ភ្នំពេញៈ ក្រសួងសុខាភិបាលបានប្រកាសរកឃើញអ្នកឆ្លងវីរុសកូវីដ ១៩ បន្ថែមទៀតចំនួន ១៦ នាក់ ដែលសុទ្ធតែជាប្រភេទវីរុសបំប្លែងថ្មីអូមីក្រុងទាំងអស់ ប៉ុន្តែក៏មានអ្នកជាសះស្បើយបន្ថែមចំនួន ២០ នាក់ផងដែរ ហើយមិនមានអ្នកស្លាប់ដោយសារមេរោគកូវីដ ១៩ បំប្លែងថ្មីនេះឡើយ នាថ្ងៃនេះ។
សេចក្តីប្រកាសរបស់ក្រសួងសុខាភិបាលនៅថ្ងៃទី ១៨ ខែ មេសា ឆ្នាំ ២០២២ បានបញ្ជាក់ថា ការរកឃើញនេះមានករណីឆ្លងសហគមន៍ចំនួន ១៦ នាក់ និងមិនមានការរកឃើញឆ្លងលើអ្នកដំណើរមកពីបរទេសទេ។
គិតត្រឹមព្រឹកថ្ងៃទី ១៨ មេសា ឆ្នាំ ២០២២ កម្ពុជាមានអ្នកឆ្លងវីរុសកូវីដ ១៩ សរុបទូទាំងប្រទេសចំនួន ១៣៦ ០៧៦ នាក់ អ្នកជាសះស្បើយ សរុបចំនួន ១៣២ ៧៨៩ នាក់ និងអ្នកស្លាប់មានចំនួន ៣ ០៥៥ នាក់៕