The Phnom Penh Post Search

Search form




Logo of Phnom Penh Post newspaper Phnom Penh Post - ព្រះ​មហាក្សត្រ​ និង​សម្តេច​ព្រះវររាជ​មាតា​ជាតិខ្មែរ​ យាង​មាតុភូមិ​និវត្ត​ពី​ទីក្រុង​ប៉េកាំង​

ព្រះ​មហាក្សត្រ​ និង​សម្តេច​ព្រះវររាជ​មាតា​ជាតិខ្មែរ​ យាង​មាតុភូមិ​និវត្ត​ពី​ទីក្រុង​ប៉េកាំង​

Content image - Phnom Penh Post
ព្រះ​មហាក្សត្រ​ និង​សម្តេច​ព្រះវររាជ​មាតា​ជាតិខ្មែរ​ យាង​មាតុភូមិ​និវត្ត​ពី​ទីក្រុង​ប៉េកាំង​។ រូបថត SPM

ព្រះ​មហាក្សត្រ​ និង​សម្តេច​ព្រះវររាជ​មាតា​ជាតិខ្មែរ​ យាង​មាតុភូមិ​និវត្ត​ពី​ទីក្រុង​ប៉េកាំង​

​ភ្នំពេញៈ ព្រះករុណា ព្រះបាទ​សម្តេច ព្រះបរមនាថ នរោត្តម សីហមុនី ព្រះមហាក្សត្រ នៃ​ព្រះរាជាណាចក្រ​កម្ពុជា និង​សម្តេចព្រះ​មហាក្សត្រី ន​រោ​ត្ដម មុនិនាថ សីហនុ ព្រះវររាជ​មាតា​ជាតិខ្មែរ បាន​វិលត្រឡប់​មកពី​ទីក្រុង​ប៉េកាំង​វិញ​នៅ​រសៀល​ថ្ងៃទី ១២ ខែមេសា​។

នា​រសៀល​ថ្ងៃ​អង្គារ ទី​១២ ខែមេសា ឆ្នាំ​២០២២ លោ​កស ខេង ឧបនាយករដ្ឋមន្ត្រី រដ្ឋមន្ត្រី​ក្រសួងមហាផ្ទៃ បាន​អញ្ជើញ​ចូលរួម​ទទួល​ព្រះរាជដំណើរ ព្រះករុណា ព្រះបាទ​សម្តេច ព្រះបរមនាថ នរោត្តម សីហមុនី ព្រះមហាក្សត្រ នៃ​ព្រះរាជាណាចក្រ​កម្ពុជា និង​សម្តេចព្រះ​មហាក្សត្រី ន​រោ​ត្ដម មុនិនាថ សីហនុ ព្រះវររាជ​មាតា​ជាតិខ្មែរ ជាទីគោរព​សក្ការៈ​ដ៏​ខ្ពង់ខ្ពស់​បំផុត យាង​ត្រឡប់មក​ព្រះរាជាណាចក្រ​កម្ពុជា​វិញ ក្រោយ​ពិនិត្យ​ព្រះរាជសុខភាព នៅ​ទីក្រុង​ប៉េកាំង នៃ​សាធារណរដ្ឋ​ប្រជាមានិត​ចិន​។ នេះ​បើ​យោងតាម​ហ្វេ​ស​ប៊ុ​ក​ក្រសួងមហាផ្ទៃ​។

ហ្វេ​ស​ប៊ុ​ក​នេះ​បាន​ឱ្យដឹងទៀតថា ការយាង​និវត្ត​របស់ ព្រះមហាក្សត្រ និង​សម្តេចព្រះ​មហាក្សត្រី ព្រះវររាជ​មាតា​ជាតិខ្មែរ ក៏មាន​ការអញ្ជើញ​ចូលរួម​ទទួល​ព្រះរាជដំណើរ​យាង​និវត្ត​ពី លោក សាយ ឈុំ ប្រធានព្រឹទ្ធសភា លោក ហេង សំរិន ប្រធានរដ្ឋសភា លោក ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា លោក គង់ សំអុល ឧបនាយករដ្ឋមន្ត្រី រដ្ឋមន្ត្រីក្រសួង​ព្រះបរមរាជវាំង លោក ទៀ បាញ់ ឧបនាយករដ្ឋមន្ត្រី រដ្ឋមន្ដ្រី​ក្រសួងការពារជាតិ លោក Wang Wentian ឯកអគ្គរដ្ឋទូត ចិន​ប្រចាំ​កម្ពុជា ព្រមទាំង​លោក​លោកស្រី ជា​ថ្នាក់ដឹកនាំ​ស្ថាប័ន​ជាតិ​សំខាន់ៗ ជាច្រើនរូប​ទៀត​។

ព្រះករុណា ព្រះបាទ​សម្តេច ព្រះបរមនាថ នរោត្តម សីហមុនី ព្រះមហាក្សត្រ នៃ​ព្រះរាជាណាចក្រ​កម្ពុជា និង​សម្តេចព្រះ​មហាក្សត្រី ន​រោ​ត្ដម មុនិនាថ សីហនុ ព្រះវររាជ​មាតា​ជាតិខ្មែរ ជាទីគោរព​សក្ការៈ​ដ៏​ខ្ពង់ខ្ពស់​បំផុត ទ្រង់​បាន​យាង​ចាក​ចេញពី​ព្រះរាជាណាចក្រ​កម្ពុជា ឆ្ពោះទៅកាន់​រដ្ឋធានី​ប៉េកាំង នៃ​សាធារណរដ្ឋ​ប្រជាមានិត​ចិន កាលពី​ថ្ងៃទី​៤ ខែមីនា ឆ្នាំ​២០២២ ដើម្បី​ពិនិត្យ​ព្រះរាជសុខភាព​។ ព្រះមហាក្សត្រ និង​សម្តេចព្រះ​មហាក្សត្រី ព្រះវររាជ​មាតា​ជាតិខ្មែរ ព្រះអង្គ​តែងតែ​យាង​ទៅពិនិត្យ​ព្រះរាជសុខភាព​ចំនួន​០២​ដង ក្នុង​មួយឆ្នាំ តាមរយៈ​ការយាង​របស់​ក្រុមគ្រូពេទ្យ​ជំនាញ​នៅ​សាធារណរដ្ឋ​ប្រជាមានិត​ចិន​៕

អត្ថបទគួរចាប់អារម្មណ៍