.jpg)
អភិបាលខេត្តព្រៃវែង លោក ជា សុមេធី បានបើកកិច្ចពិភាក្សាដើម្បីត្រៀមលក្ខណៈរៀបចំពិធីបុណ្យចូលឆ្នាំថ្មីប្រពៃណីជាតិខ្មែរនាខែមេសាខាងមុខនេះ បន្ទាប់ពីបានអាក់ខានប្រារព្ធពិធីចំនួន ២ ឆ្នាំកន្លងទៅ ដោយសារការឆ្លងរាតត្បាតដ៏កាចសាហាវនៃជំងឺកូវីដ ១៩ នេះ។ រដ្ឋបាលខេត្តព្រៃវែង
អភិបាលខេត្តព្រៃវែង លោក ជា សុមេធី បានបើកកិច្ចពិភាក្សាដើម្បីត្រៀមលក្ខណៈរៀបចំពិធីបុណ្យចូលឆ្នាំថ្មីប្រពៃណីជាតិខ្មែរនាខែមេសាខាងមុខនេះ បន្ទាប់ពីបានអាក់ខានប្រារព្ធពិធីចំនួន ២ ឆ្នាំកន្លងទៅ ដោយសារការឆ្លងរាតត្បាតដ៏កាចសាហាវនៃជំងឺកូវីដ ១៩ នេះ។
យោងតាមរដ្ឋបាលខេត្តព្រៃវែងបានឱ្យដឹងថា អភិបាលខេត្តបានបង្កើតក្រុមការងារ ដើម្បីធ្វើការរៀបចំព្រឹត្តិការណ៍សង្ក្រាន្តឆ្នាំនេះ ដោយត្រូវរៀបចំឱ្យមានលក្ខណៈល្អប្រសើរបំផុត ដើម្បីបង្កើតបរិយាកាសសប្បាយរីករាយដល់ប្រជាពលរដ្ឋដែលមកទស្សនាក្នុងព្រឹត្តិការណ៍នេះ ឱ្យមានភាពអធិកអធម។
ខេត្តព្រៃវែងក៏នឹងមានការរៀបចំនូវពិធីទទួលទេវតាឆ្នាំថ្មី និងកម្មវិធីផ្សេងៗជាច្រើនទៀត បន្ទាប់ពីបានអាក់ខានប្រារព្ធពិធីចំនួន ២ ឆ្នាំកន្លងទៅ ដោយសារការឆ្លងរាតត្បាតដ៏កាចសាហាវនៃជំងឺកូវីដ ១៩ នេះ។
បើតាមរដ្ឋបាលខេត្តព្រៃវែងបានបញ្ជាក់ថា ក្រុមការងាររៀបចំព្រឹត្តិការណ៍ឆ្នាំថ្មីព្រៃវែង ឆ្នាំ ២០២២ មានសមាសភាពជាច្រើនចូលរួមក្នុងនោះមានថ្នាក់ដឹកនាំខេត្ត ក្រុង-ស្រុក និងមន្ទីរអង្គភាពជុំវិញខេត្ត ព្រមទាំងផ្នែកពាក់ព័ន្ធជាច្រើននាក់ ដើម្បីធានាឱ្យការប្រព្រឹត្តទៅប្រកបដោយសន្តិសុខ សណ្ដាប់ធ្នាប់ និងភាពសប្បាយរីករាយដល់ប្រជាពលរដ្ឋក្នុងពិធីបុណ្យចូលឆ្នាំប្រពៃណីជាតិយើង ប្រកបដោយភាពរលូន និងជោគជ័យ។
គួរបញ្ជាក់ថា លោកនាយករដ្ឋមន្ត្រី ហ៊ុន សែន បានប្រកាសឱ្យមានការរៀបចំពិធីបុណ្យចូលឆ្នាំថ្មីប្រពៃណីជាតិនៅក្នុងឆ្នាំ ២០២២ នេះដែលនឹងប្រព្រឹត្តទៅនាខែមេសាខាងមុខនេះ បន្ទាប់ពីមានការខកខានរយៈពេល ២ ឆ្នាំកន្លងមក ដោយសារការឆ្លងរាលដាលពីមេរោគកូវីដ ១៩៕
