគ្មានលេខបញ្ជិកា និងគ្មានការទទួលស្គាល់ពីក្រសួងសុខាភិបាល។
ផលិតផលចំនួន ២ ដែលបានផ្សព្វផ្សាយលក់តាមបណ្តាញសង្គមហ្វេសប៊ុក ត្រូវបានក្រសួងសុខាភិបាល ជូនដំណឹងហាមឃាត់ការចែកចាយ ឬលក់ ស្ព្រៃបាញ់ច្រមុះម៉ាក BIDU QING និង Suai ដែលគ្មានលេខបញ្ជិកាពីក្រសួងសុខាភិបាល។
ក្រសួងសុខាភិបាលបានឱ្យដឹងថា តាមការពិនិត្យឃើញលើបណ្តាញសង្គមហ្វេសប៊ុកមានគណនីឈ្មោះថ្នាំព្យាបាល អាឡែកហ្ស៊ីច្រមុះ កំពុងផ្សព្វផ្សាយលក់ស្ព្រៃបាញ់ច្រមុះ BIDU QING និង Suai គ្មានលេខបញ្ចិកា និងគ្មានច្បាប់អនុញ្ញាតឱ្យផ្សព្វផ្សាយពីក្រសួងសុខាភិបាល គិតត្រឹមថ្ងៃទី ០៧ ខែមីនា ឆ្នាំ ២០២២។
អនុលោមតាមច្បាប់ស្តីពីការគ្រប់គ្រងឱសថ និងច្បាប់ស្តីពីវិសោធនកម្មច្បាប់ស្តីពីការគ្រប់គ្រងឱសថតម្រូវឱ្យរាល់ការចរាចរឱសថ ឬផលិតផលដែលមានគុណភាពក្នុងការបង្ការ ឬ ព្យាបាលជំងឺគ្រប់ប្រភេទក្នុងព្រះរាជាណាចក្រកម្ពុជាត្រូវមានលេខទិដ្ឋាការ ឬបញ្ចិកា ពីក្រសួងសុខាភិបាលហើយរាល់ការផ្សព្វផ្សាយផលិតផលទាំងនេះត្រូវមានការអនុញ្ញាតពីក្រសួងសុខាភិបាល។
ក្រសួងសុខាភិបាលបានបញ្ជាក់ថា៖ «ដើម្បីចៀសវាងការខាតបង់ប្រាក់កាស និងប៉ះពាល់ដល់សុខភាពអ្នកប្រើប្រាស់ទៀតនោះ ប្រជាពលរដ្ឋទាំងអស់ត្រូវបញ្ឈប់ការប្រើប្រាស់ ឱសថ គ្មានលេខទិដ្ឋាការ ឬបញ្ឆិកាពីក្រសួងសុខាភិបាលបន្តទៀត ព្រោះផលិតផល នេះគ្មានប្រភពច្បាស់លាស់ ដែលមិនអាចធានាបាននូវគុណភាព និងសុវត្ថិភាពបានឡើយ»។
ក្រសួងសុខាភិបាលនឹងមានវិធានការតឹងរ៉ឹងទៅតាមផ្លូវច្បាប់ចំពោះម្ចាស់គណនីហ្វេសប៊ុកទាំងនេះ និងជនពាក់ព័ន្ធដទៃទៀតដែលបាននិងកំពុងផ្សព្វផ្សាយលក់ឱសថទាំងនេះទៅតាមច្បាប់ស្តីពីច្បាប់វិសោធនកម្មច្បាប់ស្តីពីការគ្រប់គ្រងឱសថជាធរមាន៕
វីដេអូ៖
