.jpg)
គ្រូពេទ្យចាក់វ៉ាក់សាំងជូនប្រជាពលរដ្ឋនៅមន្ទីរពេទ្យបង្អែកពោធិ៍សែនជ័យ នាពេលកន្លងទៅ។ ហេង ជីវ័ន
ក្រសួងសុខាភិបាលបានឱ្យដឹងថា គិតត្រឹមថ្ងៃទី ១៤ ខែ មេសា ឆ្នាំ ២០២២ លទ្ធផលចាក់វ៉ាក់សាំងបង្ការជំងឺកូវីដ១៩ មានជាង ៩២ភាគរយហើយ បើធៀបនឹងចំនួនប្រជាជនសរុប ១៦លាននាក់។
យោងរបាយការណ៍របស់អនុគណៈកម្មការតាមដាន និងវាយតម្លៃនៃគណៈកម្មការចំពោះកិច្ចចាក់វ៉ាក់សាំងកូវីដ១៩ ក្នុងក្របខ័ណ្ឌទូទាំងប្រទេស (គ.វ.ក-១៩) បានឱ្យដឹងថា កំណើនអត្រាចាក់វ៉ាក់សាំងបង្ការជំងឺកូវីដ១៩ នៅកម្ពុជា គិតត្រឹមថ្ងៃទី១៤ ខែមេសានេះ លើប្រជាជនអាយុពី១៨ឆ្នាំឡើង មាន ១០២,៧៣% ធៀបជាមួយចំនួនប្រជាជនគោលដៅ ១០លាននាក់។ ចាក់វ៉ាក់សាំងលើកុមារ-យុវវ័យអាយុពី ១២ឆ្នាំ ទៅក្រោម ១៨ឆ្នាំ មាន ១០០,១៨% ធៀបជាមួយចំនួនប្រជាជនគោលដៅ ១ ៨២៧ ៣៤៨ នាក់។ លើកុមារអាយុពី ០៦ឆ្នាំ ដល់ក្រោម ១២ឆ្នាំ មាន ១០៧,៨៧% ធៀបជាមួយនឹងប្រជាជនគោលដៅ ១៨៩៧៣៨២ នាក់។ លើកុមារអាយុ ០៥ឆ្នាំ មាន ១២៤,៦៣% ធៀបជាមួយនឹងប្រជាជនគោលដៅ ៣០៤ ៣១៧ នាក់។
លើកុមារអាយុ ០៣ឆ្នាំ ដល់ ក្រោម ០៥ឆ្នាំ មាន ៥២,៥៣% ធៀបជាមួយនឹងប្រជាជនគោលដៅ ៦១០ ៧៣០ នាក់។
របាយការណ៍ដដែលបន្តថា ជាលទ្ធផលការចាក់វ៉ាក់សាំងកូវីដ១៩ ធៀបនឹងចំនួនប្រជាជនសរុប ១៦លាន នាក់ មាន ៩២,៨២%៕
វីដេអូ៖
