.jpg)
កាកបាទក្រហមកម្ពុជា បានឆ្លើយតបទៅនឹងប្រជាពលរដ្ឋដែលរងគ្រោះដោយគ្រោះធម្មជាតិ ក្នុងខែមីនា ឆ្នាំ២០២២នេះ ជិត១០០០ គ្រួសារ និងនៅបន្តធ្វើការជួយសង្គ្រោះក្រុមគ្រួសារដែលនៅជួបការលំបាកនិងរងគ្រោះបន្តទៀត។
យោងតាមកាកបាទក្រហមកម្ពុជាបានឱ្យដឹងថា ក្នុងខែមីនា នេះ គ្រោះធម្មជាតិខ្យល់កន្ត្រាក់ បានបង្កឱ្យមានការប៉ះពាល់ដល់ផ្ទះរបស់ប្រជាពលរដ្ឋរហូតដល់ ចំនួន ១ ២៩៤ ខ្នង ដោយក្នុងនោះ កាកបាទក្រហមកម្ពុជាបានជួយជាស្បៀងនិងការជួសជុលផ្ទះឡើងវិញបានចំនួន៩៧៩ គ្រួសារផងដែរ និងកំពុងឆ្លើយតបជាបន្តទៀតផងដែរ។
កាកបាទក្រហមកម្ពុជាបានលើកឡើងថា ៖ «ទាំងអស់គ្នារួមជាមួយកាកបាទក្រហមកម្ពុជា ដោះស្រាយបញ្ហាប្រឈមនានា និងបន្តពង្រឹងភាពធន់សហគមន៍»។
ជាក់ស្តែង គ្រួសារចំនួន ៦០គ្រួសារដែលរងគ្រោះដោយសារខ្យល់កន្ត្រាក់បាក់រលំផ្ទះ ចំនួន ៦០គ្រួសារ ក្នុងនោះរងគ្រោះខូចខាតទាំងស្រុង ចំនួន ១០គ្រួសារ ខូចខាតមធ្យម ចំនួន ៤៩គ្រួសារ និងរបួសស្រាល ១នាក់ នៅភូមិចំនួន ៥ ក្នុងឃុំកន្សោមអក ស្រុកកំពង់ត្របែក ក្នុងខេត្តព្រៃវែង បានទទួលអំណោយមនុស្សធម៌ពីលោក ជា សុមេធី អភិបាលខេត្ត និងជាប្រធានគណៈកម្មាធិការសាខាខេត្តព្រែវែង កាលពីថ្ងៃទី២៨ ខែមីនា កន្លងទៅនេះ។
លោកបានអំពាវនាវដល់ប្រជាពលរដ្ឋទាំងអស់ ត្រូវមានការប្រុងប្រយ័ត្នចំពោះ ផ្គរ រន្ទះ នៅពេលមានភ្លៀងត្រូវបិទទូរទស្សន៍ បិទទូរស័ព្ទ និងស្វែងរកកន្លែងដែលមានសុវត្ថិភាព៕
