ភ្នំពេញៈ ក្រសួងសុខាភិបាលបានប្រកាសរកឃើញអ្នកឆ្លងវីរុសកូវីដ ១៩ ជាង ៣០ នាក់ បន្ថែមទៀតដែលសុទ្ធតែជាប្រភេទវីរុសបំប្លែងថ្មីអូមីក្រុងទាំងអស់ និងមានអ្នកជាសះស្បើយបន្ថែមរហូតជាង ១០០ នាក់ផងដែរ ប៉ុន្តែមិនមានអ្នកស្លាប់ដោយសារមេរោគកូវីដ ១៩ អូមីក្រុងនេះទេ។
យោងតាមសេចក្តីប្រកាសរបស់ក្រសួងសុខាភិបាលនៅថ្ងៃទី ៤ ខែ មេសា ឆ្នាំ ២០២២ បានបញ្ជាក់ថា មនុស្សចំនួន ៣៥ នាក់ទៀត មានឆ្លងវីរុសកូវីដ ១៩ និងមានអ្នកជាសះស្បើយចំនួន ១៣៣ នាក់។ ការរកឃើញនេះសុទ្ធតែជាករណីឆ្លងសហគមន៍ទាំង ៣៥ នាក់ រីឯអ្នកដំណើរពីបរទេសរកមិនមានឃើញមានឆ្លងទេ។
គិតត្រឹមព្រឹក ថ្ងៃទី ៤ ខែ មេសា ឆ្នាំ ២០២២ កម្ពុជាមានអ្នកឆ្លងវីរុសកូវីដ ១៩ សរុបទូទាំងប្រទេសចំនួន ១៣៥ ៧៨២ នាក់ អ្នកជាសះស្បើយសរុបចំនួន ១៣២ ២០១ នាក់ និងអ្នកស្លាប់មានចំនួន ៣ ០៥៤ នាក់៕