ភ្នំពេញៈ ក្រសួងសុខាភិបាលប្រកាសរកឃើញអ្នកឆ្លងវីរុសកូវីដ ១៩ បន្ថែមទៀតចំនួន ៤០ នាក់ ដែលសុទ្ធតែជាប្រភេទវីរុសបំប្លែងថ្មីអូមីក្រុងទាំងអស់ ហើយក៏មានអ្នកជាសះស្បើយបន្ថែមរហូតជាង ១០០ នាក់ផងដែរ និងមិនមានអ្នកស្លាប់ដោយសារមេរោគកូវីដ ១៩ អូមីក្រុងនេះទេនាថ្ងៃនេះ។
សេចក្តីប្រកាសរបស់ក្រសួងសុខាភិបាលនៅថ្ងៃទី ៣១ ខែ មីនា ឆ្នាំ ២០២២ បានបញ្ជាក់ថា មនុស្សចំនួន ៤០ នាក់ទៀត បានឆ្លងវីរុសកូវីដ១៩និងមានអ្នកជាសះស្បើយចំនួន១០៨នាក់។ ការរកឃើញនេះមានករណីឆ្លង ក្នុងសហគមន៍ ចំនួន៤០នាក់ និងមិនបានរកឃើញលើអ្នកដំណើរមកពីបរទេសទេ។
គិតត្រឹមព្រឹកថ្ងៃទី ៣១ ខែ មីនា ឆ្នាំ ២០២២ កម្ពុជាមានអ្នកឆ្លងវីរុសកូវីដ ១៩ សរុបទូទាំងប្រទេសចំនួន ១៣៥ ៦២៥ នាក់ អ្នកជាសះស្បើយ សរុបចំនួន ១៣១ ៧០៦ នាក់ និងអ្នកស្លាប់មានចំនួន ៣ ០៥៤ នាក់៕