ក្រសួងសុខាភិបាលបានប្រកាសរកឃើញអ្នកឆ្លងវីរុសកូវីដ ១៩ ជិត ៦០ នាក់បន្ថែមទៀត ដែលសុទ្ធតែជាប្រភេទវីរុសបំប្លែងថ្មីអូមីក្រុងទាំងអស់ និងមានអ្នកជាសះស្បើយរហូតជាង ១០០ នាក់ផងដែរ និងមិនមានអ្នកស្លាប់ដោយសារមេរោគកូវីដ ១៩ អូមីក្រុងនេះទេ។
យោងតាមសេចក្តីប្រកាសរបស់ក្រសួងសុខាភិបាលនៅថ្ងៃទី ០១ ខែ មេសា ឆ្នាំ ២០២២ បានបញ្ជាក់ថា មនុស្សចំនួន ៥៧ នាក់ទៀត បានឆ្លងវីរុសកូវីដ ១៩ និងមានអ្នកជាសះស្បើយចំនួន ១០២ នាក់។ ការរកឃើញនេះមានករណីឆ្លងសហគមន៍ចំនួន ៥៧ នាក់ និងមិនមានរកឃើញលើអ្នកដំណើរពីបរទេសទេ។
គិតត្រឹមព្រឹក ថ្ងៃទី ០១ ខែ មេសា ឆ្នាំ ២០២២ កម្ពុជាមានអ្នកឆ្លងវីរុសកូវីដ ១៩ សរុបទូទាំងប្រទេសចំនួន ១៣៥ ៦៨២ នាក់ អ្នកជាសះស្បើយសរុបចំនួន ១៣១ ៨០៨ នាក់ និងអ្នកស្លាប់មានចំនួន ៣ ០៥៤ នាក់៕