ភ្នំពេញៈ ក្រសួងសុខាភិបាលប្រកាសរកឃើញអ្នកឆ្លងវីរុសកូវីដ១៩បន្ថែមទៀតជាង៣០នាក់ ដែលសុទ្ធតែជាប្រភេទវីរុសបំប្លែងថ្មីអូមីក្រុងទាំងអស់ និងមានអ្នកជាសះស្បើយបន្ថែមជាង២០ នាក់ផងដែរ ប៉ុន្តែមិនមានអ្នកស្លាប់ដោយសារមេរោគកូវីដ១៩ឡើយ នាថ្ងៃនេះ។
សេចក្តីប្រកាសរបស់ក្រសួងសុខាភិបាលនៅថ្ងៃទី១០ មេសា ឆ្នាំ២០២២ បញ្ជាក់ថា មនុស្សចំនួន៣៣នាក់ទៀត បានឆ្លងវីរុសកូវីដ១៩ និងមានអ្នកជាសះស្បើយចំនួន២២នាក់។ ការរកឃើញនេះ មានករណីឆ្លងសហគមន៍ ចំនួន៣៣នាក់ និងមិនមានការរកឃើញឆ្លងលើអ្នកដំណើរមកពីបរទេសទេ។
គិតត្រឹមព្រឹក ថ្ងៃទី១០ ខែមេសា ឆ្នាំ២០២២ កម្ពុជា មានអ្នកឆ្លងវីរុសកូវីដ១៩សរុបទូទាំងប្រទេសចំនួន ១៣៥ ៩៤៧នាក់ អ្នកជាសះស្បើយ សរុបចំនួន១៣២ ៦១៨នាក់ និងអ្នកស្លាប់មានចំនួន៣ ០៥៥នាក់៕