.jpg)
គ្រូពេទ្យមកទទួលអ្នកជំងឺកូវីដ ១៩ ទៅទទួលការព្យាបាលនាពេលកន្លងទៅ។ រូបថត ហ្វេសប៊ុក
ភ្នំពេញៈ ក្រសួងសុខាភិបាលបានប្រកាសរកឃើញអ្នកឆ្លងវីរុសកូវីដ ១៩ ជិត ១០០ នាក់ បន្ថែមទៀតដែលសុទ្ធតែជាករណីប្រភេទអូមីក្រុង និងមានអ្នកជាសះស្បើយជិត ១០០ នាក់ ហើយក៏បានរកឃើញអ្នកស្លាប់ដោយសារជំងឺនេះចំនួនម្នាក់ទៀតផងដែរ។
យោងតាមសេចក្តីប្រកាសរបស់ក្រសួងសុខាភិបាលនៅថ្ងៃទី ២១ ខែ មីនា ឆ្នាំ ២០២២ នេះ បានឱ្យដឹងថា មនុស្សចំនួន ៩៩ នាក់បន្ថែមទៀត បានរកឃើញឆ្លងវីរុសកូវីដ ១៩ ប្រភេទអូមីក្រុង
និងមានអ្នកជាសះស្បើយ ចំនួន ៨២ នាក់។ ការរកឃើញឆ្លងនេះ មានរកឃើញឆ្លងសហគមន៍ ចំនួន ៩២ នាក់ និងអ្នកដំណើរពីបរទេសចំនួន ៧ នាក់។
គិតត្រឹមព្រឹកថ្ងៃទី ២១ ខែ មីនា ឆ្នាំ ២០២២ កម្ពុជាមានអ្នកឆ្លងវីរុសកូវីដ ១៩ សរុបចំនួន ១៣៥ ០៨៥ នាក់ អ្នកជាសះស្បើយ សរុបចំនួន ១៣១ ០៣៨ នាក់ និងអ្នកស្លាប់កើនដល់ចំនួន ៣ ០៥២ នាក់៕
