.jpg)
ក្រសួងសុខាភិបាលរកឃើញអ្នកឆ្លងកូវីដ ១៩ ចំនួន ៦៤ នាក់ទៀត ខណៈអ្នកជាសះស្បើយ ៥១ នាក់ និងគ្មានអ្នកស្លាប់ដោយសារជំងឺនេះទេ នាថ្ងៃនេះ។ ហ្វេសប៊ុក
ភ្នំពេញៈ ក្រសួងសុខាភិបាលបានប្រកាសរកឃើញអ្នកឆ្លងវីរុសកូវីដ ១៩ បន្ថែមទៀតជាង ៦០ នាក់ ដែលសុទ្ធតែជាប្រភេទវីរុសបំប្លែងថ្មីអូមីក្រុងទាំងអស់ ហើយក៏មានអ្នកជាសះស្បើយបន្ថែមរហូតជាង ៥០ នាក់ផងដែរ និងមិនមានអ្នកស្លាប់ដោយសារមេរោគកូវីដ ១៩ អូមីក្រុងនេះឡើយ នាថ្ងៃទី ២៣ មីនានេះ។
យោងតាមសេចក្តីប្រកាសរបស់ក្រសួងសុខាភិបាលនៅថ្ងៃទី ២៣ មីនា ឆ្នាំ ២០២២ បានបញ្ជាក់ថា មនុស្សចំនួន ៦៤ នាក់ទៀត បានឆ្លងវីរុសកូវីដ ១៩ និងមានអ្នកជាសះស្បើយចំនួន ៥១ នាក់។ ការរកឃើញនេះមានករណីឆ្លងក្នុងសហគមន៍ចំនួន ៦៤ នាក់ ដោយមិនមានការរកឃើញអ្នកឆ្លងមេរោគនេះពីអ្នកដំណើរមកពីបរទេសឡើយ។
គិតត្រឹមព្រឹកថ្ងៃទី ២៣ ខែ មីនា ឆ្នាំ ២០២២ កម្ពុជាមានអ្នកឆ្លងវីរុសកូវីដ ១៩ ទូទាំងប្រទេសចំនួន ១៣៥ ២២២ នាក់ អ្នកជាសះស្បើយចំនួន ១៣១ ១៦១ នាក់ និងអ្នកស្លាប់មានចំនួន ៣ ០៥២ នាក់៕
