ភ្នំពេញៈ ក្រសួងសុខាភិបាលបានប្រកាសរកឃើញអ្នកឆ្លងវីរុសកូវីដ ១៩ ចំនួន ១៤ នាក់បន្ថែមទៀត ដែលសុទ្ធតែជាប្រភេទវីរុសបំប្លែងថ្មីអូមីក្រុងទាំងអស់ និងមានអ្នកជាសះស្បើយបន្ថែមចំនួន ១២ នាក់ផងដែរ ប៉ុន្តែមិនមានអ្នកស្លាប់ដោយសារមេរោគកូវីដ ១៩ ឡើយ។
យោងតាមសេចក្តីប្រកាសរបស់ក្រសួងសុខាភិបាលនៅថ្ងៃទី ១៩ ខែ មេសា ឆ្នាំ ២០២២ បានបញ្ជាក់ថា ការរកឃើញនេះមានករណីឆ្លងសហគមន៍ ចំនួន ១៤ នាក់ និងមិនមានការរកឃើញឆ្លងលើអ្នកដំណើរពីបរទេសទេ។
គិតត្រឹមព្រឹក ថ្ងៃទី ១៩ ខែ មេសា ឆ្នាំ ២០២២ កម្ពុជាមានអ្នកឆ្លងវីរុសកូវីដ ១៩ សរុបទូទាំងប្រទេសចំនួន ១៣៦ ០៩០ នាក់ អ្នកជាសះស្បើយ សរុប ចំនួន ១៣២ ៨០១ នាក់ និងអ្នកស្លាប់មានចំនួន ៣ ០៥៥ នាក់៕