.jpg)
ការនាំអ្នកឆ្លងកូវីដប្រភេទអូមីក្រុងនៅភ្នំពេញទៅព្យាបាលកន្លងមក ។ រូបថត ហ្វេសប៊ុក
ភ្នំពេញៈក្រសួងសុខាភិបាលបានប្រកាសរកឃើញអ្នកឆ្លងវីរុសកូវីដ ១៩ ចំនួនជិត ១០០ នាក់បន្ថែទៀត ដែលសុទ្ធតែជាករណីប្រភេទអូមីក្រុង និងមានអ្នកជាសះស្បើយជាង ១០០ នាក់ និងមានអ្នកស្លាប់ដោយសារជំងឺកូវីដ ១៩ ចំនួនម្នាក់ទៀតផងដែរ។
យោងតាមសេចក្តីប្រកាសរបស់ក្រសួងសុខាភិបាលនៅថ្ងៃទី ២០ ខែមីនា ឆ្នាំ ២០២២ នេះ បានឱ្យដឹងថា មនុស្សចំនួន ៩៧ នាក់បន្ថែមទៀតបានរកឃើញឆ្លងវីរុសកូវីដ ១៩ ប្រភេទអូមីក្រុង និងមានអ្នកជាសះស្បើយ ចំនួន ១៥២ នាក់។ការរកឃើញឆ្លងនេះមានរកឃើញឆ្លងសហគមន៍ ចំនួន ៨៨នាក់ និងអ្នកដំណើរពីបរទេស ចំនួន៩នាក់។
គិតត្រឹមព្រឹក ថ្ងៃទី ២០ ខែមីនា ឆ្នាំ ២០២២ កម្ពុជាមានអ្នកឆ្លងវីរុសកូវីដ ១៩ សរុបចំនួន ១៣៤ ៩៨៦ នាក់ អ្នកជាសះស្បើយ សរុបចំនួន ១៣០ ៩៥៦ នាក់ និងអ្នកស្លាប់ចំនួន ៣ ០៥១ នាក់៕
