ភ្នំពេញៈក្រសួងសុខាភិបាលបានប្រកាសរកឃើញអ្នកឆ្លងវីរុសកូវីដ១៩ ចំនួន ១៦នាក់ បន្ថែមទៀតដែលសុទ្ធតែជាប្រភេទវីរុសបំប្លែងថ្មីអូមីក្រុងទាំងអស់ និងមានអ្នកជាសះស្បើយបន្ថែមចំនួន ១៨នាក់ផងដែរ ប៉ុន្តែមិនមានអ្នកស្លាប់ថ្មី ដោយសារមេរោគកូវីដ១៩ ឡើយ។
យោងតាមសេចក្តីប្រកាសរបស់ក្រសួងសុខាភិបាលនៅថ្ងៃទី១៧ ខែមេសា ឆ្នាំ២០២២ បានបញ្ជាក់ថា ការរកឃើញនេះមានករណីឆ្លងសហគមន៍ ចំនួន ១៦នាក់ និងមិនមានការរកឃើញឆ្លងលើអ្នកដំណើរពីបរទេសទេ។
គិតត្រឹមព្រឹកថ្ងៃទី១៧ ខែមេសា ឆ្នាំ២០២២ កម្ពុជាមានអ្នកឆ្លងវីរុសកូវីដ១៩សរុបទូទាំងប្រទេសចំនួន ១៣៦០៦០ នាក់ អ្នកជាសះស្បើយ សរុបចំនួន ១៣២ ៧៦៩នាក់ និងអ្នកស្លាប់មានចំនួន ៣ ០៥៥នាក់៕