.jpg)
គ្រូពេទ្យមកទទួលអ្នកជំងឺទៅព្យាបាលនាពេលកន្លងទៅ។ រូបថត ហ្វេសប៊ុក
ភ្នំពេញៈ ក្រសួងសុខាភិបាលបានប្រកាសរកឃើញអ្នកឆ្លងវីរុសកូវីដ ១៩ បន្ថែមទៀតជាង ៥០ នាក់ ដែលសុទ្ធតែជាប្រភេទវីរុសបំប្លែងថ្មីអូមីក្រុងទាំងអស់ និងមានអ្នកជាសះស្បើយបន្ថែមរហូតជាង ៤០ នាក់ផងដែរ និងមិនមានអ្នកស្លាប់ដោយសារមេរោគកូវីដ ១៩ អូមីក្រុងនេះទេ នាថ្ងៃនេះ។
សេចក្តីប្រកាសរបស់ក្រសួងសុខាភិបាលនៅថ្ងៃទី ២៨ ខែ មីនា ឆ្នាំ ២០២២ បានបញ្ជាក់ថា មនុស្សចំនួន ៥២ នាក់ទៀត បានឆ្លងវីរុសកូវីដ ១៩ និងមានអ្នកជាសះស្បើយចំនួន ៤៦ នាក់។ ការរកឃើញនេះមានករណីឆ្លងសហគមន៍ ចំនួន ៥២ នាក់ និងមិនមានអ្នកដំណើរមកពីបរទេសឆ្លងឡើយ។
គិតត្រឹមព្រឹក ថ្ងៃទី ២៨ ខែ មីនា ឆ្នាំ ២០២២ កម្ពុជាមានអ្នកឆ្លងវីរុសកូវីដ ១៩ សរុបទូទាំងប្រទេសចំនួន ១៣៥ ៥១៣ នាក់ អ្នកជាសះស្បើយ សរុបចំនួន ១៣១ ៤៥៩ នាក់ និងអ្នកស្លាប់មានចំនួន ៣ ០៥៤ នាក់៕
