.jpg)
កម្ពុជារកឃើញអ្នកឆ្លងកូវីដ និង អ្នកជាសះស្បើយជាង ៧០ នាក់ដូចគ្នា តែគ្មានអ្នកស្លាប់ថ្មីទេ។ ហុង មិនា
ភ្នំពេញៈក្រសួងសុខាភិបាលបានប្រកាសរកឃើញអ្នកឆ្លងវីរុសកូវីដ១៩ ជាង ៧០នាក់ បន្ថែមទៀតដែលសុទ្ធតែជាប្រភេទវីរុសបំប្លែងថ្មីអូមីក្រុងទាំងអស់ និង មានអ្នកជាសះស្បើយបន្ថែមរហូតជាង ៧០ នាក់ដូចគ្នាផងដែរ ប៉ុន្តែមិនមានអ្នកស្លាប់ថ្មីដោយសារមេរោគកូវីដ១៩ អូមីក្រុងនេះឡើយ។
យោងតាមសេចក្តីប្រកាសរបស់ក្រសួងសុខាភិបាល នៅថ្ងៃទី២២ ខែមីនា ឆ្នាំ២០២២ បានបញ្ជាក់ថា មនុស្សចំនួន ៧៣ នាក់ទៀតមានឆ្លងវីរុសកូវីដ១៩ និងមានអ្នកជាសះស្បើយចំនួន ៧២ នាក់។ ការរកឃើញនេះមានករណីឆ្លងសហគមន៍ ចំនួន ៦៥ នាក់ និងអ្នកដំណើរពីបរទេសចំនួន៨នាក់។
គិតត្រឹមព្រឹកថ្ងៃទី២២ ខែមីនា ឆ្នាំ២០២២ កម្ពុជាមានអ្នកឆ្លងវីរុសកូវីដ១៩ សរុបទូទាំងប្រទេសចំនួន ១៣៥ ១៥៨ នាក់ អ្នកជាសះស្បើយ សរុបចំនួន ១៣១ ១១០ នាក់ និងអ្នកស្លាប់មានចំនួន ៣ ០៥២នាក់៕
