ភ្នំពេញៈ ក្រសួងសុខាភិបាលបានប្រកាសរកឃើញអ្នកឆ្លងវីរុសកូវីដ ១៩ ជិត ៣០ នាក់បន្ថែមទៀត ដែលសុទ្ធតែជាប្រភេទវីរុសបំប្លែងថ្មីអូមីក្រុងទាំងអស់ និងមានអ្នកជាសះស្បើយបន្ថែមជាង ២០ នាក់ទៀត ហើយក៏បានរកឃើញអ្នកស្លាប់ដោយសារជំងឺនេះម្នាក់ទៀតផងដែរ។
យោងតាមសេចក្តីប្រកាសរបស់ក្រសួងសុខាភិបាលនៅថ្ងៃទី ២០ ខែ មេសា ឆ្នាំ ២០២២ បានបញ្ជាក់ថា មនុស្សចំនួន ២៧ នាក់ទៀត មានឆ្លងវីរុសកូវីដ ១៩ និងមានអ្នកជាសះស្បើយចំនួន ២៤នាក់។ ការរកឃើញនេះមានករណីឆ្លងសហគមន៍ទាំងអស់ និងមិនមានការរកឃើញឆ្លងលើអ្នកដំណើរពីបរទេសទេ។
គិតត្រឹមព្រឹកថ្ងៃទី ២០ ខែ មេសា ឆ្នាំ ២០២២ កម្ពុជាមានអ្នកឆ្លងវីរុសកូវីដ ១៩ សរុបទូទាំងប្រទេសចំនួន ១៣៦ ១១៧ នាក់ អ្នកជាសះស្បើយសរុប ចំនួន ១៣២ ៨២៥ នាក់ និងអ្នកស្លាប់មានចំនួន ៣ ០៥៦ នាក់៕